Beliebte Verse in Luka 4

Teilen

“Waom wane Asuŋo naŋane kutno ketmaike, na ŋei ket qeqine eŋano kisi maep don ma arikalane ma wakon nanmaike. Eŋe mulap ŋei yewa siwot ongalane tale nanmaike, so deene pili pilikine yewa deene matok kalane, mulap urata ma more, bori worine yewa qekok ongalane. So na Waom wane naso bomileki, ŋei ŋerewekoune ma menaŋ oniyake, eya wane kisi maep don ra wakonmaile.”

Rakiso, Yesuŋo olatke, “Kaisale wane ekapŋo yale ramaike, ‘Waomŋone Kaisale eŋe weku meŋen kaikene, so qelitine qe mangene!’ ”

Rakiso, Yesuŋo mainge olatke, “Kaisale wane ekapŋo iwa yale ramaike, ‘Ŋaraŋoka ŋei gegeine mi ma wakoniyake.’ ”

Yesu eŋe Asu Koboboineŋo kotino watkeki, Yordan dokuwo ŋine zinge sariki, Asuŋoka qebinkaki, kepe yaup papaino arike.

Rakiso, Yesuŋo olatke, “Kaisale wane ekapŋo iwa yale ramaike, ‘Waomŋone Kaisale Wawaine okanka more, misuk liwekkaikene.’ ”

Ŋei Borikine eŋe yaleŋo yale okane, Yesu liwekka wareki qoekiso, qeliŋka more, naso mane wane toma geke.

Pakiso, Ŋei Borikineŋo bonaga kiroine maneo iwenka wa okora more, kepe wane kutno ŋei ŋerep magune magune ŋei waomkopene eŋerop ge arikoi, yewa ikopka sikan kawareke. Pakiso, Ŋei Borikineŋo iwa yale olatke, “Zonom so eŋet biŋek pa ebone arimaike, iwa na ge ginwarekale, yewamo korop naŋane kutno motwarekoi, wane mo na ŋei mane manbe ramaine mangale, ge wawetŋone qe meŋen nangene, eya mo na ginbe kine kine iwa korop geŋaneka okaniyake.” Rakiso, Yesuŋo olatke, “Kaisale wane ekapŋo yale ramaike, ‘Waomŋone Kaisale eŋe weku meŋen kaikene, so qelitine qe mangene!’ ”

Pakiso, Ŋei Borikineŋo Yesu Yerusalem matko Kaisale wane Bakom Urum wane bakine kutno mawa birakaki, pakiso olale rake, “Ge Kaisale wane Gipole gemaineo, yemo iwa ŋine sontake qei kepo ketnom. Kaisale wane ekapŋo yale ramaike, ‘Kaisale eŋe aŋelokoune raongi mauluke wareganikei.’ So mane iwa yale ramaike, ‘Eŋe meteene kutno geu ketpi, wesiŋo kiyeŋone mane mi kitasiyake.’ ” Rakiso, Yesuŋo olatke, “Kaisale wane ekapŋo iwa yale ramaike, ‘Waomŋone Kaisale Wawaine okanka more, misuk liwekkaikene.’ ”