Beliebte Verse in JOHANNES 11

Teilen

Dialusi Jesus ma, “Au do hangongot dohot hangoluan. Laing mangolu do sanga ise na porsaya tu Au haru pe na dung mate ia. Halak na mangolu jana na porsaya tu Au, nada mate be ia salolot-lolotna. Porsaya dehe ho disi?”

Didok Jesus ma tu si Marta, “Na he madung Hudok tu ho: Anggo porsaya ho, idaonmu do hasangapan ni Debata!”

Dung i tangis ma Jesus.

Dung dibege Jesus barita i didok Ia ma, “Nada pola mate ia baenon ni nyae i. Anso marsangap do Debata umbaen na marnyae si Lasarus; anso laing dohot muse ma dipasangap Anak Ni Debata.”

Dung didok Jesus songon i, dipagogo Ia ma soraNia pio-pio, “Haruar ma ho Lasarus!” ning Ia. Dung i haruar ma bayo na dung mate i. Laing bungkus dope tanganna i dohot patna i dibaen kopenna i, jana bohina i pe laing ditutupi kopen panutup ni bohi i dope. “Buka hamu kopenna i,” ninna Jesus tu halak na disi i, “jana padalan hamu ma ia.”

Di bagasan arsak dohot ibo ni roha, kehe ma Jesus tu kuburan i. Songon liang na ditutup dohot batu na godang do kuburan i.

Songon i ma pandok ni Jesus. Dung i didok Ia muse dope tehe, “Madung modom si Lasarus donganta i, tapi kehe ma Au manyungguli ia.”