Beliebte Verse in Yohanes Uram 14

Teilen

Ni binkun cok, nun bokdankwayeb ati, Niryi sunsi antanirdeirin dinyi karebsin. Sun malyi dinyi kurmurun nang ara antanirdeirin dinyi diboka kum karebsiting. Eda, niryi sunsi antanirdeirisin dinyi diboka karebkwansin. Ati, sunci sun kanya dam mambul kubsicei. Tonda, ilil kanya bobmunyei.

Ebmou ba, Er Yesus biryi ersi ato ebmou. “Nira bisik bantam kunun. Tonda, dib en uram damnyi kunun. Tonda, kam kun dinyi deyoknyi kunun. Unanyi-unaner ara Er Imtamnyi dam baramingnyi nang ara Ni biriman aryok Er Imtamnyi dam baraming.

Ebmou cok, Er Yesus biryi Er miliramnyi nang asi ato ebmou. “Sun kanya mambul kubsicei. Sunci sun kanya Er Imtamnyi bisi deirirandum to, Nibabyi sun kanya deibkwanindarur.

Ura, Er Imtamnyi biryi Ni si deici aryi bokwetebci uca, Er Imtamnyi Kanya Roh Kudus ara sun dam yuryankwansir. Ara, Roh Kudus sun dongtam tikoka milibkwansiranyi kubdiryok, Erci sunsi utotoa nirya eterebkwansir. Tonda, Niryi sunsi minob etereranse tok, Roh Kudus aryi karebmaci uca, sunci tuba teneibkwandum.

Unanyi-unaner ara Ni uram taleboka kunubde baramingnyi nang ara Nisi boukwe weik kun nang kuraming. Unanyi-unaner ara Nira sun Du si boukwe weik kuraningnyi nang asi Ni Nai Imtamnyi biryi boukwe weik kubkwande. Tonda, Nibabyi a nang asi boukwe weik kimnun cok, Ni damnyi sunsi lak kibdankwan,” ebmou.

Ura, Niryi Ni Nai Imtamnyi bisi molormilisinyi uca, Erci Ni sun dongtam tikoka miliransinanyi bisi unubdeibdiryok, sun dongtam tikoka milibkwansiranyi yuknyi bisi karebkwansir. Ara, Er Imtamnyi Kanya Roh Kudus ara sun dongtam tikoka milibkwansiranyi kuransiryi, sun ab tonkwa iya kubkwandum. Roh Kudus ara dib en uram bikoka eterebde basururnyi kurur asi Er Imtamnyi biryi bokwetebkwansir. Sun malyi kurmurun nang ara Roh Kudus asi asing kum eibingiryok, kum bingnung ati sunci Ersi dobdobman kum kunung. Ba, sunda Roh Kudus asi bikmarum. Roh Kudus ara sun kanya dam kurur ati sunci Ersi bikmarum ati ebman. Ani, Er aminda ababyi sun kanya iya kubkwansir.

Ura, sunci Ni si deib aryi molobmanumunyi tok, Niryi kunubdeibkwansin. Ara, ‘Niryi, “Ni Nai Imtamnyi bira Iya Erebdobnyi kurur,” tenen dinyi lak kibdeibkwan,’ tenen Niryi sun molobmanumunyi tok kunubdeiboka karebkwansin. Ati, sunci Ni si deici aryi molobmanumunyi tok, Niryi kunubdeibkwansin,” ebmou.

Ebmou cok, Er Yesus biryi sunsi ato ebmou. “Sunci Nisi boukwe weik kuramunyi uca, Ni arukdeibmasin uram asi kunubde binkwandum.

Ni Nai kurur imtam ai umbura aryi sokon yuk-yuk ilinto kurur. Ato kum kubte ura, Niryi sunsi lak ebsitinyi. Ati, Niryi sunti, ‘Sokon kiknibminikwan,’ tenen Ni Nai Imtamnyi ai welebinkwan.

Ura, Niryi bindoka sunti sokon sirya kiknibminiksinyi ura, Ni tamuryuryankwan. Sirya tamuryuryanyi ura, Niryi sunsi boryankwansin. Ara, Ni kubkwan ai asi sunbabyi kubkwandum ati Niryi sunsi boryankwansin.

Yesus biryi ato ebmou ba, Tomas biryi Ersi ato eboka asibdenmou. “Nai Du, Kan dantam binkwandim ati nun walwal. Ati, nunci una kuboka Kan binkwandim bisik biktibyi do?” ebmou.