Beliebte Verse in Galesia 5

Teilen

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti', waf so'umbilanai, naloma waf ukup bo'omi mapaisa sumafi alop andeande'. Owa' anom basefa mi'uli atotona nape lu'una nikila' waf anama bu'unai, owa'.

Basef ae' a'iami amama. Ipe' pembale'efa Ambal Bu'unai Godi pefe'. I'i ipe' pilam penda'am na'ama, ina anona nemaf pila waf apinai, owa'.

Ambal Bu'unai Godi atona nase'apa ambal namunai napaipa. Ea' dei' ape' mila waf ananinai mefe'.

Emi egafis Krais Jisasi saunda opalef apimi mail lawag usi'inai tu'wanainai maloma waf naninani ukup mohafemanai naloma naninani aonai.

Waf opaf apinai epes hiesi sogawana ea' nape alihina. Anama na'ama. So'a waol, waf aonai, ukup mohafema waf aonai, sandagala sanifela god baso'omunai, sanda' mu'uhup, sanda' ufial ma'akw, waf nefala enis naumbih, ukup mapoma esis etis, lopa' fitap, waf kowalasa anom amamaga enis epesi, ukup wandafum, basef wandafumi sondaha pepe'ma biefis, sowala wambotagw, ukup aoma kowalasa amamaga enis epesi, sanda' spak sahaga sagaol, sa' gwa'aimi maloma embel la'ifimi hiami ma sanda' awalef awami, ea' waf naninani aonai na'ama. Fowa' a'ipipa dei' i'ipipa wapoti'. Emi egafis sanda' waf anama aonai, anona nemaf ina sefe' suwis wambel Godi, owa'.

Endilisi ipe' sahin owan, God nofalipei ma pepe wafifipa andeande'. Na'ama ipe' ukup mi'i, ape' mape andeande' wafifipa, dei' andeande'ma monda' waf alop atona. Ipe' ina ukup mi'i na'ama owa'. Ipe' ukup mimila sahin owan ipe'isi penda' maol etifigin pindagigiambanama.

Ape' mogawa opaf apinai na'i nohogofa Ambal Bu'unai Godi, ea' Ambal Godi na'i nohogofa opaf apinai. Amam biam mandahihianama mafitap mape. Ea' amamaga ipe' pa'i pienda'ami ina la'ifipama panda'am, owa'.

Dei' main, mi'uli God naso' Mosesanai hianai nape nomona basef amama atom ma'i, “Ipe' ukup mimila epes isima hiesi si'i ukup maila ipe' etipa.”

Ape' ina mosambala basef mefela agof ape'imi atom, mi'i basef moloma alupusi ape'isi mondahihianamama anona waf, owa'. Ape' ina kowalapa ma enis epes soloma amamaga asasimi, owa'.

Krais atona natagahepa mape wafifipa. Amama atom dei' ipe' pitu la'ifipa. Ina ata' pi'i aho'ma enis epes si'ipipa pitanima pepe pila mi'uli anama esis Juda sailanai wapoti', owa'.