Beliebte Verse in ยอห์น 14

Teilen

แว แด่แก เป่ ซี ซิปล่อ อา เตตู๊จุเตอเจ๊อ เฮ๊อ. เร๊อ แว เด๊อะ เป่ เฮ๊อ ซี แว เตตู๊จุเตอเจ๊อ เฮ๊อ. แว เด๊อะ ซี เออเนอหมา อาแซ่เน๊อ แกแย เด๊อ ซี เนอเต๊เห่ หม่าโต่. ซิปล่อกู่ ซิปล่อแก แต่ แลแค แต่เหม่. ซิอิเช แต่ แลแค แต่เหม่เหม่.

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

แบ่เจ่ เหย่ซู่ เฮ๊ เหย่ซี เน๊อ, “ซิปล่อกู่ ซิปล่อแก แลแค แต่เหม่ นี๋. หยื่อเอ่ แลแค จอแปแหร่ เร๊อ หยื่อเอ่เกอ แลแค แว นี๋.

หม่าแน๊เรอ, เพ เก่ นอแฮ เป่ ซี เพรเมจว่า ซี แหย่โยบูโพ๊แบ่เจ่ เร๊อ แวมุย ปา. อา เก่ อิซว๊าอี๊แส่ เป่ ซี เตล๋อ ปลี ปา, โท๊โต่ ล๋อ เต เด๊อ แว เฮ๊โทเฮ๊อ ซี เต๊เห่เนอ, อา เก่ เด๊อซิเง กาคยา คยาแซ๊ ซี ปา.

แกแย เตเพรเพร เด๊อ อา ปื่อหม่าหนิ แว โหง่เฮ๊แก เออเต๊เห่, เร๊อ อา ครวา โอ่เซอเพร เต๊เห่ เนอหม่า หม่าเฮ๊อ แกแย เตเพร เด๊อ อา โม หม่าเฮ๊อ แว เฮ๊อ. แกแย เด๊อ อา โม แว เนอ แวเพ เก่ โมหนิเร๊อ ลู ปา. แวเนอ, แว เก่ โมหนิเกอ อา ปา เร๊อ แว เก่ เด๊อะโล เหน่กล่อ เจ๊อ อา เร๊อ แวเหน่ ปา.”

แว เก่ กุยแถ่ เพ เด๊อ อา เก่ ซูตา เป่ ซี เพรเมจว่า ซี เตเพร เด๊อ แว เหล่โอ่ เออเนอ ปา. เร๊อ อา เก่ โอ่เกอ เร๊อ ซี ตูจูเพร ปา. อา หม่า หม่าเฮ๊อ แหย่โยบูโพ๊แบ่เจ่ เฮ๊อ. อา เก่ อิซว๊าอี๊แส่ ยูแกล๊ยูโกล ซี เน๊อ เตหม่า เตจ๊อ เออเนอ ปา. แกแย เห่ขุพู๊ เต๊เห่ แม๊เถอะน๊อ ลู โต่โต่, ซิเงน๊อ ลู โต่โต่ อาขว่าอาคยา, อา เอ๊ฉื่อ ลู โต่ ปา. หม่าแน๊เรอ ซี ซิเงเฮ๊อ ลู, เมเตเฮ๊เรอ อา โอ่เซอเพร เต่อเกอ เร๊อ ซี เร๊อ อา เก่ แฮโอ่ เด๊อ ซี ซิปล่อกู ปา.

เด๊อ แวขว่าแวคยา, เร๊อ แซ่ฮู๊ อู เก่ แม๊เถอะ แวเพ อาเตอเรอดุเตอเรอทู อาเงเนอ, ซี กุย เต อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แว เก่ เด๊อ ซี ปา. ซี กุย เต อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แว เก่ เม เป่ ซี ฮู๊ ซี กุยเนอ ปา.

“ซี เก่ โม แว เฮ๊เรอ, ซี เก่ หนิดา จูเอ่ แว โหง่เฮ๊แก เต๊เห่.

เด๊อ แวเพ อาหี่ เนอ, หี่ด๊อกู เหล่โอ่ อากู๊เหล่ โอ่ เอ๊แหน่เจ๊อ. อา เก่ โอ่หม่าโต่ เฮ๊เรอ, แว จว๊า เฮ๊ โต่ ซี เมเต? แว เตเร จว๊า ตี๊หรี่แตแร หนื่ออื่อ เป่ เฮ๊อ ซี เหล่โอ่ โต๊โผ่ เฮ๊อ.

แว จว๊า ตี๊หรี่แตแร เป่ โท ซี เหล่โอ่ โต๊โผ่ ปา เร๊อ แว กา คยาแซ๊ เด๊อ ซีโอ่ ปา. แซ่ฮู๊ ซี เก่ กา โอ่เต่อเกอ เร๊อ แว เบ๊อะแว เหล่กาโอ่ อาเหล่โอ่ เออปาเนอ, แว แฮ เอ๊กา คยาแซ๊ ดื่อ ซี ปา นี๋.

คูโธมัส เฮ๊ ลู เน๊อ, “แบ่เจ่, เน เตเร จว๊าโต เบ๊อะโต๊โผ่ เนอ เป ซิเงโต่, ฮู๊เนอเร๊อ เป จว๊า ซิเง แจ่ แกล๊ ฮู๊เต?”