मत्ती 2
2
ज्योतिषियों कु पूरब बट्टी औंण
1जब राजा हेरोदेस यहूदिया प्रान्त पर शासन कनु छो, त यीशु को जन्म वे प्रान्त का बैतलहम शहर मा हवे, त पूरब का देश बट्टी कथग ही ज्योतिषि यरूशलेम शहर मा ऐ के पुछण लगि गैनी 2कि, “यहूदियों कु राजा जै को जन्म हवे उ कख च? किलैकि हम ल पूरब दिशा मा वेका जन्म का बारा मा आराधना कन वलो गैंणो देखि अर वे तैं प्रणाम कनु कु अयां छा।”
3यहूदियों का राजा का जन्म का बारा मा यु सूंणि के राजा हेरोदेस अर वेका दगड़ा मा यरूशलेम शहर का भौत सा लोग घबरै गैनी। 4तब वेल सभि प्रधान याजकों अर मूसा की व्यवस्था तैं सिखांण वलो तैं कठ्ठा कैरी कै ऊं बट्टी पूछि कि, मसीह कख पैदा होलो? 5“ऊंल वेमा बोलि” मसीह कु जन्म यहूदिया प्रान्त का बैतलहम शहर मा होलो, किलैकि मीका जु परमेश्वर का तरपां बट्टी बुल्ण वलो छो वेका द्वारा इन लिखै गै। 6“कि हे यहूदिया प्रान्त का, बैतलहम शहर का लुखुं तु जु यहूदिया प्रान्त का प्रदेश मा छै तु कनके भि यहूदा का अधिकारियों मा सबसे छुटो नि छै किलैकि त्वे मा बट्टी एक आदिम आलो जु अधिपति बणालो जु मेरी प्रजा इस्राएल का लुखुं कि रखवली करलो।”
7राजा हेरोदेस ल वे बच्चा की उम्र जनणु कु ज्योतिषियों तैं चुपके से बुलै के पूछि, कि गैंणो ठिक कै बगत मा दिखै गै छो। 8अर वेल यु बोलि के ऊं तैं बैतलहम भेजि, “जावा अर वे बच्चा का बारा मा ठिक-ठिक पता कैरा अर जब उ मिली जौ त मि मा वापिस ऐ के जु कुछ तुम ल देखि वे तैं मि तैं बतावा कि मि भि ऐ के वे तैं प्रणाम कर वेकी आराधना कैरू।”
9उ राजा कि बात सूंणि के चलि गैनी अर जु गैंणो ऊंल पूर्व मा देखि छो उ ऊंका अगनैं-अगनैं चलि अर जख उ बच्चा छो वीं जगह का मथि पौंछि के ठैरिगे। 10वे गैंणो तैं देखि के उ भौत खुश हवेनि।#लूका 2:20 11ऊंल वेका घौर मा वेकी ब्वे मरियम अर यीशु देखि, त अपड़ा मुंड़ो तैं झुखै के वेकी आराधना अर प्रणाम कैरी अर अपड़ा-अपड़ा थैलों तैं खोलि के वे तैं सोना अर लोबान अर गन्धरस भेंट चड़ै। 12तब ऊंल सुपन्या मा या चेतावनी पै कि राजा हेरोदेस का संमणी फिर नि जयां अर उ बगैर बतयां दुसरा बट्टा बट्टी अपड़ा देशों कु चलि गैनी।
मिस्र देश मा जांण
13ऊंका जांणा का बाद प्रभु का एक स्वर्गदूत ल यूसुफ का सुपन्या मा ऐ के बोलि, “उठ वे बच्चा तैं अर वेकी ब्वे तैं ले के मिस्र देश कु भागि जा, अर जब तक मि त्वे मा नि बोलु तब तक उखि रै किलैकि राजा हेरोदेस यु बच्चा तैं ढुंडणु च कि वे तैं मरवै द्यो।”
14तब उ राती उठि के बच्चा तैं अर वेकी ब्वे तैं ले के मिस्र देश कु चलि गै। 15अर राजा हेरोदेस का मुरण तक मिस्र देश मा ही रै, इलै की उ वचन जु होशे जु परमेश्वर का तरपां बट्टी बुल्ण वलो का द्वारा भौत पैली बोलि छो उ पूरो हो कि, “मिल अपड़ा नौंना तैं मिस्र बट्टी बुलै।”
हेरोदेस राजा को छुटा नौंनों तैं मरवांण
16तब राजा हेरोदेस गुस्सा हवे, कि ज्योतिषियों ल वे दगड़ी धोखा कैरी अर लुखुं तैं भेजि के ज्योतिषियों का द्वारा ठिक-ठिक बतयां बगत का अनुसार बैतलहम शहर अर वेका अमणी-संमणी का सभि जगह का सब नौंनो तैं जु द्वी बरस से कम उम्र का छुटा नौंना छा मरवै दींनि। 17तब जु वचन यिर्मयाह जु परमेश्वर का तरपां बट्टी बुल्ण वलो छो, उ पूरो हवे।
18“#2:18 रामाह एक इन जगह च जख राजा दाऊद कु वंशज रौंदो छो रामाह नगर मा एक दुःख-नाद सुंणै गै
रूण अर बिजां चिल्लाहट#2:18 रामाह मा जनन की आवाज सुनेणि जु रोणी च
राहेल अपड़ा नौंनो कु रूंणी छै
अर शांत हूंण चाँदि छै किलैकि उ अब नि रैनी।”
मिस्र देश बट्टी वापसी
19जब युसूफ, मरियम अर बालक यीशु मिस्र मा ही छा तब राजा हेरोदेस का मुरणा का बाद प्रभु का स्वर्गदूतों ल मिस्र देश मा यूसुफ का सुपन्या मा ऐ के बोलि, 20“उठ नौंना तैं अर वेकी ब्वे तैं ले के इस्राएल देश मा चलि जा किलैकि राजा हेरोदेस जु नौंना तैं मरण चांणु छो उ अब मोरि गै।”
21तब यूसुफ उठि अर बालक अर वेकी ब्वे मरियम तैं दगड़ा मा मिस्र देश तैं छोड़ी के इस्राएल देश मा ऐ। 22इलै जब युसूफ ल यु सूंणि के कि अरखिलाउस अपड़ा बुबा राजा हेरोदेस जगह मा यहूदिया प्रान्त पर राज्य कनु च उख जांण से डौर गै अर सुपन्या मा परमेश्वर बट्टी चेतावनी पै के गलील जिला मा चलि गै 23अर नासरत नौं का गौं मा बसी गै इलै की उ वचन पूरो हो जु परमेश्वर का तरपां बट्टी बुल्ण वलो का द्वारा यीशु का बारा मा बुलै गै छो “कि वे तैं नासरत नगर बट्टी औंण वलो बुलै जालो।”#लूका 18:7
Valgt i Øjeblikket:
मत्ती 2: GHMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
