Beliebte Verse in Jâ 14

Teilen

’Enung ddegenga jalua juam, ’enung begenga jalua juam do toang, ’enung begeng mainya delinya ba buang kain ’eno. Ddo keng solé kegero ’eno bua, keng lo muro ’eno bu’.

Jésu jogu yei wa: ’Enunga giyong go oré gusu Bang bua, ’enung gela kual go cindi bua, ’enunga go bogé kalang jomé goang cindegé bu’. Kema gono goni goa ’erang gusung ’eno na, ddi go oré gusu Bang ’eno bu’.

Jésu yégé wa: Ddo ddaindegeng solé kegero ’eno, ga begeng cindi ca Kumu bua, ga begeng cindi cang bu’.

Ba da gigengang Habé gai ga arin carara dang gusondang ca jégenegeng, ka gelgeng henga mam, ka henegeng ca henga mam ga ’enung ba yegeng dang nagé.

Kema goni goni goa magu so guang bua, ddi kobi bu’ na, kua na kema go kederei ba ’yeng, Bang kederei da ’yé kema go kederei ba ’yeng lé bua, ’enung kau kederenga ’yei bu’, ’enung banga gel gusung gusi bu’.

’Enung da ol Ba ca ddi begeng go pena go jégenegeng, na Habé ga cindi, ka jomang nageng waindo waindo. Na ké ga delinya bbalé ca ’yogé ’eno bua, ké bbala solégé ’eno bua, ké solegé dang cindegé ’eno bu’. Ama keng na, keng solgé cawa ké jom danga nageng bua, ké wo gusugeng bu’.

Henga gani gani mam ga kenga olgang gusandang na, ’enunga légé ca Kurong waia hormo a gusu Ba. Keng nia ol henga gani gani dang gusandang na, ’enung da légé.

Kederegeng nia ’yeng na, ga maga so guang.

A ta Bang ni na, kiddin ga jomé wo kené combu, ’enung da ’yé ca nyanegeng kiddin, nia cindi ’eno na, ’enung go yogeng kain ’eno.

Ama kiddin ga ’enunga ’yé ca nyanegeng kiddin na, ’enung da jiga ca nyimegeng ni gusung, cawa kiddin ga ’enunga jom kené na, keng kau da jom kené bu’.

Tomas yei wa: Bagulong, ni sela kiddin ga jia ’yé kené ’eno, nia sol giyonga mena ga?