Beliebte Verse in LUKAS 8

Teilen

Enaa makiida ka kede mana juwijake doodoo enaa kegepaida jakimakijake epeepite uta gojawii.

Dogo jupi gootidaa tita kou ko, okei juwijake ita jaweetigo, gai peu manaido ma, tonawi manaido ma, kii makiida ka ideide manaido ma kodaa mijo gape-gape tijake uta enáá kai beu.

Mogo makiida ka kede mana juwijake umina ideide ma jakimakai. Kodeja okei mani wejawii beu tijake mijo gaa to maakodo gajake egaado ti-toojogo ko jaikidokii.

Tijake Jesus eteete mana, „Ikiija ka maakodo gai ko kaija?” Etijake okei weda gai. Okei ego takuu-takuu tijake okei kede wegaate mana, „Kii ke meime? ukija ma, uwo ma etimakijake jajuweega kou ko,” wegai.

Ita watija ka kede mana juwita bagee. Tijake Teege mejake mana kodo kegepa duba make jamotigou, okei maakodo gajake ajii tidaa na kojoka.

Boonita agijo ena ma beu, ewaida te kaita mana kodo. Daana gabo mana ena ma beu epi te kija mana kodo, kodeja ewaida kidoke taita.

Jagamo kodo akaato te boonimake dojake totome ma mei. Jesus jumaapa mijouga kijake okai jawinikidojake beu kipa mana kodo me utoma pekaida eti-menii. Tijake Jesus eteete mana, „Ei, ani joka, akija maakodo gai kodaa didi beu keege. Kojáá uwii,” etii.

Okei Jesuspa mejake matoki eteete mana, „Ei, Kuduu, Kuduu, inii bokaate,” etii. Okai anigojake ukija ma dokogaa peijo ma ewidogijake duwadoke, tijake ipadoke tai.