Beliebte Verse in Yohani 3

Teilen

Kontha Nluku hofenta ittuninya mpaka wanvaherenryawe mwanawe mmoca yooyo, wiira ule nohala unkupali hirimele nanso aphwanye ukumi woohimala.

Maana Nluku honruma mwanawe wattuniyani, kahi wiira ahukhumule ittuninya, nanso wiira ittuninya yoopoliye ni uyo.

Yesu ahomwaakhula eeraka: Khweli khweli kinawuhimerya wiira, ntthu aahiyaryeke tho imaara ikina, khanoorya woona umwene wa Nluku.

Ule nonkupali kanhukhumwinya, nanso ule hinonkupali hohukhumwinya, kontha khakupanli ncina na mwana mmoca yooyo a Nluku.

Ihukhumu phi ila wiira waarya uhowa nttuniyani, ni atthu ayo afentile venci ipiphi woopwaha waarya kontha miteko caya nnyo caari coonanara.

Wanlamuliya wiira uyo oonuweke ni mi kiiyeveke.

Kontha ule othene nopanka coonanara naarusanana waarya ni khanaattamerya wo waarya, wiira miteko cawe cihoonnye.

Phimaana, ule nomwaamini mwana haana ukumi woohimala, nanso ule hinonkupali mwana khanhala woona ukumi, nanso uviruwa wa Nluku unaakhala ni uyo.

Toko Musa caathomenlyawe utakhwani inwaa yo ncukhuma, ciicammo Mwanawe Pinatamu nolamuliya uthomennya

Athumwane anaanfenta mwana ni ahonvaha cothene mmatatani mwawe.