Markus 9
9
1Boen i boi le ndro su: Ndangen io boi me ndro mu: Su holel ademu gorbo, su de mad bui, su ilndri hanu longu ad Jehova meher ndoun.
Engerang Jesu ndre bahali.
2Manono muren Jesu hedi Petrus, Jakobus e Johanes, su iao la bahali manden su ge; i beg henunuen su, i sie. 3Salo aden beren dege mernal i hengerang; su ndramed dansu de hinen dagara bui. 4Elias sor Mose sor me ndro Jesu, su vong. 5Petrus i boi le ndro Jesu: Ndorlaben, gor ogo hian, du ge mengseni bandrol madiluum, hom adem, hom ad Mose, hom ad Elias. 6Petrus i danen nongen aden bui, meluan gin iab, ir vong ge molhe. 7Gondrhun lang si i meher, Jehova i dari i boi: Ogo Nduro, io mugueni i, mu ghirong nongen aden. 8Nongen boen su lele, su de ilndri heb sa bui, Jesu ge i da ndro su. 9Su la ndogun lie, Jesu i sendraini su ar su de vong de la ndro su masou le longu ogo su ilndri, Ndurndramed ginemad hanu, boen i dne lie. 10Su hirong nongen ogo su hanguruen i, su vong le goure su bode: Aga sa, ndramed i ginemad boen i dne lie? 11Boen su ndemani Jesu su bode: Hisa su ndremda bohernou, su bode Elias i meher hanu. 12Jesu i boi: Ndangen, Elias i meher hanu hinen longu masigane monen, boen su hinen Ndurndramed momen ge, su bieni dege su hondre goru. 13Io boi me ndro mu: Elias gin meher, su de hirong i bui, su gin bieni ge, dege su hondre goru.
Jesu regurdueni ndurgamel homo.
14Boen su me ndogun, ndro su lao aden, su ndramed mabosanged su da ndro su, su vong le ndro su ndremda bohernou. 15Malabo su ndramed su ilndri Jesu, meluasu i ieb su hilou la ndro i. 16I ndemani su ndremda bohernou: Uomu vong sa le ndro su lao ordo? 17Hom ndramed meher, i boi: Ndorlaben, io le huri nduro gme ndro uo, ngongong i da ndrnen, i danen nongen bui. 18Ngongong i rii i, i robieni le boan, i nunumui lehen, dorngon i muh, boen i gmed. Io vong le ndro su lao adem a su gorbuldi i, dansu bui. 19Jesu i boi le ndro su: Uru masehe io or ndro mu gorgulue mu? Mu ghedi gme ndro io. 20Su huri me ndro i. Malabo ngongong i ilndri Jesu, i bieni ndurn le boan i ndrindrghal, dorngon i muh. 21Jesu i ndemani damen: Gehere i med dege ogoro? I bode: i mamemei. 22Sidesi ngongong i bieni le moan, i bieni le ndran ar i gmed. Gle uo danem, hian golmgisden iouor e regurdueni i gle hian. 23Jesu i boi: I da ge ndro uo. Uo danem io gndoa io regurdueni? Longu masi heb ndoun bui le ad homo i hirong nongen ordo. 24Malabo dam mbunana i reng i boi: Io dono, uo Ndorlaben, hian, osbani io. 25Jesu i ilndri su ndramed masi su me baghege, i boii i ngongong, i boi: Uo ngongong, bohom bui, delengan bui, io boi me adem: Aiu, mbue de am lie. 26Ngongong i rosni ndurn momen ge, i loholo i iao. I dege i ginemad su mabosanged su bode, i ginemad. 27Jesu ibdi le nemen sori, i dne. 28Muren su la um asu lie su lao ad Jesu ge su ndemani i: Desa iou dandu robulda ngongong bui ie? 29Jesu i boi: Ngongong ndoun, su robuldi ge le ndoui, le raring ma le bandri.
Heb nongen le ngendian ad Jesu lie.
30Muren su lao mulden gor lie su irgai le Galilea, Jesu i mbueren su dansu i gina i oho. 31I henunuen su lao aden i boi: Bersi su bien Ndurndramed le nemesu ndramed, su garii i na gmed, su gin daii, madolo i gedne lie. 32Su hirong i, dansu nongen aden bui, su noh a su de ndemani i bui.
Nongen Jesu le ndro su lao aden.
33Boen su me Kapernaum su me um asu lie, i ndemani su: Mu do da vong sa da sal? 34Su simge, su gin vong le sal, sie i hian asu? 35Jesu i lugdo im boan, i loh su masongul e rumou i boi me ndro su: Homo be voaniso gle hian ademu, hian i lao dandendegei asu masi. 36Hedi hom mbunana ilgi le molengasu i bogarni i, i boi: 37Homo ghedi hom mbunana dege ogoro i ghengeni, i hengen io, homo i hengen io, i de hengen io bui, i hengen Jehova i rendegien io. 38Boen Johanes i boi me ndro i: Ndorlaben, iou ilndri homo i robuldi beld le ngarm de do ndrbom bui, iou habaii, i hom lao adem bui. 39Jesu i bode: Mbue mu ga sendraini i, homo i hinen longu hian le ngoro, i de habai io roud bui. 40Hom de habai io bui i gous ordo. 41Homo i hengen mu lao ordo le ndran hebe le ngoro, i bode: Uomu lao ad Kristo, ndangen io boi be ndro mu, Jehova i gi surieni. 42Homo i boii i hom mbunana ordo, hian su gob si bad gir bergoln su ge bieni giao gle ndas manan. 43Nemem hagi i beg hinen longu momen hian e sindrdi giao. I hian nemem hagi ge, uo me ndro Jehova de nemem marge uo al moan manden. 44Ngendiasu de so hengang bui, moan de so mad bui. 45Ndegem hagi i beg hinen longu momen hian e sindrdi giao. I hian ndegem hagi ge, uo me ndro Jehova de ndegem marge uo al moan manden, 46ngendiasu de so hengang bui, moan de so mad bui. 47Begmarm si i beg hinen longu momen, hian ede i giao. I hian begmarm si ge uo me ndro Jehova de begmarm maruo uo al moan manden. 48Ngendiasu de so hengang bui, moan de so mad bui. 49Su le seslaini ndramed masi le moan. 50Ndas horuan. Ndas gina nouun, su ghinen ngahan le derbe lie? Mu do da goure hian ge, mu de bo iil bui.
Valgt i Øjeblikket:
Markus 9: LLENT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Published by the British and Foreign Bible Society 1956
