Beliebte Verse in ยอห์น 11

Teilen

แบ่เจ่ เหย่ซู่ เฮ๊ ลู เน๊อ, “แว หม่า เพร เด๊อ อา เมเซอเพร กาคยา แกแยเซอ เต๊เห่. แว หม่า เพร เด๊อ อา เด๊อะ อู ซิปล่อเซอเพร. แกแย เด๊อ อา หยื่อเอ่ แว เต๊เห่เนอ, อา เซอ เจ๊อ ตื๊อดื่อเรอ อา เก่ เซอเพร กาคยา ปา. เมเตเฮ๊เรอ แกแย เด๊อ อา หยื่อเอ่ แว เต๊เห่เนอ, อา เก่ พย๊าหนิ ซิปล่อเซอเพร ตูจูเพร ปา, อา เซอปา โตโพ๋ โต่. เหมาะมารธา, แว เฮ๊เออ, เน หยื่อเอ่ แอ?”

“แว เฮ๊โทเฮ๊อ เน เนอ, เน เก่ หยื่อเอ่ เร๊อ เน เก่ แม๊เถอะ จอแปแหร่ อา เตลีเตเค ปา, แวเฮ๊โต่?” แบ่เจ่ เหย่ซู่ เฮ๊ เหย่ซี ฮู๊เนอ.

เร๊อ เหย่ซู่ โหง่.

เบ๊อะเหย่ซู่ หนิโฮ เตหรี่เตแก เออ เบ๊อะเนอ, อา เฮ๊ เน๊อ, “เด๊อ เตชุ๊ยเออ อาขว่าอาคยา, อู เก่ แม๊เถอะ จอแปแหร่ อาเตอเรอดุเตอเรอทู ปา. โท๊โต่ เด๊อ เตชุ๊ยเออ อาขว่าอาคยาเร๊อ, อู เก่ แม๊เถอะ เกอดื่อ จอแปแหร่ อาพู๊คู อาเตอเรอดุเตอเรอทู ปา.”

เบ๊อะแบ่เจ่ เหย่ซู่ กุยจ๊อเบ โทเนอ, อา เอ๊โทแถ่ เน๊อ, “คูลาซารัส! เถ่มอ!” เร๊อ แกแย เซอ เออเตเพร เถ่. อากู๊ขุ กู๊โด่ เต๊เห่เนอ อา บีตูลูโอ่หม่า ลอปา เร๊อ อิเก แบ๊ปลี เร๊อ อาเป๊เส่ เนอ อา โบ่ ตาวาบี๊ ลอปา เร๊อ อิเก. เร๊อ เหย่ซู่ เฮ๊ เหย่ซี เน๊อ, “ฉิโล๊แก เป่ ลู เร๊อ นอจว๊า อา เนอ”

เหย่ซู่ ซิเปลเซ๊โหมะ คยาแซ๊ เร๊อ อา จว๊าโต เด๊อ อู เหล่อิโล๊ โน ลู เด๊อ หล่อกู เออเนอ อา โอ่. โลกู เออเนอ อู ถู่ลอบี๊ ลู เร๊อ หล่อดุ เตเม.

อา เฮ๊โท ฮู๊เออ เนอ, อา เฮ๊ เป่แฮ โป่ เหย่ซี เน๊อ, “เป โคแบ๊ซว๊า คูลาซารัส โอ่เมอหนิ ตาปา เฮ๊อ, หม่าแน๊เรอ แว เก่ จว๊า ถู่แร ก๊อถ่อ ลู,” อา เฮ๊ เหย่ซี ฮู๊เนอ.