Markus 6
6
Su ber Nasaret hangaini Jesu.
1Muren Jesu i giao lie gle gor ad damen, su lao aden su do ndrbon. 2Le sabbath i henunuen su le numo hernou asu. Su hirong nongen aden, meluasu i ieb su boi: Aga sa, i derbe, i danen longu masigane i hinen longu ndoun? 3I ndremda marbahar, ndur Maria de bugane? Ndersu Jakobus, Joses, Judas e Simon bisou su da ndro du, de bugane? Ndrenesu i mah aden. 4Jesu i boi me ndro su: Hom ndremda henunuen su, lounsu su hangaini i, su mbueresu aden. 5I de hinen heb longu ndoun bui, su holel ge su mad i regurdueni su, su maren lie. 6Ndrnen i reng, golsu ndoun, i iao le hoger hoger i bohernou me ndro su.
Jesu rendegien su lao aden masongul e rumou.
7Boen i loh su masongul e rumou i rendegien su, su la, sor marmou gosgoure, sor marmou gosgoure. Ilgi ndoui le asu a su gorbuldi beld. 8I boi le ndro su, su de sab heb longu bui, ndob bugane, gan bugane, moni bugane, ndes asu ge, 9ma sub salo asu ge hendre. 10I boi me ndro su: Mu me gor hoger mu gorge um hom, boen mu gao lie. 11Su ber gor hoger su mbueresu ademu, su de hirong nongen ademu bui, mbue de mu gor ndro su, mu gao, mu de hur heb longu asu bui, muren gor asu momen ge. Ndagen Jehova, su Sodom e su Gomora su hian le asu le gord ad Jehova. 12Su iao la gor masi su bohernou me ndro su, a su da belueni longu asu bendrdeni momen. 13Su robuldi beld mabosanged, su da su ndramed su mad, le ndrelgei su la hian lie.
Herodes i daii Johanes, Ndremda Surhi su.
14Ngarnongen le Jesu meher ndro ndurhian asu, Herodes i boi: Johanes Ndremda Surhi su i gin dne lie, aga i bo longu ndoun. 15Su holel su boi: I Elias. Su holel su boi: I hom Provet dege homo ber goru. 16Herodes hirong i, i boi. Aga Johanes io gin sindrdi balen goru, i gin dne lie. 17Mahanu Herodes ibdi Johanes le do kalabus manua nongen aden. Herodes i busngi nambulen ndern Philipus ngarn Herodias ibdi i le nambulen. 18Johanes le ndro Herodes i boi: Ogo monen bui, uo ibdi nambulen nderm. 19Herodias hingismad aden, i beg rii Johanes, i ge danen bui. 20Herodes i noh ad Johanes, i danen Johanes i hian helian, hom lao ad Jehova, ilgi ge le da kalabus beg hirong nongen aden, ghineni. 21Bersi Herodes hedi uru aden si, i bo gous manden le adsu lao aden ma su labenen asu Galilea. 22Su de ian gan, ndur Herodias i bihin meher me ndan le marsu. Herodes ma su masi mugueni. Herodes i boi le ndro i: Endemani longu masi a io gulgi gme adem. 23Longu msai voamiso ri, le memrad ordo, io gulgi gme adem, ndangen beld. 24Ndurbihin i iao le ndro nanen i boi: Io endemani sa me ndro e? Nanen i boi: Balen Johanes i Ndremda Surhi su. 25I me hilou ndro Herodes lie i ndemani i boi: Io ie lengi uo ilgi balen Johanes i Ndremda Surhi su gle lus hendre me ordo malabo. 26Ndrnen ndurhian i reng, i noh asu, su hirong nongen aden, i mbueren i bihin i ndemani i molhege. 27Malabo i rendegien hom lao aden le hur balen. I ndramed i iao le sindrdi balen Johanes le numo kalabus. 28Hedi i le lus hendre me ndro ndurbihin, i hengen nanen leri. 29Su lao ad Johanes su hirong nongen ogo, su me su hur numbuen su doni i.
Jesu hengen gan me ansu malibou.
30Su lao ad Jesu su me boharni longu ogo le ndro i, e longu masigane su gin hinen, i, su gin henunuen su. 31Jesu i boi me ndro su: Hian du gal gor hoger marboga, mu gal hengang hebe. Sidesi su mabosanged su do da ndro i, danen de ian gan bui. 32Su iao la ndol la marboga, su ge. 33Su ndramed su ilndri su, su iao, su mabosanged dansu i, su da muren, su ie dogi belengan su la hanu, su me ndro i, 34Jesu i meher ndro su, i ilndri su, su mabosanged, ibdi gahaloseli asu, su dege meh, hom de bogulue su bui, i bohernou me ndro su lie. 35Mernal nag le lol, su lao ad Jesu su me ndro i su boi: Ogo marboga ge, mernal nag le lol malabo; 36hian a rendegien su, su gal gor hoger e hoger, su gal sim ansu gan, gan ogo bui. 37Jesu i vong i bodeie: Uomu ghengen su gle gan. Su boi: Hi derbe, du gaiu la, du gal sim gan me ansu le moni marunged, du ghengen su ie? 38I ndemani su: Suslong ademu masehe? Mu ge lele la. Su la lele, su boi: Malima e ni marmou. 39Boen Jesu i boi le ndro su, su lugdo su do ba lomondriu. 40Su lugdo, ogo masanged, ogo masanged, ogo malimungul, ogo malimungul. 41Jesu hedi suslong malima e ni marmou ir nemen, i dendrai le lang, i bo lodu leri, boen i iendri suslong, hengen su lao aden leri, su hur me ndro su; ni marmou lie i lug le ansu masi. 42Su masi ian, su mosesu. 43Nogden i dandon su nhui le ndob mandobsungolerhed, ma ni hebe. 44Su ndramed su ian suslong su malibou, su gamel ge.
45Malabo Jesu i rendegien su lao aden, su la ndol asu su la Betsaida, i ge i roh, beg i bien su
Jesu i dogi ndre ndran.
ndramed su iao. 46Su gineao gane i le gobad le bahali, i vong me ndro Jehova. 47Lobing ndol i da ndran manden, Jesu ge i dandon leng. 48I ilndri su, su bahao le manden, hai ir dounen su. Madourang ge Jesu i me ndro su, ir dogi ndre ndran. I beg i mulden su. 49Su dilingi i irgai le ndran, su bode: Aga beld, su vale. 50Su masi su la ilndri su la noh. Malabo Jesu i vong le ndro su, i bode: Horuamu, io ge, mbue mu go noh. 51I le ndro ndol asu, hai bomud. Meluasu i ieb manden, 52su de hanguruen suslong bui, golsu ndoun.
53Su gin me leng le gor asu Genesaret. 54Su bieni ndol su gobad me belengan su ndramed su ilndri i lie, 55su la gor masi su hur su ndramed su mad su me ndro i sumburdi. 56Jesu i me gor asu hoger su dou su ndramed su mad le ge sal aden, su ndemani i, be su ge boro salo aden ge. Su masi su boro i, su maresu.
Valgt i Øjeblikket:
Markus 6: LLENT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Published by the British and Foreign Bible Society 1956
