Beliebte Verse in JOHAN 14

Teilen

Lungmuannak nohte zam ing. Keima lungmuannak tatak khi pia ing. Leihum mitei piakmi bangin pia kha mang hi. Lungmu tamin na umta pahsuh un hi. Thinsu li hei in, na umta pahsuh un hi.

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

Jesuh in, “Thinkham le ngaihsut haksa in, um pahsun un hi. Pathian um unna, keima hei um bok un hi.

Mahnaven Ka Pa in keima minin, a tiik tukmi Bawmtu, Hawvang Thiangtho in, nohte cu ihempoh hilh tuk hi. Nangmuh ka hilhmi thu hempoh cinglengtik tuk hi.

Ka thupiak pomin, a zuitu cu keimah ittu hi. Ama lakah keimah le keimah lang tung hi.

Ka pa i lakah ngen tung a, bawmtu dang Hawvang Thiangtho nohte pia tuk hi. Amah cu nohtei lakah kumkhua in um tuk hi. Amah cu Hawvang hi ama Pathian thutak langtiktu hi. Leihumpi in amah pom thei ma hi. Itahim titale a theih haw ngawl hangin le amuh bat haw ngawl hangin hi. Mahnaven noh ten amah khi thei uh ci. Itahim titale nangmu lakah umcih leng a, na sung uhah amah a nun hangin hi.

Pa i minthannak cu Capa i hu le thawm tuah a lang theihnak tukin keima minin, na nget uhmi hempoh cu bawlsak tung hi. Ihempoh keima minin, na ngen uh tale pia tung,” ti hi.

Jesuh in, “Keimah na it uh tale ka thupiakte zui tuk uh ci.

Ka pa i inn sungah umnak tampi um hi. Mahlai ah nangmu umnak tuk mun bawlham tukin hawh tung. Mahtin ahi ngawl ahin nohtei lakah hilh tuk mang hi.

Hawh tung a, nohtei umnak tuk mun ka bawl celh ten hungkikleh tung hi. Nohte cu keima lakah pui tung a, ka umnakah umbok tuk uh ci.

Thomas in, “TOPA, ilai kekah him na hawh tuk tih thei ma si ung. Iti bangin mahlai mun hawhnak lampi cu thei tuk ung kaw?” tin ti hi.