Beliebte Verse in Yahayya 14

Teilen

Emi ɗalana on jam, jam am kokkeymi on. Miin mi hokkirtaa on noon no duuniyaaru hokkirta. To' ɓerɗe mooɗon mettu, to' on kultor.

Yeesu toontii mo vi'i : — Miin woni laawol, miin woni goonga, miin woni yonki. Walaa jaheyɗo to *Baabiraawo e laawol feere, sey to ivii e am.

Yeesu vi'i almaajiri'en muuɗum : — To' ɓerɗe mooɗon mettu. Ngoonɗinee Allah, ngoonɗinee yam miin boo.

*Ruhu Ceniiɗo *Balloowo oon, mo Baabiraawo lildoyta on nder innde am, kanko o anndiney on koo ɗume. O hiimtiney on ko ekkitinmi on fuu.

Annduɗo dookaaji am, ɗowtanii ɗi, kanko woni giɗɗo yam. Giɗɗo yam boo, Baaba am no yiɗey mo. Miin boo mi yiɗey mo, mi vannginaney mo hoore am.

Mi toroto *Baabiraawo hokka on goɗɗo *Balloowo on, kanko woni *Ruhu goonga, gam o wonda e mooɗon faa abadaa. Duuniyaaru waawataa jaɓgo mo, gam ndu yi'ataa mo, ndu anndaa mo boo. Ammaa onon, eɗon anndi mo, gam emo wondi e mooɗon, o jooɗoto nder mooɗon.

Mi hokkey on koo ɗume ko toriiɗon Allah nder innde am. Mi waɗey ɗum, gam teddungal Baabiraawo yi'ee nder *Ɓiɗɗo. Koo ɗume ko toriiɗon yam nder innde am, mi waɗaney on ɗum.

— Kul on ngiɗi yam, on tokkey bolle am.

E woodi cuuɗi ɗuuɗɗi nder wuro Baaba am. To naa ɗum noon, daa mi yeccataakono on ɗum. Mi yahey gam mi siryanoo on yaayre toon.

Ndeen to mi siryanake on yaayre, mi vittoyey mi yahara on to am, gam to njooɗiimi, onon boo njooɗooɗon toon.

Tooma vi'i mo : — Jawmam, min anndaa to paaɗa, noye min anndirta laawol ngool ?