Yakap 7
7
Kewu anggwenu yanggätäkän yiwikdoke pänguhikut
1Täpdukngätä apän, Yawetä Noa inikut. “Äminu ayiwixayingkätanu, nätä gandupa, äminomänu gäkän. Ge gin yänggwälu undä sip gwenkätan kopnong. 2-3Gwaxu nomänu#7:2-3 Gwaxu Anätule kayine nomänu, ofäle bä anananggengu täke. inäinä, äwä kwäwilu inäinä, mängälä 7, wäwi 7 yang päyo. Tikengu gwaxu nomänundo täpäläpä, mängälä gwendu, wäwi gwendu yanggän pätäke kuyo. Ge uläkwäkgäyä kewune sakngälawik. 4Anggwenunetä täpduxu 7 yiwikengä, hopä tewa, kwakäpäne kupiläne yang takuhixawän, ku täpduxu 40 apuxuwik. Tiwän hängäläpä kewu anggomune nina pekumu, undä pahawa hopining,” yang inikut. 5Tiwän Yawetä u yakut using tawake pahakut.
6Noa krismasnä 600 yiwixawän, yanggätä kep gomu yiwikdoke pänguhikut. 7Noa, mängätnä, wawakngä, äwä wawakngäle mängät yang, “Yanggätä nihipsäk,” yake, sip gwenune kopgin. 8Gwaxu nomän, gwaxu nomänundo, äwä kwäwit yangu ayä mängätnä yang 9sip gwenune kopgin, Anätutä Noa inikut using. 10Täpduxu Anätutä yakut using 7 gwendä apän, yanggä une sipgin.
11Noa krismasnä 600 tixawän, yekäwu 2 gwende täpduxu 17 gwenune kep gomu gänanggänangäkän tixawä, yanggä undandä akopgin. Tixawän yekäpde yämäxäyä wangga tixawä, 12hopä takuhixawän, ku täpduxu 40 apuxukut.
13Inä täpduxu unggwenunekänu, Noa, mängätnä, wawakngä äwä wawakngä uläkwäkge mängät yang siwune kopgin. 14Tiwän hängä kewune alihikuke yiwixaying, awepmäke tihikukaying, inulung, mätekngä yang undä kopgin. 15Hängä undä mepme pexayingu gwenalänänäxäyä apä, sipkätan Noaxät using kopgin. 16Anätutä Noa inikut using, hängä undä u kopginu, mangätnä ayä yang kopgin. Tiwänä Yawetä yämä däkä tahakuhikut.
17Tiwänä yanggä kepkätandä akoxawä, hopä alakuhixawän, täpduxu 40 apuxukut. Yanggätä yiwikdoke, sip gwenu enen hikngä tängenakut. 18Yanggätä inulung hikngä yiwitexäwik, sip gwenu täpän tayikut. 19Tiwän unetäkän yanggä inulung hikngä yiwitexäwik, täwalu belakngä däkändäkä undä pänguhikut. 20Pänguhike, täwalu 7 mita ko yapmikut.
21Tikengä hängä kewune tihikukaying, kwäwit, hängä inulung, mätekngä äwä ämin yangu undä pänguhiwän kumgin. 22Hängä täpä mepme pexäwik, kep däkäne tihikuke yiwixayingu, undä hikngä kumgin. 23Tiwän hängäläpä kep däkäne nanä undä pahawän hopikin. Tike Noaxät siwune yiwikindäkän käluxu yiwikin.
24Tiwän yanggä ayiwikut täkngane using yiwixawän, ku täpduxu 150 apgut.
Zur Zeit ausgewählt:
Yakap 7: AWX
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Wycliffe Bible Translators, Inc. All rights reserved
