Gn 5
5
Yinatil Adán
(1 Cr 1.1-4)
1Tix wal yoc yabixal eb yinatil Adán yin txolilal ti'. Yet max watx'nej Dios eb anima, axca yayji oc Cham max yunej. 2Max watx'nej Cham nak winak c'al ix ix, max yak'oncan Cham yaxilal yiban eb. A yet jun c'ual max watx'ji eb yuj Cham, anima*fn* max yikcan aj eb yuj.
3A Adán tu' 130 abil is k'inal cax max alji nak is c'ajol chi yik Set, lajanc'al axca is mam. 4Lajwi tu', 800 abil maxto yil Adán tu'. Aytoc'al is c'ajol c'al is cutz'in max alji. 5930 abil is k'inal yet max cami.
6A Set tu', 105 abil is k'inal yet max alji is c'ajol chi yik Enós. 7Lajwi tu', 807 abil maxto yila', aytoc'al is c'ajol c'al is cutz'in max alji. 8912 abil max yila' yet max cami.
9A Enós tu', 90 abil is k'inal cax max alji is c'ajol chi yik Cainán. 10Lajwi tu', 815 abil maxto yila', aytoc'al is c'ajol c'al is cutz'in max alji. 11905 abil max yila' yet max cami.
12A Cainán tu', 70 abil is k'inal yet max alji nak is c'ajol chi yik Mahalaleel. 13Lajwi tu', 840 abil maxto yila', cax aytoc'al is c'ajol c'al is cutz'in max alji. 14910 abil max yila' yet max cami.
15A Mahalaleel tu', 65 abil is k'inal yet max alji nak is c'ajol chi yik Jared. 16Lajwi tu xin 830 abil maxto yila'. Aytoc'al is c'ajol c'al is cutz'in max alji. 17895 abil max yila' yet max cami.
18A Jared tu' 162 abil is k'inal yet max alji nak is c'ajol chi yik Enoc. 19Lajwi tu' 800 abil maxto yila'. Aytoc'al is c'ajol c'al is cutz'in max alji. 20962 abil max yila' yet max cami.
21A Enoc tu' 65 abil is k'inal yet max alji nak is c'ajol chi yik Matusalén. 22Max ec'jab Enoc axca wal chi yochej c'ul Dios. Yet maxax alji Matusalén is c'ajol tu', 300 abil maxto ec' Enoc tu'. Yet jun tiempoal tu', aytoc'al is c'ajol c'al is cutz'in max alji, 23365 abil max yila'. 24Tutun max ec'jab axca wal chi yochej c'ul Dios, xan ay jun c'ual max c'ayajok, yujtol a Dios max iontok yetok.
25A Matusalén tu', 187 abil is k'inal yet max alji nak is c'ajol chi yik Lamec. 26Lajwi tu' 782 abil maxto yila'. Aytoc'al is c'ajol c'al is cutz'in max alji. 27969 abil max yila' yet max cami.
28A Lamec tu' 182 abil is k'inal yet max alji jun is c'ajol. 29Noé*fn* max yak' yik is c'ajol tu' yujtol max yala': A Dios max catabnen tx'otx' tx'otx' ti', xan yin wal ipejal chi yun co mulnaj sat tx'otx', axa tinani' xin, a jun nak unin ti' ok on ak'on xewok, ẍi Lamec. 30Yet mayal alji Noé tu xin, 595 abil maxto yil Lamec. Aytoc'al is c'ajol c'al is cutz'in maxto alji. 31777 abil max yila' yet max cami.
32A Noé tu' 500 abil is k'inal, catatu' max c'oli jayc'al yuninal, a ton nak Sem, nak Cam c'al nak Jafet.
Valgt i Øjeblikket:
Gn 5: ATBYK89
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Kanjobal (Q’anjob’al) © Sociedad Bíblica de Guatemala 1989