Wəza net Maslənɗe 7
7
Əpel na Etiyen
1Daya net məsdəlveŋge assohõnək na: Vaski gesiŋ sa? 2#VAA 12:1Etiyen azlanəka: Milmiŋgiɗu dit efiŋgiɗwa, məprəma, Maŋgəlva məs də gagdak arbanək zən aza afəm Abraham aka asan a Mesopotami tak əssa nan a Karan də gəla. 3Yaŋ anah sən na: Agil səka dələv noko, səret hilfiŋgiɗko, dok aka dələv məs nədarban suko. 4#VAA 11:31 VAA 12:4Ndəni kan ambat səka dələv net mə Kaldiyeɗi, asan də gəla a Karan. Dərɓaga afən amtə, Maŋgəlva asimginik sədak aka dəlvəŋ məs kəssoŋ akan kakaŋkəŋka. 5#VAA 12:7; 13:15; 15:18; 17:8Dəpas na, təki tay apsən aka dələvəŋ ka nan gba gəla təl ɗəf dayday ɓa, ya aynanək man napsən ka nani gəm ka net kirtin dərɓagani, də tay də muzliya ɓa zlaŋgə. 6#VAA 15:13,14Maŋgəlva apelik vaŋka: Kirtin wassoŋ aka dələv maɓɓani, kakkpaŋgeti belemɗe, kawzəmgiti sahã əzva səkat poɗo. 7#ƏGI 3:12Ya Maŋgəlva amna: Naw, wanətaw wən aket ɗiy məs adassoŋ belemɗe neti, dərɓaga as na, wagilyoŋgu, waɗiynən kiyu a təkiyəŋka. 8#VAA 17:10-14 VAA 21:2-4 VAA 25:26 VAA 29:31—35:18Yaŋ kan Maŋgəlva apsən wənmiyna də əskəl awra. Vaski kan səza awa Isak, askəlgən awra də əvoŋ madodopoɗoni, Isak tam Yakob, Yakob tam dəhiŋgiɗim kəlaw kiyit sula.
9 #
VAA 37:11
VAA 37:28
VAA 39:2,21 Dihigiɗim aɗɗaŋgək kotorok na Yosef, avəlnən sən Eziptə, ya Maŋgəlva tay dəndəni. 10#VAA 41:39-41Amohuk səma əzəm sahã nan pakə, apsənək mbəlembəle gəm maɗɗula aba Farawən məlĩ na Eziptə, yas aɗi daya nadawgən zəga pak aka Eziptə gəm aka gəla nan pakə. 11#VAA 42:1,2Yaŋ mãy agəɗ a Eziptə baymani gəm a Kanana, əzəm sahã metiŋgini, hã efiŋgiɗim awrahaŋ zəga nawzəm ɓa. 12Adan Yakob aprəm na haykəmari tay a Eziptə, aslənik efiŋgiɗmə əslən an maddaabəŋ. 13#VAA 45:1 VAA 45:16Aka masula'ən na, Yosef arbanək zən azet milmiŋgiɗni. Vaski suwer Yosef arbə aza Farawən. 14#VAA 45:9,10,17,18 VAA 46:27Yaŋ Yosef aslən ədda əgəm Yakob afən dit ɗiy nan pakə, ɗiy kaklaw buhul kiyit sle'. 15#VAA 46:1-7 VAA 49:33Yaŋ Yakob aprik a Eziptə, adak amtə gəm efiŋgiɗmə. 16#VAA 23:3-16; 33:19; 50:7-13; YOS 24:32Yaŋ məket a Sikem, məndikit addəv magamas an Abraham albah də təbəz babar səvet kirtin Hemmor a Sikem.
17 #
ƏGI 1:7,8 Adan pay na iynama məs Maŋgəlva aziwgin sən Abraham nak adawgapa, ɗiy anzləraŋka, awanənək zit a Eziptə, 18hã gap məɗi məlĩ maɓɓan aka Eziptə, məs dəsən Yosef ɓa. 19#ƏGI 1:10,11 ƏGI 1:22Ya nani, asmayanək mahəlfa namə; azəmgitik sahã net efiŋgiɗmə, də əɗɗa ka dəppetingin mipriŋgeɗ net dəmtaŋgəni. 20#ƏGI 2:2Pay nani yi muwa Moyis, lelewi a mahara Maŋgəlva, məzgəlni təla hoku eŋgil ana afən da. 21#ƏGI 2:3-10Adan məppan a mapoho, wətən Farawən təslanəka, təsgələk ka wətəta. 22Məɓaygəni Moyis addəv maɗɗula net mə Eziptəɗe, tay də gagdak addəv əpel gəm addəv wəza nan temtemi.
23 #
ƏGI 2:11-15
Adan agap əzva kaklaw poɗo, əɗɗum adek a makran nadda ule milmiŋgiɗin mə Israyelɗe. 24Adan awla ɗəf maɓɓan səmmbet əzəm sahã, yaŋ abbah səni, atər ɗəf məzuzəm sahã naka. Abay mə Eziptə. 25Aza əɗɗum nan na, tay vi karban sit milmiŋgiɗin na, dəndəni Maŋgəlva adapsit əska wəla, ya net dəprəmən gabban ɓa. 26Ya vit pumpum nani, ade azet na tay əgayaŋgə, yaŋ adawslereti, amna: Ɗiyi, məlma kənanaŋgə, vimi kədaɗɗaŋ mbərayən aza zukum di? 27Ya məzuzəmgən sahã na məlmən nak arɓahanək dawnah sən na: Naway dəɗiyuk daya gəm nawtawwən akam di? 28Kəŋgəl kawbayu va kəbay mə Eziptə nadəfɗaŋga nak sa? 29#ƏGI 18:3,4Adan Moyis aprəm vaska, anzanəka, asan aka dələv na Madiyan. Awək kirin mezeŋgleket sula adaka.
30 #
ƏGI 3:1-10
Dərɓaga əzva kaklaw poɗo, maslay na Maŋgəlva arbanək zən azan a kapta-muyã na Sinay addəv hərzləm offo addivit gaslambeɗi. 31Səza Moyis awla, aggətək aka ula nani, adan azar kawsəŋgləkani. Wəla Daya adeke: 32Intə Maŋgəlva net efiŋgiɗko, Maŋgəlva na Abraham, na Isak, na Yakob. Geslne adak Moyis, tay əkkere, awɓap ula əmpa ɓa. 33Yaŋ Daya anah sən na: Akgbuk hensek səka təlko, vi təki məs kəziwiŋka, dələv salala yi. 34Ula nula əzəm sahã net ɗiy naw a Eziptə, nəprəmək ənɗəs neti, nəprik na vi kawkõhgiti. Kakaŋ na ade, nəslənuk a Eziptə.
35 #
ƏGI 2:14
Moyis əŋka, ndəni məs arɓahaŋ dawnəh na, naway dəɗiyuk daya gəm mətawwən akam di? Anani Maŋgəlva aslən ka daya gəm məbit ɗiyi də va maslay məs dərban zən azan addəv gaslamba naka. 36#ƏGI 7:3 ƏGI 14:21 ƏŊƊ 14:33Ndəni dəgilgit də əɗɗa sekeneɗ gəm zəgeɗ naggət aket aka dələv na Eziptə, aka pehe Pepreŋge gəm a kapta-muyã addəv əzva kaklaw poɗo. 37#ƏMS 18:15,18Moyis vani dənah sit mə Israyelɗe na: Maŋgəlva waslən sukum, məskəleŋ va in sə weleŋgit milmiŋgiɗkum. 38#ƏGI 19:1—20:17; ƏMS 5:1-33Ndəni pay əkkal a kapta-muyã dəziw də maslay məs dədawpelsən aka mossorgo metiŋ na Sinay gəm efiŋgiɗmə, ndəni dətaf əpel na zeŋgile kapsəmə.
39Ya efiŋgiɗim dəŋgəm əɓe'eŋ sənən ɓa, aɓoŋgoŋguk akani, akkpaŋganən əɗɗum net a Eziptə. 40#ƏGI 32:1Vini anah sənən Aron na: Agəɗ səm meŋgilveɗ məs nawdawaŋ abamə vi Moyis məs dəgilgəm səka dələv na Eziptə əŋka, məsən an dəgəɗ akan ɓa. 41#ƏGI 32:2-6Aɗɗaŋgək wət wasli pay dəpaska, azaɓaŋgək-maŋgəlva sən zəgakamaŋgəlva aɗɗaŋgək əzləra gəm sən wəza na veti. 42#AMO 5:25-27Yaŋ Maŋgəlva aktuh gəɓan siti, appet dəgagdaketingin məzəlpaŋ na disiŋ va məverin addəv ɗerewel net məskəleŋɗe na:
Suwi kətawaŋ wəla zəga,
gəm kəzaɓaŋ-maŋgəlva
addəv əzva kaklaw poɗo
a kapta-muyã sa ɗiy na Israyel?
43Kəslanənək gizlirke na Molok,
gəm ŋgərzla na maŋgəlva nokum Rayfan,
zeŋgilet zəgeɗ məs kəzaɓaŋ vi kappu' abeti,
ya wanəsimgukum bal sən Babilon.
44 #
ƏGI 25:9,40 Efiŋgiɗəm tahəŋ də gizlirke nalma də Maŋgəlva a kapta-muyã, va məs dəpel sən Moyis aɗi wən nan dəɗɗagən səɗek va an awələ. 45#YOS 3:14-17Ndəni'e efiŋgiɗim sap də Yosuwa atoŋgənən aka dələv net ɗiy-ɗar məs Maŋgəlva arɓah səbet efiŋgiɗmə, asanək adak hã gap pay na Davit. 46#2SA 7:1-16; 1AL 17:1-14Məs dərah mbəlembəle aba Maŋgəlva, yaŋ akkaman nawrəh təki nassa sən zev Yakob. 47#1MI 6:1-38; 2AL 3:1-17Ya Salmoŋ iyi dərka sən gəla.
48Ya Məsəɗəɗə awsan addivit zəgeɗ məɗɗet də vet ɗiy ɓa, va məskəleŋ anah na:
49 #
ISA 66:1,2 Disiŋgi mazaŋga na məlĩ nawa,
dəlvafuŋ, təki nawɗi təlwa.
Gəla mi kədarkaŋ suwən di, Daya anahə,
Awaniɓa təki naffet naw mawani di?
50Namna vaw diɗɗe zəgeɗis pak ɓa sa?
51 #
ISA 63:10
Mə ɓəɓəl kiyti, makra ɓəɓəl gəm məsuk sləmeti, kəɓoŋgoŋguk daprəm ma Zeŋgile Salala vanet efiŋgiɗkum aɓoŋgoŋ daprəm mani. 52Məskəleŋ awani məs efiŋgiɗkum dəzəmgənən sahã ɓa di? Abeyinik en dəpeleŋ dafsən aka əzza na ɗəf təstəsə. Kakaŋ kan na məzəmaŋ kiyən gəm məbayaŋ gəbay kənanaŋgə. 53Kətafənək mahenziŋ na Maŋgəlva məs maslayɗe akiyaŋ, ya kərmanən ɓa.
Əmta na Etiyen
54Adan aprəmən wənəska, gədivit adək diyɗa, apəranənək slayit akani. 55Etiyen məknahən də Zeŋgile Salalayi, haran daŋ a disiŋ, awlak gagdak na Maŋgəlva gəm Yesu ziwwe aka va dəzəŋ na Maŋgəlva. 56Yaŋ amna: Intat ula disiŋ yaŋ kollo gəm Wətən ɗəf ziwwe aka va dəzəŋ na Maŋgəlva. 57Anzlaŋgək vaŋvəl diyɗa, asukunək sləmeti, arɓəzlaŋgək akan sapə. 58Akdəhənək sə walaŋgəla-metiŋ, askanənək dit gərmeŋge. Miziweɗe azinin lukutɗe net aza ɗəf məs adawyaŋ na Sawlu. 59Net tay əskanəni, Etiyen nan tay əkkaman dawnah na: Daya Yesu ataf əmpəs nawa. 60Akdukuk takprani, anahək də wəlan dayadaya na: Daya kədaŋɗan sit mambrayəŋ ɓa, səza anah vaska, ndən leŋgi.
Valgt i Øjeblikket:
Wəza net Maslənɗe 7: GB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
All right reserved