Yoohani Ʉtagaalizyo
Ʉtagaalizyo
Ɨshitaabu ɨshi shahasimbwilwe nʉ Yoohani ʉyo ahali nʼsontwa wa Yeesu mu bhasontwa bhaala ishʉmi na bhabhɨɨlɨ. Ahasimbile ɨshitaabu ɨshi huje abhaavwe abhooziwa bhonti huje bhamʼmwɨtɨshe ʉYeesu. Saga asimbile ɨnongwa zyonti ɨzyɨ wʉʉmi wa Yeesu, leelo amama ɨnongwa ɨzyɨ vimanyishizyo vimo ɨvyo ʉYeesu ahabhombile, zyope ɨmanyizyo zimo ɨzyo ahamanyiziizye. Ɨga galolesya huje ʉYeesu saga ahali muntu lwene, leelo ahali yʉ Ngʉlʉbhɨ.
Ɨshitaabu ɨshi hu wandilo shikhajiilizya huje ʉYeesu Lizwi lya Ngʉlʉbhɨ. Nantele shiyiga huje, yʉ Mʼfyʉli ʉyo abhakuwi abhi‑Ilagano ɨlyɨ Mandɨ bhahakuwile, na huje ʉfwe waakwe nsangu ɨyo ɨhwefwa ɨmbiibhi ɨzya mu nsi. Mu lyango ʉgwa 13-17 ɨshitaabu shiyanga ɨzyɨ kʉndwa wa Yeesu hwa bhasundwe bhaakwe na mazwi gaakwe aga hubhajinjizye ikhone. Ɨshitaabu ɨshi hu malishilo shimama ɨnongwa ɨya‑alongwe ʉYeesu na‑akhomeelwe pa shikhobheehanyo, nantele nanshi ɨsho ahazyʉshɨle afume mu fwe, na hubhaloleshele hahinji abhasundwe bhaakwe.
Ɨmbaatiho ɨzyɨ shitaabu ɨshi
1:1-18 ɄYeesu Lizwi lya Ngʉlʉbhɨ ɨlyo ligaluhɨɨne abhe muntu
1:19-4:54 ɄYeesu ahwanda ɨmbombo yaakwe nɨ vimanyishizyo nɨ manyizyo ɨzya hu wandilo
5:1-8:11 ɄYeesu ayanga ɨmanyizyo na mayele aminji
8:12-10:42 ɄYeesu akhomaana na Bhafalisaayo na‑alolesye ikhone lyakwe
11:1-12:50 Ɨgo ʉYeesu abhomba lwa‑abhala hu Yelusaleemu
13:1-17:26 ɄYeesu ahubhapeela abhasundwe bhaakwe ɨmanyizyo, lwa‑apalamiiye afwe
18:1-19:42 ɄYeesu akhatwa na‑akhomeelwe pa shikhobheehanyo
20:1-21:25 Azyʉshe hwa Yeesu
Valgt i Øjeblikket:
Yoohani Ʉtagaalizyo: SBK
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2022, Wycliffe Bible Translators, Inc. All rights reserved.