Beliebte Verse in JOHN 3

Teilen

Háálá Diyin God éí nihokáá' dine'é t'áá íiyisí ayóó'ájó'níigo bąą haYe' t'ááłá'í há yizhchínígíí baazhníłtį́, áko t'áá háiida boodlą́ągo baa dzólíhígíí éí doo ádoodįįł da, nidi iiná doo ninít'i'ii bee hólǫ́ǫ dooleeł.

Háálá Diyin God haYe' nilíinii nahasdzáán bikáa'jį' jiníł'a'ígíí éí doo nihokáá' dine'é yá nihodiyoo'ááł biniyé jiníł'a' da, nidi bí bee nihokáá' dine'é yisdádoo'nił biniyé jiníł'a'.

Jesus áhodííniid, T'áá aaníí, t'áá aaníígóó ándishní, Diné doo náábi'dizhchį́į́góó, Diyin God bee bóhólníihgo bił haz'áanii ts'ídá doo yoołtsééł át'ée da.

T'áá háiida boodlą́ągo baa dzólíii éí doo bá nihoot'ą́ą da, nidi doo boodlánígíí éí t'áá íídą́ą́' bá nihoot'ą́ągo át'é, háálá Diyin God haYe' t'ááłá'í há yizhchínígíí bízhi' doo bił danilį́į́góó t'áadoo dayoosdląąd da.

Áko díidí biniinaa diné baa nídahódóot'įįł, jó, adinídíín nilíinii nahasdzáán yikáá' niníyá, nidi doo bił yá'ádaat'ééhgóó chahałheełjí t'éiyá t'áá íiyisí bił yá'ádahoot'ééh, háálá yee ádaaníiłii doo yá'ádaashǫ́ǫ da.

Hó éí ts'ídá ayóó át'éii jidooleeł, nidi shí éí a'oh deeshłeeł.

Háálá t'áá ádzíłtso doo yá'áshǫ́ǫ́góó ádajooníiłii éí adinídíín nilíinii dajijoołá, áko doo yit'íní í'dazhdi'doolníłígíí biniyé doo ła' adinídíinjį' ch'ídajíkáah da.

T'áá ła' aYe' joodlą́ągo beijólíii éí iiná doo ninít'i'ii hwee hólǫ́; t'áá ła' aYe' doo joodlą́ą́góó doo bik'eh hojíł'íinii éí iiná doo yizdoołtséeł da, nidi Diyin God t'óó báhádzidgo bibee até'él'íinii hak'igi hólǫ́.

T'áá honoojíidi Mózes éí tł'iish dah hizhdiiłt'e' yę́ęgi át'éego, Diné Silį́į'ii dah hididoolt'eeł

aTaa' éí aYe' ayóó'áyó'ní, áko t'áá ałtsoní yílák'eidíí'ą́.