Beliebte Verse in Mat 19

Teilen

Jesus me kiy ghene è suuy ge: Lu kenəə nɛ ke taa se wele-mesoŋ se nɛɛy dî nɛ se Feyine lu nɛ əbnəə əbjime bonen se nɛɛy.

Ka ke luun dì fene ghene bo bɛɛy wiy ghel ndun ndun, ghene shi wel əbmok. Ke me se lu ge ghàà wel yî giabsen kii dii kɛ Feyine chintenmen.

Jesus fise ge: Ghɛne bɛɛy ghàà jaŋ kelike ŋwaale-Feyin kɛ ke suuyen ge: Nè lu ɛ kenkɛɛte, Feyine bom əbvii ghene əbluumen-a? Feyine nè bom ghene dì, è me suuy ge: “Əbluumene yî yɛ lòò əb vəse ba ə wen ghene no ə wen ghene wiy wen chinten ka ghene yɛ lu kefaa kemok.”

Jesus me suuy ge: Ghɛn vəse ghon é ghene gwiy se mɛ, ghàà ghɛn se jum bek ge ɛysak ə əbfon ɛyyio lu se ghel ka ghene.

Dî nɛ ghel se ɛydio ghɛ ɛ́ luun ɛ mbiy ɛ leenen nɛ̂y yɛ lu ɛybam nɛ̀ ghel se ɛydio ghɛ ɛ́ luun ɛybame nɛ̂y yɛ lu ɛ mbiy.

Wel əbjim wɛ əb maayen ndaase kene ghone-no ə wen ɛluumene kene ɛkiye kene ba ə wen kene no ə wen kene ghon ə wen kene telem ə wen bek mɛ, lu nɛ əb náà kiile əbfua ten ɛybam kaŋ əbviɛ è gese kiile ɛychii yɛ ɛy jia yî mɛy.

Jesus suuy se wen ge: Wɛ̀ lòò è yɛ kɛŋ se yɛ lu kekwɛnten se Feyine, wɛ̀ ndu, è feene əbfua ə viɛ əbjim, è fo əbkaa ten se ghɛ́ ketane, è yɛ jumte mɛ. Wɛ̀ nɛɛy dì é wɛ̀ yɛ ki əbghaake nɛ lu ɛyyio.

Jesus fise wen ge: Lu bek ghɛ wɛ wɛ̀ bifen kenəə kɛ kum kenəə kejuŋe se mɛ? Wel əbjuŋ lu kɛn əbmok nɛ lu Feyin, nɛ wɛ̀ kɛŋe se náà se kiile ɛychii yɛ ɛy jia yî mɛy, wɛ̀ yɛ lɛme tesak.

Mɛ gese suuy se ghɛn ge: Ke bonen se nyam fenkok se chia ɛ kebuke tas, chia ka wel əbghaken yɛ lu wel əblee ɛ məme ɛysak nə Feyine.

Mɛ me se suuy se ghɛn ge: Naa ndɛ wɛ əb jumen wiy ə wen, nɛ báà buu ge əbvii nɛ̂ vi se jaŋe kenjaŋ, è ndu əbvii əbchin fene əb lu nɛ əb lii nchiine kenjaŋ, [è gese nɛɛy ge wiy ə wen lii nchiine kenjaŋ. Chɛm ndɛ əbvii wɛ əb fəyen lum lu nɛ əb lii nchiine kenjaŋ.]

Jesus me suuy se ghon-ɛyfɛl nə wene ge: Mɛ suuy əbluuy se ghɛn ge: Ke taa nɛ wel əbghaken yɛ lu wel əblee ɛ məme ɛysak nə Feyine.