Beliebte Verse in ယောဟန် 14

Teilen

“နင်ရို့ စိတ်မပူကတ်ကေ့ အရာ မကြောက်ကတ်ကေ့။ ငါ နင်ရို့အတွက် ငြိမ်းချမ်းခြင်း ထားဘိုက်ခရေ။ ငါ ကိုယ့် ငြိမ်းချမ်းခြင်းကို နင်ရို့ကို ပီးရေ၊ ယေကေလည်း ငါပီးစာ ငြိမ်းချမ်းခြင်းစာ လောကသားရို့ပီးစာ ငြိမ်းချမ်းခြင်းနမတူ။

ယေရှုစာ သောမကို ပြောလီရေ၊ “ငါစာ လမ်းလည်း ဖြစ်တေ၊ မှန်ကန်ခြင်းတရားလည်း ဖြစ်တေ အရာ အသက်လည်း ဖြစ်တေ။ ငါ့ကို အမှီမပြုကေ တစ်ယောက်လည်း အဖတို့ ရောက်နိုင်ကတ်လိမည် မဟုတ်။

ယေရှုစာ တပည့်ရို့ကို ပြောလီရေ၊ “နင်ရို့ စိတ်မပူကတ်ကေ့။ ထာဝရဘုရားကို ကျုံကတ် အရာ ငါ့ကိုလည်း ကျုံကတ်။

ယေကေလည်း အဖ ကူညီသူကို ငါ့နာမည်န ရွှတ်လိုက်လိမည်။ ထိုကူညီသူစာ သန့်ရှင်းသောဝိညာဉ်တော် ဖြစ်တေ။ သူစာ အားကုံးစာ အကြောင်းကို နင်ရို့ကို သွန်သင်ပီးလိမည်။ အရာ ငါ သွန်သင်ပီးစာတိကို သူစာ နင်ရို့ကို အတွက်ချရို့ ပီးလိမည်။

ငါ့ကို အစစ် ချစ်သူစာ ငါ့ ပညှတ်ချက်တိကို သိရို့ လိုက်နာလိမည်။ ငါ့ကို ချစ်သူကို ငါ့အဖ ချစ်လိမည် အရာ ငါလည်း သူ့ကို ချစ်ဖို့။ ငါ ကိုယ့်ကို သူ့ဘားမာ ဖေါ်ပြဖို့။”

နင်ရို့နအတူ ထာဝရပတ်လုံး နီဖို့အတွက် ကူညီသူတစ်ပါးကို အဖက ငါ တောင်းမည်။ ငါ့အဖစာ ထိုကူညီသူကို နင်ရို့တို့ ရွှတ်လိုက်လိမည်။ ထိုကူညီသူစာ ထာဝရဘုရား၏ ဝိညာဉ်တော် ဖြစ်တေ။ သူစာ ထာဝရဘုရား၏ အကြောင်းကို မှန်ကန်စာနည်းန သွန်သင်ပီးရေ။ လောကသားရို့ သူ့ကို မြင်လည်း မမြင်ဖူးကတ်၊ သိလည်း မသိကတ်။ ယင်းအတွက်န သူရို့စာ ယင်းဝိညာဉ်တော်ကို လက်မခံနိုင်ကတ်၊ ယေကေလည်း သူစာ နင်ရို့နအတူ ဟိရေ အရာ နင်ရို့ စိတ်နှလုံးမာ ကျိန်းဝပ်လိမည်။ ယင်းအတွက်န နင်ရို့ သူ့ကို သိကတ်တေ။

နင်ရို့ ငါ့နာမည်န တောင်းကတ်၊ နင်ရို့ တောင်းစာ အားကုံးကို ငါ လုပ်မည်၊ အကြောင်းကား အဖ၏ ဘုန်းတန်ခိုးကို သားတော်ကနီရို့ ပေါ်ထွန်းစီချင်ရေ။ နင်ရို့ ငါ့နာမည်န ဇာကိုပင်မဆို ငါ့က တောင်းရေဆိုကေ နင်ရို့ တောင်းစာကို ငါ လုပ်မည်။”

ယေရှုစာ တပည့်ရို့ကို အရာလည်း ပြောလီရေ၊ “နင်ရို့ ငါ့ကို ချစ်တေဆိုကေ ငါပီးစာ ပညှတ်ချက်တိကို နင်ရို့ လိုက်နာကတ်လိမည်။

ငါ့အဖအိမ်မာ နီဖို့စာနေရာ အများကြီး ဟိရေ။ ယင်းပိုင် မဟိဆိုကေ ငါ နင်ရို့ကို ပြောဖို့ မဟုတ်။ ငါ နင်ရို့အတွက် နေရာ အဆင်သင့်လုပ်ဖို့ လားဖို့။

ငါ လားရို့ နင်ရို့အတွက် နေရာ အဆင်သင့် လုပ်ရို့ပြီးရေခါ ငါ အရာပြန်ရို့ လာဖို့။ အရာ နင်ရို့လည်း ငါနီစာ နေရာမာ နီဖို့ရလတ်အောင် နင်ရို့ကို ငါ့တို့ ခေါ်ယူလားဖို့။

သောမစာ ယေရှုကို ပြောလီရေ၊ “အသျှင်၊ ကိုယ်တော် ဇာတို့ ကြွဖို့လည်းဆိုစာကို အကျွန်ရို့ မသိပါ။ ယင်းပိုင်ဆိုကေ ကိုယ်တော် လားဖို့စာလမ်းကို အကျွန်ရို့ ဇာပိုင်ပျင်ရို့ သိကတ်ပါဖို့လည်း?”