Beliebte Verse in Luka 9

Teilen

Yesuŋo dokoine korop edane rake, “Ŋine natne na mogat nanikei wane raso, ŋine ŋinŋine simileŋine eya korop mau ketwarekiso, ŋine wikile desikei wane eweke ariuso, eŋe na nekukei, yale waka ŋine baŋ ŋingukei.

Ŋei mane eŋe wikilane kaetkaki, solaine ma walukeyakeo, eŋe gege wane numaine siuk lukayake. Ŋo ŋei mane eŋe naŋane ra more seuke-yakeo, ŋei yewa eŋe gege togon marat kayake.

Ŋo, Yesu eŋe mainge olale rake, “Ŋei maneŋo seki wane wiliŋa mayake, ŋo, eŋe zinge ŋadino pot okanmaikeo, ŋei yalineŋo Kaisale wane urata maine mi wareyake so mayake.”

Ŋei mane eŋe kepe aboŋ kine kine korop ma geyake, eya eŋe seuke more, gege bile maine mi maratkayake, i midakaka!

Ŋei mane eŋe naso iwao ŋei ŋerep magu yewa eŋane keuweno ŋine, eŋe nae so naŋane kisi maep don rayakane gamu gamu okane geyakeo, Ŋei Wawainane Gipole eŋe ŋado Magakŋo eŋine tungo birakaki, aŋelo magu eŋerop qeli qeliŋka more sarikei, naso yewao eŋe ŋei eya don koboine baŋ maine mi olasiyake.

Yesu eŋe mainge rake, “Tengo eŋe giweo pamaike, so naŋi eŋe matino pamaike. Ŋo, Ŋei Wawainane Gipole, eŋe yemo mat urum papaine midaine.”

Pakiso eŋe dokoine edane rake, “Ŋei mane eŋe naŋane dereso, naŋane tungo medep nigatne iwa yale mapik kayakeo, eŋe na yalewaka mapik nane okanmaike. Ŋei mane eŋe na mapiknan okannmaikeo, eŋe Kaisaleŋo biranangi ketkole, eya eŋe yalewaka mapikka okanmaike. Ŋinane keuwo ŋine ŋei mane eŋe ŋinane ketkele geyakeo, eŋe ŋetne okanmaike.”