Génesis 12
12
It'ujat yu'un Dios li Abrame
1Ta yan c'ac'al jech i'albat yu'un Muc'ul Dios li Abrame: “Comtsano avosil, avuts' avalaltac, xchi'uc sna atot, yu'un chabat te ta banamil yo' bu chacac'bot avile.#Hch 7.2-3; Heb 11.8. 2Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique. 3Ta xcac'be bendición li boch'o lec chayilote. Ta xcac'be stoj smul li boch'o chopol chayilote. Vo'ot ta aventa chich'ic bendición scotol cristianoetic ta sbejel banamil”, x'utat yu'un li Diose.#Hch 3.25; Gá 3.8.
4Li Abrame iloc' batel ta Harán jech c'u cha'al i'albat yu'un li Muc'ul Diose. Yich'oj xa'ox vo'lajuneb xchanvinic (75) jabil ti c'alal iloc' batel ta Harane; ibat ta Canaán banamil. 5Li Abrame laj yic' batel li yajnile, ja' li Saraie, xchi'uc sjunich'on, ja' li Lote, xchi'uc scotol li c'usitic oy yu'une, xchi'uc li viniquetic laj yic' ta smozo te ta Harane. Te ic'otic ta Canaán. 6Ech' xtuch'ic jelovel scotol li Canaán banamile. Ibatic c'alal to ta Siquem, te yo' bu muc'ta tulan ta Moree. Li banamil bu ic'otique, ja' te nacalic li canaanetique. 7Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”,#Hch 7.5; Gá 3.16. x'utat.
Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole. 8Li Abrame ibat ta jun vits te ta xocon Betel ta stuq'uil sloq'ueb c'ac'al.#12.8 C'ac'al - Oy boch'o chalic jtotic. Te la spas scarpana. Ti bu la spas snae, ja' ta smaleb c'ac'al xcom li Betele. Li lum Haie ja' ta sloq'ueb c'ac'al xcom. Ja' te lic spas yan scajleb smoton Muc'ul Dios li Abrame yu'un laj yich' ta muc'. 9Ts'acal lic xanovuc batel ta c'unc'un c'alal to ta yosilal Néguev.
Li Abrame ic'ot ta Egipto
10Ts'acal to ital vi'nal ta scotol yosilal Canaán banamil. Li Abrame ibat nacluc ta Egipto jayibuc c'ac'al, yu'un toj tsots ital li vi'nale, yu'un mu'yuc xa c'usi tsve'ic ti bu oyique. 11C'alal jutuc xa sc'an xc'otic ta Egiptoe, li Abrame jech laj yalbe li yajnile, ja' li Saraie: “Vo'ote Sarai, ta jna' ti toj c'upil aba cha'ilate. 12C'alal me laj yilicot li egiptoetique, jech chlic yalbe sbaic: ‘Li ants li'i ja' yajnil li vinic le'e’, xiic. Jech chlic smilicun; yan li vo'ote mu'yuc ta smilicot, yu'un ta xiq'uicot. 13Pero ti c'u cha'al lec chiyilicune, ti mu xismilicun ta acoje, avocoluc albeic ti vu'un axi'melune”,#Gn 20.2; 26.7. xut li yajnile.
14C'alal ic'otic ta Egipto li Abrame, li egiptoetique laj yilic ti toj c'upil sba li Saraie. 15Jech laj yilic ec li yajcoltaubbailtac ta abtel faraone, ja' li ajvalil ta Egiptoe. Jech bat yalbeic faraón ti toj c'upil sba li Saraie. Jech te laj yiq'uic batel ta spasubmantal li faraone.
16Li faraone lec la xc'uxubin Abram ta sventa li Saraie. Jech i'ac'bat smotonin ep chijetic, vacaxetic, buroetic, camelloetic, smozotac, xchi'uc squiaratac. 17Ta sventa li Saraie, li Muc'ul Diose tsots laj yac'be stoj smulic li faraón xchi'uc yajnil xnich'nabe, jech itsacatic ta tsots chameletic. 18Ja' yu'un li faraone lic stac ta iq'uel li Abrame. Jech laj yalbe: “¿C'u yu'un ti jech laj apasbune? ¿C'u yu'un muc xavalbun ti me ja' avajnil li ants li'i? 19Yu'un laj avalbun ti ja' avixlale, jech la jnop ti xu' ta xquic' oxe. Li' oy li avajnile. Ic'o sutel, batan”, xut. 20Li faraone lic yalbe mantal svinictac ti ac'o sloq'uesic batel ta Egipto xchi'uc yajnil li Abrame, xchi'uc scotol li c'usitic oy yu'une.
Valgt i Øjeblikket:
Génesis 12: TZE97
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Tzotzil Chenalhó DC Bible © Sociedad Bíblica de México, a. c., 2002.