मत्ति 3
3
बप्तिस्मा पिघुबा युहन्नामि परचार
(मरकुस १:१-८; लुका ३:१-१८; युहन्ना १:१९-२८)
1मोडोक्पेॽ बप्तिस्मा पिघुबा युहन्नाडे़ॽ यहुदियामि रे़क्रे़क्मा ठाउँबेॽ याॽमिजि इडोॽ लुसाङ परचार ले़ःॽपोगु, 2“हागो पाप ले़ःॽमा लेप्पेसानुमे। इन्ढोङ्होङ निवाहाङ्मि राज्य के़क्पेॽ लेम्बेटे़।” 3याक्लोनोॽ यसैया अगमबक्ताडे़ॽ इगो युहन्नामि टुम्बेॽ इडोॽ लुबॽआ ले़टे़, “खेप्सानुमे, रे़क्रे़क्मा ठाउँबेॽ इक्को याॽमि बेॽए सेम्ले़ॽ इडोॽ वोये,
‘निवाहाङ लेङ्इये राम पोरोगानुमे, खो राम्इये राम सोझो टोक्सानुमे।’#यसैया ४०:३ ”
4युहन्नाडे़ॽ उटमि उनिबाङ आक्पॽआ चेॽ चाक्सुए, सुम्मरिकबेॽ साउकमि ठोङ्माइ हिःगुए मोबा खोसे़ॽ सिगिॽडोॽमा सलहनुङ याॽवमामि खुदो चोसुहा। 5यरुसलेम सहरबाङ्नुङ यहुदियाबेॽहा चोप खिम्डेमबाङ, यरदन होङ्मामि किॽयु मिॽयुहा ठाउँबाङ याॽमिजि युहन्नाबेॽ लेस्सामि। 6मोबा खोजिडे़ॽ टाङ्बामि पाप मिॽनुङ यरदन होङ्माबेॽ खोबाङ बप्तिस्मा लासुजि।
7तर फरिसिनुङ सदुकिजि लुमे निच्चि धारमिक हुलबेॽहा बेॽलो याॽमिजिसो युहान्नाबाङ बप्तिस्मा लासिॽ आप्मे़ॽनिङ्सिबॽआ खाङ्डोक्नुङ युहन्नाडे़ॽ लुसुजि, “होउ, पुसे़ॽमि पसाजि, निवाहाङ्मि दन्डाबाङ चिःॽमा हे़निङ असे़ॽटे इःडानिङे ? 8हे़निङ चइबानोॽ पाप ले़ःॽमा लेॽनुङ चोङ लिटानिङेहोङ हे़निङे़ॽ नुबा योम्बोक ले़एटानुमे। 9‘कानिङ अब्राहाममि पसाजि ले़न्डिङ्मा’ लुनुङ न्यायबाङ लेॽखे़हेन्डिङ्मा ए़मिडानुमे। इन्ढोङ्होङ के़ॽ लुनिम्ने़, निवाहाङ्डे़ॽको इघा रुङ्गोॽवाबाङ्सो अब्राहाममि लागि पसाजि टोङ्हेन्डुए। 10आयुनोॽ सिङ्बुमि राडाङ्बेॽ न्यायमि एन्दि सिप्पेटे़। नुबा चा मे़ङ्किङ्खुबा पुडाङ चेम्बेनुङ मिबेॽ राप्खे़हा।”
11“चइबानोॽ, हे़निङे़ॽ पाप ले़ःॽमा लेप्पेटानुमे लुमे खा खाङ्मुमामि लागि योङामि बप्तिस्मा पिनिम्ने़। तर काबाङ ए़क्साङ लेङ्खुबा चाहिँ काबाङ बेॽलो सक्तिदाङ्बा ले़ये, कागो खोमि राङ्सुपमि तुना हेम्मारोमा ले़ःॽङानि। खोसे़ॽ चाहिँ हे़निङ पबित्रा होङ्निवानुङ मिडे़ॽ बप्तिस्मा पिये। 12खाक्सानुमे, खोसे़ॽ अन्न ठाःप्मामि नाङ्ग्रो हुकपेॽ लाबेटुए, खोसे़ॽ खोमि खला चोप सेःबेन्डुए, टाङ्बामि सिचाम अन्न चाहिँ भकारिबेॽ युङ्इन्डुहा, तर भुसु चाहिँ इन्डोक्पेॽसो सिनिबा मिबेॽ हिॽइन्डुहा।”
येसुडे़ॽ बप्तिस्मा लाबॽआ
(मरकुस १:९-११; लुका ३:२१-२२; युहन्ना १:३२-३४)
13मोबा युहन्नाबाङ बप्तिस्मा लामामि गालिलबाङ येसु यरदन होङ्माबेॽ लेस्सा। 14तर युहन्नाडे़ॽ खो इडोॽ लुनुङ से़क्मा योगु, “के़ॽरे हे़नबाङ बप्तिस्मा लामा खडे तर हे़नरे काबेॽ लेङ्इटे़ ?” 15तर येसुडे़ॽ युहन्ना लुसु, “आयु इडोक्नोॽ लिमेॽटे, इन्ढोङ्होङ इडोक्नोॽ निवाहाङ्डे़ॽ मिॽपॽआ खा कानिङे़ॽ पुरा ले़ःॽखे़ॽमा खे़हा।” इघा खा खेम्नुङ युहन्नाडे़ॽ येसु योङामि बप्तिस्मा पिसु।
16मोबा येसुडे़ॽ बप्तिस्मा लामासोरोॽ योङाबाङ पाखे़ॽयु आबा, मोडोक्पेॽ थाङ्सिरि हेम्बोगा, निवाहाङ्मि पबित्रा होङ्निवा उख्रिॽवाडोॽ टाङ्बासोक्पेॽ उङ्मे़ॽसिबॽआ खाङ्डोक्टु। 17मोबा थाङ्सिरिॽटुरा इडोॽ लुबॽआ सेम्ला खेम्मुसा, “इगो काङ्मि नम्नम ले़ःॽपॽआ पसा ले़ये, इगोनुङ का बेॽलो साप्थाङ्इटिङे।”
Valgt i Øjeblikket:
मत्ति 3: YAMP
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2023, Wycliffe Bible Translators, Inc. and Nepal Bible Society
