Kinyiramba - 2009 BST (NT) Drama

<div class="version vid1813 iso6393nim" data-vid="1813" data-iso6393="nim">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Kwikamigua kumunamatana</div><div class="r">(Mk 1:40-44; Lk 5:12-14)</div><div class="p"> 1P&#297;na nutima munkonko, ma&#361;mb&#297; ming&#297; al&#297; mamutiatile. 2Laaa, munamatana nuuza nut&#361;ngama pamuakue, nu&#361;ga, &#8220;Shekulu, kanga &#297;umuloe, us&#361;&#361;mile kwinjelia.&#8221; 3Nunansula umukono waakue numuamba, nu&#361;ga, &#8220;Numuloe, eela!&#8221; &#296;kamu&#297; &#297;matana maakue nameela. 4&#361;Yesu numu&#297;&#297;la, &#8220;Laaa, uleke kumu&#297;&#297;la kamuntu; &#297;pa lenda w&#297;ambie kumupolia, up&#361;nie &#297;shongelio k&#297;na uMusa alulag&#297;l&#297;&#297;lie, y&#297;&#297; uku&#297;li kumuao.&#8221;</div><div class="s">Kwikamigua kumw&#297;tumi wa mukulu wa ulugu</div><div class="r">(Lk 7:1-10)</div><div class="p"> 5P&#297;na &#361;Yesu n&#361;ing&#297;la muKapelina&#361;m&#361;, mukulu wa ulugu numuagaana, 6numupeepia, nu&#361;ga, &#8220;Shekulu, umw&#297;tumi waane ugonile kukaa, mulu&#297;le wigyandi, mulemue d&#361;&#361;.&#8221; 7Numu&#297;&#297;la, &#8220;Nikiiiza numukamie.&#8221; 8uMukulu wa ulugu numushookeelia, nu&#361;ga, &#8220;Shekulu, sika nij&#297;p&#297;&#297;le &#297;ne ue wing&#297;le mwityembe liaane; &#297;pa tambula ulukaani ud&#361;&#361;, numw&#297;tumi waane ukikamia. 9Kuit&#297; nineene n&#297;muntu nan&#297;&#297;l&#297; ns&#297;l&#297;l&#297; ya ulag&#297;&#297;ligua, nt&#297;&#297;te &#297;laasi na&#297;&#297;l&#297; ns&#297;l&#297;l&#297; yaane; nukumulag&#297;&#297;lagiaa uyu, &#8216;Lenda,&#8217; nuendaa; numuua, &#8216;Nzuu,&#8217; nuuzaa; numsese waane, &#8216;Tenda it&#297;,&#8217; nutendaa:&#8221; 10&#361;Yesu p&#297;na n&#361;igia izi, nukul&#297;lua, nua&#297;&#297;la naal&#297; amutiatile, &#8220;Tai, namu&#297;&#297;la, sunga mu&#297;Silaeli sika nalaona usu&#297;&#297;li naukulu k&#297;na uu. 11Namu&#297;&#297;la k&#297;na iing&#297; ikiiiza kwip&#361;na kuk&#297;&#297;l&#297;ma nukumueli, nd&#297;o &#297;kakikyalansa palumu&#297; nuIb&#361;lahimu nuIsaki nu Yakobo muutemi wa kwigyulu. 12&#296;pa &#297;aana a k&#297;temi ikitaagua mukiiti kya kunzi, paapo ikit&#361;la k&#297;l&#297;lo nukwikelia &#297;miino.&#8221; 13&#361;Yesu numu&#297;&#297;la umukulu wa ulugu, &#8220;Longola, y&#297;&#297; kumuako k&#297;na usu&#297;l&#297;&#297;le.&#8221; Numw&#297;tumi waakue nukamia l&#297;&#297;lo ty&#361;ngo.</div><div class="s">Kwikamigua kumuku&#297; namuk&#297;&#297;ma nwa k&#297;Simoni palumu&#297; n&#297;na&#297;ng&#297; iing&#297;</div><div class="r">(Mk 1:29-34; Lk 4:38-41)</div><div class="p"> 14P&#297;na &#361;Yesu nupika kunumba ya k&#297;Petelo numuona umuku&#297; wa k&#297;Petelo ugonile mulu&#297;lee winsonselile. 15Numuamba umukono waakue; ulu&#297;le waakue naumulegela, nuuuka numutum&#297;la. 16P&#297;na ni&#297; mp&#297;nd&#297;, namuleetela, anamas&#297;&#297;mu&#297; iing&#297;; numa&#297;nga &#297;mas&#297;&#297;mu&#297; kulukani, nduyo nuakamia t&#361;l&#361; naal&#297; alemue, 17Koona lutim&#297;&#297;ligue ulukaani naal&#297; lutambulue numunak&#297;dagu Yesaya, nu&#361;ga, &#8220;Muene wasolile uuneket&#361; w&#297;&#297;tu, nuulu&#297;le w&#297;&#297;tu waukenkile.&#8221;</div><div class="s">Ugemenseeligua wa umanigua</div><div class="r">(Lk 9:57-62)</div><div class="p"> 18&#361;Yesu p&#297;na numaona &#297;ma&#361;mb&#297; ming&#297; mamupilim&#297;k&#297;l&#297;&#297;lie, nulag&#297;&#297;lia kwip&#361;&#361;ta kwityumb&#297;. 19Mulangi umu&#297; numuagaana, numu&#297;&#297;la, &#8220;Mumania, n&#297;kakukutiata t&#361;l&#361; kuensi k&#297;na ulunzi&#297;.&#8221; 20&#361;Yesu numu&#297;&#297;la, &#8220;&#297;Amulula at&#297;&#297;te &#297;mal&#361;l&#361;, ninoni za mukiania zit&#297;&#297;te itii&#297;, &#297;pa uMuana-muntu mugila pakugonia ity&#361;e liakue.&#8221; 21Numuua muamanigua aakue numu&#297;&#297;la, &#8220;Shekulu, undeke tangua nende numu&#297;&#297;ke utata waane.&#8221; 22&#296;pa &#361;Yesu numu&#297;&#297;la, &#8220;Ntiata; aleke &#297;akiu aa&#297;&#297;ke &#297;akiu aao.&#8221;</div><div class="s">Nzega munanza ituuligua</div><div class="r">(Mk 4:35-41; Lk 8:23-25)</div><div class="p"> 23P&#297;na n&#361;ing&#297;la mwipyango, &#297;amanigua aakue naamutiata. 24laaa kumpumpuk&#297;li, naut&#361;la muz&#361;go mukulu munanza, sunga ipyango nal&#297;k&#361;n&#297;k&#297;lua n&#297;ma&#297;ngo; &#297;pa uyo alugonile indoolo. 25Naamuendeela, naamula&#297;lia, naa&#361;ga, &#8220;Shekulu, kug&#361;ne, kwikap&#297;la!&#8221; 26Nua&#297;&#297;la, N&#297;k&#297; mw&#297;ooa, inie namwa usu&#297;&#297;li uniino? Paapo nuuuka, num&#297;tak&#297;la &#297;nzega n&#297;nanza; naituula d&#361;&#361;. 27&#297;Antu naakul&#297;lua, naa&#361;ga, &#8220;Uyu muntu k&#297;, sunga &#297;nzega n&#297;nanza zam&#361;igia?&#8221;</div><div class="s">Anal&#297;s&#297;mu&#297; a kuGelasi</div><div class="r">(Mk 5:1-20; Lk 8:26-39)</div><div class="p"> 28P&#297;na nupika kwityumb&#297; kuns&#297;&#297; ya Agelasi, naataagana nduyo anamas&#297;&#297;mu&#297; ab&#297;l&#297;, ap&#361;nile paib&#297;&#297;la, agaali d&#361;&#361;, kutil&#297; naalus&#361;&#361;mile kwik&#297;l&#297;la &#297;nz&#297;la niasio. 29Laaa, naakuuta naa&#361;ga, &#8220;Kw&#297;mbii ninduue, Muana wa k&#297;Nzua.&#8221; Wapikaa kukukuagiane p&#297;na ity&#361;ngo sika lyalaaza? 30Al&#297; l&#297;kool&#297; pasel&#361; dyale lya ng&#361;l&#361;&#297; ning&#297; naal&#297; zid&#297;&#297;ma. 31&#297;Mas&#297;&#297;mu&#297; namamupeepia nama&#361;ga, &#8220;Nawaku&#297;nga kutuale k&#361;ing&#297;le mwidyale lya ng&#361;l&#361;&#297;.&#8221; 32Numa&#297;&#297;la, &#8220;Lend&#297;.&#8221; Namap&#361;na, naming&#297;la mung&#361;l&#361;&#297;. Kusinaga, idyale liensi lya ng&#361;l&#361;&#297; nal&#297;tin&#297;nt&#297;k&#297;la pigy&#297;l&#297;l&#297; kunanza, nazikap&#297;la mumaaz&#297;. 33&#297;Ad&#297;&#297;mi naamanka, naing&#297;la mukaa, naazitanantia impola zensi sunga &#297;za anamas&#297;&#297;mu&#297; gaa. 34Kaa yensi n&#297;p&#361;na yumus&#297;ng&#297;&#297;lie &#361;Yesu; p&#297;na naamuona, naamupeepia walege muk&#297;saal&#297; kiao.</div>
 </div>
 </div>
</div>

The New Testament in Kinyiramba © Bible Society of Tanzania, 2009.

Pĩna nutima munkonko, maũmbĩ mingĩ alĩ mamutiatile. Laaa, munamatana nuuza nutũngama pamuakue, nuũga, “Shekulu, kanga ĩumuloe, usũũmile kwinjelia.” Nunansula umukono waakue numuamba, nuũga, “Numuloe, eela!” Ĩkamuĩ ĩmatana maakue nameela. ũYesu numuĩĩla, “Laaa, uleke kumuĩĩla kamuntu; ĩpa lenda wĩambie kumupolia, upũnie ĩshongelio kĩna uMusa alulagĩlĩĩlie, yĩĩ ukuĩli kumuao.”


Pĩna ũYesu nũingĩla muKapelinaũmũ, mukulu wa ulugu numuagaana, numupeepia, nuũga, “Shekulu, umwĩtumi waane ugonile kukaa, muluĩle wigyandi, mulemue dũũ.” Numuĩĩla, “Nikiiiza numukamie.” uMukulu wa ulugu numushookeelia, nuũga, “Shekulu, sika nijĩpĩĩle ĩne ue wingĩle mwityembe liaane; ĩpa tambula ulukaani udũũ, numwĩtumi waane ukikamia. Kuitĩ nineene nĩmuntu nanĩĩlĩ nsĩlĩlĩ ya ulagĩĩligua, ntĩĩte ĩlaasi naĩĩlĩ nsĩlĩlĩ yaane; nukumulagĩĩlagiaa uyu, ‘Lenda,’ nuendaa; numuua, ‘Nzuu,’ nuuzaa; numsese waane, ‘Tenda itĩ,’ nutendaa:” ũYesu pĩna nũigia izi, nukulĩlua, nuaĩĩla naalĩ amutiatile, “Tai, namuĩĩla, sunga muĩSilaeli sika nalaona usuĩĩli naukulu kĩna uu. Namuĩĩla kĩna iingĩ ikiiiza kwipũna kukĩĩlĩma nukumueli, ndĩo ĩkakikyalansa palumuĩ nuIbũlahimu nuIsaki nu Yakobo muutemi wa kwigyulu. Ĩpa ĩaana a kĩtemi ikitaagua mukiiti kya kunzi, paapo ikitũla kĩlĩlo nukwikelia ĩmiino.” ũYesu numuĩĩla umukulu wa ulugu, “Longola, yĩĩ kumuako kĩna usuĩlĩĩle.” Numwĩtumi waakue nukamia lĩĩlo tyũngo.


Pĩna ũYesu nupika kunumba ya kĩPetelo numuona umukuĩ wa kĩPetelo ugonile muluĩlee winsonselile. Numuamba umukono waakue; uluĩle waakue naumulegela, nuuuka numutumĩla. Pĩna niĩ mpĩndĩ, namuleetela, anamasĩĩmuĩ iingĩ; numaĩnga ĩmasĩĩmuĩ kulukani, nduyo nuakamia tũlũ naalĩ alemue, Koona lutimĩĩligue ulukaani naalĩ lutambulue numunakĩdagu Yesaya, nuũga, “Muene wasolile uuneketũ wĩĩtu, nuuluĩle wĩĩtu waukenkile.”


ũYesu pĩna numaona ĩmaũmbĩ mingĩ mamupilimĩkĩlĩĩlie, nulagĩĩlia kwipũũta kwityumbĩ. Mulangi umuĩ numuagaana, numuĩĩla, “Mumania, nĩkakukutiata tũlũ kuensi kĩna ulunziĩ.” ũYesu numuĩĩla, “ĩAmulula atĩĩte ĩmalũlũ, ninoni za mukiania zitĩĩte itiiĩ, ĩpa uMuana-muntu mugila pakugonia ityũe liakue.” Numuua muamanigua aakue numuĩĩla, “Shekulu, undeke tangua nende numuĩĩke utata waane.” Ĩpa ũYesu numuĩĩla, “Ntiata; aleke ĩakiu aaĩĩke ĩakiu aao.”


Pĩna nũingĩla mwipyango, ĩamanigua aakue naamutiata. laaa kumpumpukĩli, nautũla muzũgo mukulu munanza, sunga ipyango nalĩkũnĩkĩlua nĩmaĩngo; ĩpa uyo alugonile indoolo. Naamuendeela, naamulaĩlia, naaũga, “Shekulu, kugũne, kwikapĩla!” Nuaĩĩla, Nĩkĩ mwĩooa, inie namwa usuĩĩli uniino? Paapo nuuuka, numĩtakĩla ĩnzega nĩnanza; naituula dũũ. ĩAntu naakulĩlua, naaũga, “Uyu muntu kĩ, sunga ĩnzega nĩnanza zamũigia?”


Pĩna nupika kwityumbĩ kunsĩĩ ya Agelasi, naataagana nduyo anamasĩĩmuĩ abĩlĩ, apũnile paibĩĩla, agaali dũũ, kutilĩ naalusũũmile kwikĩlĩla ĩnzĩla niasio. Laaa, naakuuta naaũga, “Kwĩmbii ninduue, Muana wa kĩNzua.” Wapikaa kukukuagiane pĩna ityũngo sika lyalaaza? Alĩ lĩkoolĩ paselũ dyale lya ngũlũĩ ningĩ naalĩ zidĩĩma. ĩMasĩĩmuĩ namamupeepia namaũga, “Nawakuĩnga kutuale kũingĩle mwidyale lya ngũlũĩ.” Numaĩĩla, “Lendĩ.” Namapũna, namingĩla mungũlũĩ. Kusinaga, idyale liensi lya ngũlũĩ nalĩtinĩntĩkĩla pigyĩlĩlĩ kunanza, nazikapĩla mumaazĩ. ĩAdĩĩmi naamanka, naingĩla mukaa, naazitanantia impola zensi sunga ĩza anamasĩĩmuĩ gaa. Kaa yensi nĩpũna yumusĩngĩĩlie ũYesu; pĩna naamuona, naamupeepia walege mukĩsaalĩ kiao.

Höre Matayo 8