यूहन्ना 10
10
चरवाहा अर ढिबरों की मिसाल
1मि तुम मा सच-सच बुल्ण छौं, कि जु कुई ढिबरों की गोठ का द्वार बट्टी प्रवेश नि करदो पर कखि दुसरा तरपां बट्टी प्रवेश करद, त उ चोर अर डाकु च। 2पर जु ढिबरो कु चरवाहा हूंद उ द्वार बट्टी आंदो। 3वेकु द्वारपाल द्वार खोलि दींद अर ढिबरा वेका शब्द तैं पैछणदींनि, अर उ अपड़ी ढिबरों तैं नौं ले लेकर बुल्द अर भैर लिजांद। 4अर जब उ अपड़ी सभि ढिबरों तैं भैर निकाली दींद त ऊंका अगनैं-अगनैं चलद अर ढिबरा वेका पिछनै-पिछनै हवे जंदींनि किलैकि उ वेको शब्द पैछणदींनि। 5पर उ दुसरों का पिछनै नि जालि पर वे बट्टी भगलि किलैकि उ दुसरों कु शब्द नि पैछणदींनि। 6यीशु ल ऊंमा यु मिसाल बोलि, पर उ नि समझिनि कि यांको क्य मतलब च।
यीशु अच्छो चरवाहा
7तब यीशु ल ऊंमा फिर बोलि, मि तुम मा सच-सच बुल्ण छों, कि ढिबरों कु द्वार मि छौं। 8जैल मि से पैली ऐ उ सब चोर अर डाकु छिन पर ढिबरों ल वेकी नि सूंणि। 9मि द्वार छौं, मेरा द्वारा भितर आंण वलो कु परमेश्वर उद्धार करलो अर भितर भैर आंण जांण करलो अर खांण कु खांणु पालो।#10:9 भज.118:20 10चोर भस ढिबरों तैं चुरणु अर मरणु कु अर नष्ट कनु कु ही आंदो मि इलै अयुं कि उ जीवन पां अर बहुतायत को जीवन तैं पै। 11अच्छो चरवाहा मि छौं, अच्छो चरवाहा ढिबरों कु अपड़ो प्राण दींद।#10:11 भज. 23:1, यशा. 40:11, यहे. 34:15 12ढिबरों पर रख्युं नौकर भेड़िये तैं आंद दिखद त उ भागि जांदु उ ढिबरों तैं छोड़ी दींद किलैकि उ वेका चरवाहा नि छिन ढिबरा वेकी नि छिन इलै भेड़िया झुण्ड पर हमला करदो अर झुण्ड तैं तितर बितर कैरी दींद। 13उ इलै भागि जांद किलैकि उ मजदूर च अर वे तैं ढिबरों कि चिन्ता नि च। 14अच्छो चरवाहा मि छों जन बुबा मि तैं जंणदु च अर मि पिता परमेश्वर तैं जंणदु छौं मि अपड़ा ढिबरों तैं जंणदु छौं अर मेरी अपड़ा ढिबरा मि तैं जंणदी छिन। 15अच्छो चरवाहा मि छों पिता परमेश्वर मि तैं जंणदु च अर उन ही मि बुबा तैं जंणदु छौं अर मि ढिबरों कु अर मि ऊं कु मुरण कु तैयार छों। 16मेरा और भि ढिबरा छिन जु यु ढिबरा गोठ मा नि छिन। मि ऊं तैं भि लौण जरूरी च उ मेरू शब्द पैछणदींनि तब एक ही झुण्ड अर एक कि चरवाहा होलो। 17मि अपड़ी इच्छा बट्टी अपड़ा प्राण दींदो छों अर इलै पिता परमेश्वर मि तैं प्रेम करद, पिता परमेश्वर की मि अपड़ा प्राण दींदु छों की वे तैं फिर ले लूँ। 18कुई मेरा जीवन मि बट्टी छिणदु नि च पर मि अपड़ी मर्ज़ी से ही दींदु छों मि तैं वेको दींणु कु अधिकार च अर वे तैं फिर लींणु कु भि अधिकार च किलैकि या व ही आज्ञा च जु मेरा पिता परमेश्वर बट्टी मिली च। 19यूं बातों का वजा से यहूदियों मा फिर फूट पोड़ि गै। 20ऊंमा बट्टी भौत सी लोग बुल्ण बैठी गैनी वे पर दुष्टात्मा च अर उ पागल च वेकी किलै सुणदां 21पर दुसरा लुखुं ल बोलि, यु बात इन मनिख कि नि च जै पर दुष्टात्मा हो एक दुष्टात्मा कभि भि एक अंधा आदिम तैं नजर नि दे सकद?
यहूदियों कु अविश्वास
22यरूशलेम शहर मा यहूदी मन्दिर का स्थापना कु त्यौहार छो अर ठंड़ियों कु मौसम छो। 23अर यीशु यरूशलेम शहर का मन्दिर का चौक का भितर घुमणु छो जै तैं राजा सुलैमान कु ओसारा बुल्दा छा। 24तब यहूदियों का अगुवों ल वे तैं ऐ के घेरि अर पूछि, तिल हम तैं लम्बा बगत तक दुविधा मा रखि अब हम तैं स्पष्ट रूप से बतै दे क्य तु मसीह छै। 25यीशु ल ऊं तैं जवाब दींनि मिल तुम बट्टी बोलि छों अर तुम विश्वास नि करदां जु काम मि अपड़ा बुबा का अधिकार बट्टी करदु छों व ही मेरी उ ही मेरा गव्है च 26पर तुम इलै विश्वास नि करदां किलैकि तुम मेरा ढिबरों मा बट्टी नि छा। 27जन के कि मेरा ढिबरा अपड़ा असली चरवाहा की आवाज पैछणदींनि उन ही मेरा लोग मेरी बातों पर ध्यान दींदां छिन मि ऊं तैं जंणदु छौं अर उ मेरा चेला बण मेरा पिछनैं चलणां छिन 28अर मि ऊं तैं अनन्त जीवन दींदो, उ कभि नष्ट नि होलि, अर कुई ऊं तैं मेरा हथ बट्टी नि लुछी सकदो। 29मेरू पिता परमेश्वर जैल ऊं मि तैं दे उ ही सबसे बड़ो च अर कुई ऊं तैं पिता परमेश्वर का हथ बट्टी छीनि नि सकदु। 30मि अर पिता परमेश्वर एक ही छा।
31यहूदियों का अगुवों ल एक बार फिर वे पर ढुंग्यो कन कु फिर ढुंगा उठैनि। 32ईं बात पर यीशु ल बोलि, मिल तुम तैं पिता परमेश्वर कि तरपां बट्टी भौत सी भला काम दिखेनि ऊंमा बट्टी कै कामों कु तुम मि पर ढुंग्यो करदां?
33यहूदियों ल यीशु तैं जवाब दे, भला कामों कु हम त्वे पर ढुंग्यो नि करदां पर परमेश्वर कि बुरै कने का वजा से अर इलै की तु मनिख हवे के अपड़ा आप तैं परमेश्वर कु दावा करदु।#10:33 लैव्य. 24:16 34यीशु ल ऊं तैं जवाब दींनि, क्य परमेश्वर की व्यवस्था मा इन नि लिख्युं च कि परमेश्वर ल अपड़ा लुखुं का अगुवों तैं बोलि, कि तुम ईश्वर छा?#10:34 भज. 82:6 35अर तुम जंणदा छा, कि परमेश्वर का वचन तैं बदलाव नि किये जै सकद, इलै जु वेका लुखुं का अगुवों तैं “ईश्वर” बुलै गै जै मा परमेश्वर कु वचन फूंजी (अर परमेश्वर की बात लोप नि हवे सकदो।) 36त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि 37जु मि अपड़ा पिता परमेश्वर का कामों तैं नि करदु त, तुम मेरू विश्वास नि कैरा। 38पर जु मि बुल्द छों, त चाहे मेरू विश्वास नि भि कैरा, पर ऊं कामों पर विश्वास कैरा, तब तुम तैं पता चलालो की पिता परमेश्वर मि मा रौंदु, अर मि पिता परमेश्वर मा रौंदु। 39तब ऊंल फिर वे तैं पकड़णे की कोशिश कैरी पर उ वेका हथों बट्टी बचि के निकली गै।
40फिर यीशु यरदन गाड का पूर्व का अर वीं जगह पर चलि गै जख यूहन्ना पैली बपतिस्मा दींदु छो अर उखि रैनी। 41भौत सा लोग यीशु मा ऐ के बुल्दा छा, यूहन्ना ल त कुई चमत्कार नि दिखै पर जु कुछ यूहन्ना ल वेका बारा मा बोलि छो उ सब सच छो। 42अर उख भौत लुखुं ल यीशु पर विश्वास कैरी।
Valgt i Øjeblikket:
यूहन्ना 10: GHMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
