Beliebte Verse in JOHANNES 14

Teilen

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

Didok Jesus ma, “Ulang pola marsak rohamunu. Porsaya ma hamu tu Debata jana porsaya ma hamu tu Au.

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

Dung i Hupangido pe tu Ama i, anso dilehen Ia Pangurupi na asing di hamu, na tinggal rap dohot hamu salolot-lolotna, i ma Tondi ni hasintongan. Nada tarjagit portibi on Tondi i, angke nada diida portibi on Ia jana nada ditanda halahi muse. Tapi anggo hamu, ditanda hamu do Tondi i angke rap dohot hamu do Ia tongtong mangolu, jana di bagasan hamu muse do Ia.

Jana sanga aha pe na nipangidomunu di bagasan goarKu, baenonKu ma i di hamu, anso nipasangap Ama i markite-hite Anak i. Pangido hamu ma sanga aha sajo markite-hite goarKu; Hupatulus pe i di hamu.”

“Muda holong rohamunu tu Au, dalankononmunu do angka na Huparentahon.

Bahat do inganan di bagas ni Damang. Na giot pasingkop ingananmunu do Au kehe tusi. Pola ma Hudok songon i tu hamu, anggo na so tutu do songon i?

Dung kehe Au pasingkop inganan i di hamu, mulak pe Au anso laing disi muse ma hamu.

Dung i didok si Tomas ma tu Jesus, “Nada hami boto Tuhan sanga na giot tu dia Ho kehe, sian dia ma hami boto dalan tusi?”