Beliebte Verse in MATTHAI 13

Teilen

Asinain lei ṭha i a tlami cu bia a hnâ in a theih i a sullam a hngalmi kha an si; theitlai a chuahmi cu a let zakhat, a let sawmruk le a let sawmthum in a karh tawn.

Hling lak i a tlami cu, bia cu a theih ko. Asinain hi vawlei thil le rum duhnâk nih bia cu a khuh caah theitlai a chuah kho lo.

Mizei pauh nih pennâk Thawngṭha hi a theih i a sullam a hngalh lo ahcun, mi ṭhalopa cu ara i a lungthin i a tlami thlaici cu a lâkpiak tawn. Cucu lamlak i a tlami cu a si.

Lungtamnâk hmun i a tlami cu, bia kha an theih i lungtho ngai in a cohlang cawlhmi an si; Asinain a chungah hram a thlak lo caah, cân toi te lawng a nguh. Bia ruang i serhsatnâk le hremnâk a phâk tikah a tlu tawn.

Vanbawi pennâk cu lo i ro an phummi, mi nih a hmuh i a thuhmi bantuk a si. Â lawmhtuk ah a ngeihmi vialte a zuar i lo cu a va cawk.

Sihmanhsehlaw cheukhat lei ṭha ah tla i a let zakhat, a let sawmruk, a let sawmthum in theitlai an chuah.

Rawlṭuan tiangin umṭi ko hna seh, rawlṭuan tikah a ṭuntu hna sinah, a deu kha khawm hna ulaw meiphu ah paih hna u, a ṭhami kha buk chungah khumh hna u, ka ti te hna lai,” tiah a ti.