Beliebte Verse in Yôhan 2

Teilen

Aơ jêng nau mbên khlay tal nguay Brah Yêsu ƀư jêh ta ƀon Kana, tâm n'gor Galilê, jêh ri tâm mpơl nau chrêk rmah Păng nơm, rĭ dĭng phung oh mon chroh ma Păng.

Brah Yêsu plơ̆ lah: “Hơi mê̆, moh nau aơ tât ma ay jêh ri gâp? Mông gâp ê hŏ tât ôh.”

Brah Yêsu đă khân păng: “Nkhŭt hom dak ăn bêng ăp yăng nây.” Khân păng nkhŭt bêng tât ta nko. Jêh nây Brah Yêsu đă đŏng: “Aƀaơ aơ chuah hom, njŭn ma nơm mât uănh nau sông sa.” Pôri khân păng njŭn ma bunuyh nây.

Brah Yêsu lah: “Ƀư rai hom ngih brah aơ, tâm pe nar Gâp mra ndâk đŏng.”

Brah Yêsu buănh du rse jan mâng rpăt, mprơh lĕ phung nây luh bơh ngih brah, nđâp ma biăp, ndrôk; nkhŭt mƀăr lơi prăk phung rgâl prăk jêh ri nklơ̆ lơi sưng khân păng. Brah Yêsu lah ma phung bunuyh tăch plŭk pô aơ: “Mƀăr lơi hom lĕ ndơ aơ bơh aơ, lơi ƀư ngih Mbơ̆ Gâp jêng ngih tăch drăp.”