लूका 16
16
चालाक प्रबन्धक
1फिर वेल चेलों कु भि यु मिसाल मा बोलि, “कै सेठ को एक भंडारी छो अर लुखुं ल वेमा वेका भंडारी पर भंगार लगै कि उ तेरी सैरी धन दौलत उड़ाणु च।” 2त धनवान ल भण्डारी तैं बुलै कै बोलि, यु क्य च जु मि तेरा बारा मा सुनणु छौं? तिल मेरा धन कु क्य कैरी अपड़ो हिसाब बतौ किलैकि अगनैं अब तिल भंडारी नि रांण। 3तब भंडारी सुचण लगि गै कि अब मि क्य करलो? किलैकि मेरू स्वामि मि बट्टी भंडारी कु काम छिनणु च। माटु त मिल नि खैणि सकण अर भीख मंगण मा मि तैं शर्म आंदी। 4अब मि समझी ग्यों कि मिल अब क्य कन कि जब मि भंडारी का काम बट्टी छुड़ैये जौलु त लोग मेरी मदद करला। 5तब वेल अपड़ा स्वामि का देणदारों तैं एक-एक कैरी कै बुलै अर पैला तैं पूछि, त्वे पर मेरा स्वामि को कथग कर्ज च? 6वेल बोलि, सौ मन जैतून कु तेल वेल बोलि, यु अपड़ो खाता बै बैठी इलै दुसरा नयो खाता मा बदली के पचास लिखीं दे। 7फिर वेल हैंका तैं पूछि, त्वे पर कथग कर्ज च? वेल बोलि, सौ मन ग्यूं का बीज त वेल वेको बोलि, अपड़ो खाता बै पकड़ अर अस्सि लिखीं दे। 8मालिक ल वे अधर्मी भंडारी कि पुलबैं कैरी कै कि वेल बड़ी चकड़ैति से काम यु सच च की यु जन यु दुनिया का लोग अपड़ा बगत का लुखुं का दगड़ी बरतौ कन मा उज्यला का लुखुं बट्टी जादा चालाक च। 9अर मि तुम मा बुल्णु छौं कि अधर्म का छौंद अफ कु दगड़िया बणै इलै की जब तक पैसा कु इस्तेमाल नि कैर सकदु अर्थात जब तुम मौर जैला, त अनन्तकाल का डेरा मा तुमारो आदर किये जालो। 10जु छुटी-छुटी बातों मा ईमानदार च, उ बड़ी बातों मा भि ईमानदार होलो अर जु भौत छुटी बातों मा बेमान च, उ बड़ी बातों मा भि बेमान ही च। 11इलै जब सांसारिक धन मा ईमानदार न ठैरा, त स्वर्गीय धन तुम तैं कैल सौंपण? 12अर जु तुम पराया धन मा ईमानदार नि ठैरला, त कैल तुम तैं अपड़ा आप तैं प्रबंध कनु कु कुछ दयाला? 13कुई मनिख एक ही बगत पर द्वी स्वामियों कि सेवा नि कैरी सकद किलैकि उ एक बट्टी बैर अर दुसरा बट्टी प्रेम रखलो या एक कु ईमानदार रालो अर दुसरा तैं तुच्छ जंणुलो तुम परमेश्वर अर धन दियूं कि सेवा नि कैरी सकदां।
परमेश्वर का राज्य कु मूल्य
(मत्ती 11:12-13)
14फरीसी जु लोभि छा यु सभि बात सूंणि के वेको मजाक कन लगि गैनी। 15यीशु ल वेमा बोलि, “तुम त लुखुं का संमणी अफ तैं धर्मी दिखण पसंद करदयां पर परमेश्वर तुमारा मन तैं जंणदु च किलैकि ज्वा चीज मनिख्युं कि नजर मा महान च उ परमेश्वर का नजीक तुच्छ च।” 16जब तक यूहन्ना बप्तिस्मा दींणवलों ऐ, तब तक मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वला का तुम्हरो मार्गदर्शक च इलै अब स्वर्ग का राज्य कु शुभ सन्देश प्रचार किये जांद अर हर कुई भितर जांणु कु उत्सुक च। 17आसमान अर धरती त टलि जाली पर मूसा द्वारा लिखीं परमेश्वर की व्यवस्था कि एक भि मात्रा या एक बिंदु भि बगैर पूरी हुयां नि टललो। 18“उदाहरण कु कुई आदिम अपड़ी घरवलि तैं तलाक दे के हैंकी जनन का दगड़ा मा ब्यो करलो त तब उ वीं पैली का खिलाफ व्यभिचार करदो अर जु घरवलि अपड़ा आदिम तैं छोड़ी के हैंका आदिम का दगड़ा मा ब्यो कैर त व भि व्यभिचार करदी।”
धनवान मनिख अर गरीब लाजर
19यीशु ल एक और मिसाल सुणै एक धनवान मनिख छों जु मलमल का बैंगनी कपड़ा पैरदो छो अर हरेक दिन सबसे बढ़िया खांणु करदो छो। 20वेका चौक मा लाजर नौं कु एक कंगाल जै की देह मा फोड़ा छा लये जान्दु छो अर धनवान मनिख का फाटक पर बठैये जान्दो छो। 21अर उ चांदु छो कि धनवान मनिख का खांणा का बाद फिक्यां टुकड़ों ल अपड़ो पुटगा भोरु इख तक कि कुकुर भि वेका घौ चाटदा छा। 22अर तब इन हवे कि उ गरीब मोरि गै अर स्वर्गदूत ल वे तैं अब्राहम मा सम्मान का जगह पर पौंछै दींनि, अर उ सेठ भि मोरि गै अर वे तैं दफनै दींनि। 23अर तब नरकलोक मा दुख मा पोड़ी कै अपड़ा मथि देखि अर दूर बट्टी अब्राहम मा लाजर तैं देखि। 24तब वेल ऊंची आवाज मा चिल्लै कै बोलि, हे बुबा अब्राहम मि पर दया कैरी कै लाजर तैं भेजि दे कि उ अपड़ी अंगुली तैं पांणी मा भिगै के मेरी जीभ तैं ठंड़ो करलो किलैकि मि ईं ज्वाला मा पिड़ा मा छों। 25पर अब्राहम ल बोलि “हे बेटा याद कैर तिल अपड़ा जीवन मा भलि चीज लींनि अर लाजर तैं सभि बुरी चीज मिली पर उ अब इख शान्ति पांणु च अर तु पिड़ा मा छै।” 26यूं बातों का अलावा हमारा अर तुमारा बीच एक भौत बड़ी खाई च जु कुई इख बट्टी तैं छाला आंण चौ वेल नि जै सकण अर न तख बट्टी कैल ये छाला ऐ सकण। 27त वेल बोलि, हे बुबा जी मि तुम मा बिनती करदु कि तुम लाजर तैं मेरा बुबा का घौर भेजा 28किलैकि मेरा पाँच भैय छिन अर मि चांदों छों की उ जौं अर मेरा भयों तैं चेतावनी द्या, इन नि हो कि उ भि ई दुख भरीं जगह ऐ। 29अब्राहम ल वेको बोलि, ऊं तैं चेतावनी दींणु कु मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो का लेख छिनी ऊं तैं वेकी सुनण चयण अर वेको पालन कैरी के मन फिराण चयणु च। 30वेल बोलि, न हे बुबा अब्राहम पर कुई अर तुम तैं चेतावनी दे, त उ अपड़ा पापों कु पश्चाताप कैर अर मन फिरा। 31वेल वेकु बोलि, “जब उ मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की आज्ञा नि मणदींनि त कुई भि मुरयां मा बट्टी ज्यूँदो हवे जौ, तब भि वेकी बातों पर विश्वास नि करिल्या।”
Valgt i Øjeblikket:
लूका 16: GHMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
