Beliebte Verse in Matiye 24

Teilen

Mambray waməs wəzzan diiɗa sawɓa, əŋgla net ɗii diiɗa wafeti. Amma məs dəsok zən ha gap wəgrak nani, wakohu.

Halabara nenek na məlĩ na Maŋgəlva wapel a duniya pakə, vi dəgəɗ gən saydawa azet ɗiiyi, asna wəgrak nan wade kana.

Akəpprəmənən halabereɗe nawgay go'o ko faraɗa, amma kədaw geslne'eŋ ɓa. Aslək dəgəɗ gən vaska, amma wəgrak dəlvi tagay ɓa.

Ɗii meɓɓet wagayaŋ dit ɗii meɓɓeti. Məlĩ maɓɓan wakayaŋ mama məlĩ maɓɓani. Maya, də wəɓla na dələv wagəɗ a təki temtemi. Bonoyis pak wade va tattuwãh na uwa adazan azat ɗak dədaway.

Disiŋ də dəlva fuŋ pak wagrakaŋ, amma wəpel naw agrak na ɓa.

Vi ɗii diiɗa wazoŋ də iya nawa, wanahaŋ na: Əntə Messiya*. Wazetin ɗii diiɗa.

Ɗii wakukumən avet ɗii meɓɓeti vi dəzəm gukumən gən saha, wabay kuməni. Ɗii pak wazel kuməni vi kədasbawəni. Pay nani ɗii diiɗa wapanən wətaf neti, wazanən ziti, wazelenən ziti. Məs kleŋɗe məwaŋ wən warbanən zit diiɗa, wazetin ɗii diiɗa.

Zezu azlansitike: Məzi zukum, vi adaw zokuməni.

Vi vaski məzaɓan zukum mogoni, vi Wətən Ɗəf wade payan məs kəɗumoŋ akan ɓa samə.

Vi vaski məga, vi kəsənən pay nazo na Daya nokum ɓa.

Ɗəf tay dəsən pay adazan ɓa walla wənziya na pay nan ɓa. Ko maslayɗe na disiŋ, ko Wətən, say Affən kaaka dəsəna.

Vi messiyaɗe məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ diiɗa vi kaw zet ɗiiyen na Maŋgəlva aweli, va waɓapəni.

An va dəgəɗ pay na Nuwa, vaski adaɗɗa pay wəziya na Wətən Ɗəffa*. Daga iŋkile dəɓlaŋ wəzoŋ ɓa, ɗii tahəŋ wəzəmaŋ, tahəŋ wəsaŋ, tahəŋ wəleŋgeŋ, tahəŋ wəkayaŋ gili dəwəke kirtit amba zile, ha pay na Nuwa atoŋ adəv bəlay. Dəsənən ɓa, ha iŋkile azetinik pakə. Vaski adaɗɗa pay wəziya na Wətən Ɗəffa.