Beliebte Verse in ᤕᤢᤜᤢᤴᤏᤠ 2

Teilen

ᤕᤧᤛᤢᤖᤧ ᤁᤠᤰᤏᤢ᤺ᤸᤗᤧ ᤋᤃᤡᤒᤠ ᤁᤴ ᤏᤡᤱᤘᤠ᤹ ᤁᤧᤔᤠᤒᤠ ᤔᤡᤰᤛᤣ᤺ᤴᤏᤡᤴ ᤃᤠᤗᤡᤗ ᤌᤢᤶᤔᤥᤒᤠ ᤁᤠᤏᤠ ᤐᤠᤱᤈᤢᤶᤔᤥ ᤆᤥᤃᤢ॥ ᤜᤧᤰᤁᤣᤗ᤹ᤖᤡᤰ ᤁᤢᤔᤡᤔᤡᤍᤡᤱᤅᤡᤴ ᤀᤥᤛᤣ᤺ᤴᤍᤠᤱ ᤆᤥᤃᤢᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤂᤢᤏᤧ᤹ ᤀᤠᤸᤗᤛᤠᤱ ᤆᤠ᤹ᤖᤡᤰ ᤏᤛᤠᤴ ᤔᤧᤈᤥᤃᤢᤖᤥ॥

ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤌᤠᤔᤧᤖᤠ ᤔᤧᤴᤇᤢᤔᤠᤀᤣ. ᤌᤣᤀᤠᤱ ᤁᤴ ᤐᤠ᤺ᤴᤏᤡᤴ ᤀᤡᤱᤃᤠ᤹ ᤁᤧᤔᤧᤳᤋᤠᤒᤠᤒᤣ᥅ ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤕᤠ᤺ᤶᤒᤰ ᤆᤥ᤺ᤰᤔᤠ ᤕᤧᤶᤔᤡᤴ ᤀᤠᤸᤗ ᤌᤠᤖᤡᤰ ᤔᤧᤴᤍᤠᤀᤣ ᤘᤠ᤹ᤖᤥ॥”

ᤕᤧᤛᤢᤖᤧ ᤂᤧᤴ ᤛᤧᤘᤠᤖᤥᤒᤠᤜᤠ᤹ ᤔᤧᤳᤋᤢᤛᤡ. “ᤁᤴ ᤁᤢ᤺ᤴᤍᤠᤜᤠ᤹ ᤆᤫᤠ᤺ᤳᤋᤡᤸᤗᤧ ᤁᤢᤗᤧᤶ ᤌᤡᤶᤛᤧᤶᤛᤡᤶᤔᤧ᤹॥” ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧᤀᤠᤱ ᤁᤢ᤺ᤴᤍᤠᤜᤠ᤹ ᤁᤢᤗᤧ᤺ᤶ ᤁᤢᤗᤧ᤺ᤶ ᤔᤧᤎᤡᤶᤛᤢᤛᤡᤖᤥ॥ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤁᤴ ᤔᤡᤛᤠᤰ ᤘᤣᤃᤧᤶᤔᤧ᤹ᤀᤠᤱ ᤔᤣ᤺ᤰᤂᤡᤶᤔᤥ ᤆᤠᤔᤢᤰ ᤌᤡᤔᤢᤰ ᤀᤥᤃᤧᤔᤧᤵᤐᤧᤴ ᤐᤡᤖᤧᤶᤔᤧ᤹ᤀᤥ.” ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧᤀᤠᤱ ᤂᤢᤏᤧ᤹ ᤐᤠ᤺ᤳᤋᤢᤒᤠ ᤁᤢᤀᤡᤛᤡᤰ ᤔᤧᤈᤥᤃᤢ॥

ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤏᤥᤃᤵ ᤐᤡᤖᤢᤛᤡ. “ᤐᤥᤱ. ᤁᤴ ᤔᤠᤱᤜᤡᤶᤔᤡᤴ ᤕ᤺ᤛᤧᤶᤔᤧ᤹ ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤢᤶᤕᤧᤴᤏᤥ ᤕᤠᤶᤔᤥ ᤆᤥᤃᤢᤱ॥”

ᤕᤧᤛᤢᤖᤧ ᤀᤡᤍᤠ᤺ᤰᤁᤡᤸᤗᤧᤴ ᤋᤧ᤺ᤶᤓᤢᤰ ᤆᤥᤃᤢᤀᤠᤱ ᤂᤧᤴ ᤁᤧᤖᤧᤰ ᤔᤧᤸᤗᤢᤰᤜᤠ᤹ ᤜᤧᤰᤁᤩᤠᤱ ᤐᤡᤳᤜᤠ᤹ᤏᤢ ᤛᤥᤛᤥᤖᤡᤰ ᤁᤧᤖᤧᤰ ᤔᤏᤠᤜᤠ᤹ ᤔᤠᤱᤜᤡᤶᤗᤠᤶ ᤗᤠ᤺ᤰᤁᤠᤳ ᤏᤠ᤺ᤳᤋᤢᤍᤣᤛᤢᤛᤡ ᤜᤧᤰᤁᤩᤠᤱ ᤕᤠᤱ ᤁᤧᤗᤧᤰᤐᤠᤜᤠ᤹ᤖᤧ ᤂᤢᤏᤡ᤹ ᤕᤠᤱᤀᤡᤳᤇᤡᤜᤠ᤹ᤀᤠᤱ ᤛᤧᤛᤢ ᤐᤡᤖᤢᤛᤡᤖ ᤂᤢᤏᤡ᤹ ᤛᤠᤵᤏᤧᤳᤜᤠ᤹ᤀᤠᤱ ᤗᤧᤰᤂᤢ ᤐᤡᤖᤢᤛᤡᤖᤥ॥ ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤴ ᤐᤢᤳᤋᤢ᤺ᤰᤁᤣ ᤁᤧᤛᤱᤒᤠᤜᤠ᤹ ᤔᤧᤳᤋᤢᤛᤡ. “ᤁᤱᤜᤠ᤹ ᤋᤣ᤹ᤖᤧᤶᤛᤡᤶᤔᤧ᤹ᤀᤠᤱ ᤗᤠ᤺ᤰᤁᤠᤳ ᤗ᤺ᤴᤍᤧᤶ ᤐᤣᤃᤧᤶᤔᤧ᤹᥄ ᤂᤡᤏᤡ᤹ ᤌᤣᤀᤠᤱ ᤀᤠᤶᤒᤠᤖᤧ ᤁᤢᤜᤡᤶᤔᤡᤴ ᤛᤱᤀᤡᤱᤍᤧᤴ ᤁᤧᤈᤥᤃᤢᤶᤒᤠᤒᤣ᥅”