लूका 23
23
पिलातुस का यीशु बट्टी प्रश्न
(मत्ती 27:1-2,11-14; मरक 15:1-5; यूहन्ना 18:28-38)
1यीशु तैं बन्धवै दींनि अर न्याय कनु कु यहूदिया जिला का रोमी गवर्नर पिलातुस मा ली गैनी। 2अर इन बोलि, कै ऊं पर भंगार लगांणा रैनी “कि हम ल यु तैं लुखुं तैं बहकांण अर कैसर तैं कर दींणु कु मना करद अर अफ तैं मसीह राजा बुल्द सूंणि।” 3पिलातुस ल यीशु तैं पूछि, “क्य तु यहूदियों कु राजा छै?” यीशु ल पिलातुस तैं जवाब दींनि, “तु अफी बुल्णी छै मि उ ही छो।” 4तब पिलातुस ल प्रधान याजक अर लुखुं कु बोलि, “मि त यु मनिख मा कुई भंगार नि पांणु छौं।” 5पर उ अर भि पक्का ढंग ल बुल्ण लगि गैनी, “यु गलील जिला बट्टी अर इख तक सैरा यहूदिया प्रान्त का कूणा-कूणा मा अपड़ी उपदेश दे के कै लुखुं तैं भड़कांणु च।” 6यु सूंणि कै पिलातुस न पूछि, क्य यु मनिख गलीली च? 7अर यु जांणि के की यीशु राजा हेरोदेस का द्वारा शासन कि यु जांण वला प्रान्त बट्टी छो, इलै वेल यीशु तैं राजा हेरोदेस मा भेजि दींनि, किलैकि वे बगत मा उ भि यरूशलेम शहर मा छो।
यीशु कु हेरोदेस मा भिजै जांण
8राजा हेरोदेस यीशु तैं देखि के भौत खुश हवे, किलैकि उ भौत दिनों बट्टी ऊं तैं दिखण चांणु छो वेल ऊंका बारा मा सूंणि छो यीशु बट्टी कुछ चमत्कार दिखण की आस मा छो। 9उ यीशु मा भौत सैरी बात पुछणु रै पर वेल कुई भि जवाब नि दींनि। 10प्रधान याजक अर मूसा की व्यवस्था तैं सिखांण वला यीशु पर भौत बातों कु भंगार लगांणा छा। 11तब राजा हेरोदेस ल अपड़ा सिपैयूं का दगड़ी यीशु कु अपमान कैरी कै मजाक उड़ै, अर भड़किला कपड़ा पैरेनि, अर वे तैं पिलातुस मा लौटे दींनि। 12वे दिन बट्टी पिलातुस अर राजा हेरोदेस दगड़िया बंणि गैनी यां बट्टी पैली उ एक हैंका का दुश्मन छा।
पिलातुस द्वारा यीशु तैं मृत्यु दण्ड
(मत्ती 27:15-26; मरक 15:6-15; यूहन्ना 18:39-19:16)
13पिलातुस प्रधान याजक ल ऊं कु बोलि, “क्य तुम चदयां कि मि तुम कु यहूदियों का राजा तैं छोड़ी द्यों” 14तुम यु मनिख तैं लुखुं तैं बहकांण वलो ठैरे कै मि मा ली कै अयां अर देखा मिल तुमारा संमणी येको जांच अर न्याय कैरी पर जूं बातों कु तुम वे पर भंगार लगाण छा ऊं बातों का बारा मा मिल वेमा कुई भि भंगार नि पै। 15राजा हेरोदेस ल भि वे तैं भंगारी नि पै, किलैकि वेल वे तैं मि मा वापिस लौटे दींनि, अर तुम दींणा छा, की ये मनिख ल इन कुई भि गलत काम नि करयुं च, जैका कारण यु तैं मृत्यु दण्ड का योग्य ठहरायों जौं। 16इलै मि वे तैं कोड़ा ल पिटवै कै छोड़ी दींदु। 17पिलातुस त्यौहार का बगत वे कु एक बंधि तैं छोड़ण कु मजबूर छो 18तब सभि लोग मिली कै चिलांण लगि गैनी, यु कु काम तमाम कैर, “यीशु तैं छुड़णा का बदला, हमारा खातिर बरअब्बा तैं छोड़ी दे। 19जु झगड़ा कनवलों दगड़ा कैद मा छो जौंन रोमी सरकार का खिलाफ विरोध मा कुछ सिपैयूं की हत्या कैरी छै। 20पर पिलातुस ल यीशु जै तैं छुड़णै की इच्छा से लुखुं तैं फिर समझै?” 21पर भीड़ फिर चिल्लै कै बोलि, “वे तैं सूली पर चढ़ै, सूली पर!” 22वेल तिसरी दौं ऊंमा बोलि, “किलै येल क्य बुरै कैरी?” मिल मौत कि सजा का लैख कुई भि बात वेमा नि पै इलै मि वे तैं पिटवै कै छोड़ी दींदु। 23पर भीड़ और जोर से चिल्लै कै पिछनै पोड़ि गैनी कि उ सूली पर चड़ैये जौं अर ऊंकु चिल्लांण भारी पोड़ि गै। 24तब पिलातुस न हुकुम दींनि, कि ऊंकी बिनती का अनुसार करे जौं। 25वेल उ मनिख जु झगड़ा अर हत्या का कारण जेल मा डाले गै छो अर जै तैं ऊं मंगणा छा, छोड़ी दींनि; अर यीशु तैं ऊंकी इच्छा का अनुसार सौंपी दींनि।
यीशु तैं सूली पर चढ़ै जांण
(मत्ती 27:32-44; मरक 15:21-32; यूहन्ना 19:17-19)
26जब सिपै मसीह यीशु तैं लिजांणा छा त ऊंल शमौन नौं कु एक कुरेनि जु कै गौं बट्टी आंणु छो पकड़ी अर सूली वे पर लादी दींनि कि उ यीशु का पिछनै-पिछनै लिजांणु रौ। 27लुखुं कि बड़ी भीड़ ऊंका पिछनै जांणि रै अर ऊंमा भौत सैरा जनन भि छा जु यीशु कु छाति भटकाणी अर दुःख कनि छै। 28यीशु ल ऊंकी तरपां फरकि कै बोलि, “हे यरूशलेम शहर कि नौंनियों मि कु नि रोवा पर अपड़ा अर अपड़ो नौंना कु रोवा।” 29किलैकि पिड़ा का दिन आंण छिनी, जौं मा लोग बुलला, धन्य च उ जनन, जौं ल कभि बच्चों तैं जन्म नि दींनि, अर जौं ल कभि बच्चों तैं दूध नि पिलै।
30वे बगत
ऊंल पोड़ो कु बुल्ण कि हम पर पोड़ा
चुंटों कु कि हम तैं ढकै द्या।
31जु ईंन कुई मनिख का दगड़ी हो त जु धर्मी च त उ सुचद की उ लुखुं का दगड़ी की होलो जु ईं सजा तैं पांण का योग्य च। 32यीशु अर द्वी मनिख्युं तैं जु कुकर्मी छा, वेका दगड़ी सूली पर मनों कु ली गैनी। 33जब उ वीं जगह पौंछिनी, जैकु खोपड़ी बुल्दींनि, त ऊंल द्वी डाकूओं तैं यीशु का एक तैं दैंणि तरपां अर दुसरा तैं बैं तरपां सूली पर चढ़ै दींनि। 34तब यीशु ल बोलि, “हे बुबा यूं तैं माफ कैर किलैकि यु नि जणदींनि कि यु क्य कना छिन” ऊंल वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।#23:34 1 पत. 3:9, प्रका. 7:60, यशा. 53:12, भज. 22:18 35लोग खड़ा खड़ी दिखणा छा अर मुखिया भि मजाक कैरी के बुल्णा छा “येल औरों तैं बचै जु यु परमेश्वर मसीह च अर वेको चुण्यूं च त अफ तैं बचै द्यो।”#23:35 भज. 22:7 36सिपै भि नजीक ऐ के अर पींणु कु सिरका दे के ऊंकी मजाक करदा छा, #23:36 भज. 69:21 37जु तु यहूदियों कु राजा छै त अफ तैं बचौ 38अर ऊंका मथि एक भंगार की एक तख्ती लिखीं के वेकी सूली का मथि ठोकी दींनि कि “यु यहूदियों कु राजा च”
सूली पर मन फिराण वलो कुकर्मी
39जु कुकर्मी उख यीशु का दगड़ा सूली पर चढैयां छा ऊंमा बट्टी एक ल यीशु कि बुरै कैरी कै बोलि, “क्य तु मसीह नि छै? त फिर अफ तैं अर हम तैं बचावा।” 40यां पर दुसरा ल वे तैं घुड़कि कै बोलि, “क्य तु परमेश्वर से भि नि डरदि?” तु भि त वीं सजा पांणी छै। 41अर हम त न्याय का अनुसार सजा पांणा छा, किलैकि हम तैं अपड़ा कामों कु ठिक प्रतिफल पांणा छा, पर येल त कुई भि बुरो काम नि कैरी। 42तब वेल बोलि, “हे यीशु जब तुम अपड़ा राज्य मा राजा हवे के ऐलि त मेरी सुधि लै।” 43यीशु ल वेकु बोलि, “मि त्वे मा सच बुल्णु छौं, कि तु आज ही मेरा दगड़ा स्वर्गलोक मा होलि।”
यीशु कु प्राण त्यागण
(मत्ती 27:45-56; मरक 15:33-41; यूहन्ना 19:28-30)
44लगभग बारह बजि बट्टी दिन का तीन बजि का लगभग तक सैरा मुल्क मा अंधेरो छयूँ रै। 45अर सूरज कु उज्यलो चलि गै अर यरूशलेम शहर का मन्दिर मा लटकयूँ मोटू परदा बीच मा द्वी भाग मा फटि गै।#23:45 आमो. 8:9, इब्रा.10:19 46अर यीशु ल जोर से धै लगै के बोलि, “हे बुबा मि अपड़ी आत्मा तेरा हथ मा सौंपणु छौं अर इन बोलि, कै तब यीशु ल प्राण छोड़ी द्ये।” 47सुबदार ल यु सब देखि के जु कुछ भि हवे छो, परमेश्वर बढ़ै कैरी अर बोलि, “सचमुच यु मनिख धर्मी छो।” 48अर भीड़ जु यु सब दिखणु कु कठा हुईं छै ईं घटना तैं देखि के छाति भटकांदी लौटि गै। 49पर ऊंका सब जांण पैछाण अर जु जनन ऊंका दगड़ा गलील जिला बट्टी वेका दगड़ी आयीं छै दूर खड़ी हवे कै जु कुछ भि हवे छो उ सब दिखणी छै।#23:49 भज. 38:11, भज. 88:8
अरिमतियाह को यूसुफ का द्वारा यीशु तैं दफनांण
(मत्ती 27:57-61; मरक 15:42-47; यूहन्ना 19:38-42)
50उख महासभा कु एक सदस्य छो जैकु नौं यूसुफ छो, उ भलो अर धर्मी मनिख छो। 51अर ऊंका विचार अर यहूदी अगुवों का योजना बट्टी ऊंका काम बट्टी खुश नि छो; उ यहूदियों का शहर अरिमतियाह कु रांण वलो अर परमेश्वर का राज्य कु इन्तेजार कन वला छा। 52वेल पिलातुस मा जै कै यीशु कि लांश मांगि 53तब यूसुफ ल यीशु कि लांश तैं सूली बट्टी उतारी अर एक चदरा लै के वेमा लपेटी के एक पोड़ पर खुदीं कब्र मा रखि दींनि अर कब्र का द्वार पर एक गोल ढुंगों लगै दींनि। 54वे दिन शुक्रवार कु दिन छो अर यहूदियों का विश्राम का दिन जु परमेश्वर कु पवित्र दिन च शुरू हूंण वलो छो 55मरियम जु मगदल गौं की छै अर याकूब अर योसेस कि ब्वे मरियम ऊंका दगड़ा गलील जिला बट्टी ऐ छा पिछनै-पिछनै जै कै वीं कब्र तैं देखि अर इन भि देखि कि ऊंकी लांश कख मा रखिं च। 56अर अपड़ा घौर कु लौटि खुशबूदार चीज अर यीशु की देह पर लगांणु कु इत्र तैयार कैरी अर यहूदियों का विश्राम का दिन जु परमेश्वर कु पवित्र दिन च ऊंल हुकुम का अनुसार आराम कैरी।#23:56 निर्ग. 20:10, व्य. 5:14
Valgt i Øjeblikket:
लूका 23: GHMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
