Oseas 12
12
1 1 (2) Efraín'na llawe'e bee:
yewlla zaje'e nawe'e bee dan za gan lloj willen.
Llzane di'll wxhiye ke'e ka', na nake'e be'nn waxe wdil,
na llchaje'e di'll konen be'nn Asirios ka',
na da llselze'e seit ke Egipton.
2 2 (3) Xanllon ba bxie'e wdil raw Israelen.
Wsakzie'e yell ke Jacoben xtole yel kan llun ke ake'na,
chixhje'e le ake' yel kan llun ke ake'na.
3 3 (4) Kan ze garjteze Jacoben bake'e da nak ke be'nn bichen,
na kan ba nake be'nn waken gukdilrene Diozen.
4 4 (5) Bdilrene to ankl, na benee le'e gan.
Bllelle'e na bnabe'e wayachralle'e le'e.
Diozen badilre le'e Betelen
na gana' berenee le'e diꞌll.
5 5 (6) Xanllo Diozen nap doxhente yelwaken:
Xanto kan nzi ra le'en.
6 6 (7) Kelen'na, Israel, baze'ren Diozen,
ben sre da zajze lixhej
na du tiemp bxenlall Dios ko'on.
7 7 (8) Ki ne Xanllon:
Lo tak Canaán'na yo' dan bi dllixhcha'on,
le llawere'e kwiache'e be'nn ka' yela.
8 8 (9) Efraín'na ne: Ba guka be'nn wnia,
ba ballelra yelwnian,
Axha nike nu akze bi ne' kia nada',
dan ba btupa da ka' ba bena gan'na,
le bitbi daxhinj wallel akre kia.
9 9 (10) Nada' Xano, naka Dios ko'o rwe'
kan ne' zuteo Egipton,
guna ke llajzow yo' de rall, da ka' llajzoaw kwen kwenze,
kan bzukso ke lla ka', kan badil-llo yu bill dachen.
10 10 (11) Nada' ba bnia be'nn ka' llayixjwe xtillan,
na baslliwa da ka' bredaw akren,
konen le ake' bdixjwera diꞌll da llsakrebra.
11 11 (12) Galaaden sjallan dios wxhiye,
axha sjanak ake' dios da bibi zak.
Guilgalen llut ake' bell nench'na lloeraw ake',
raw bkuy ke ake' ka' sjanak aken ka' txhonj yaj
da sjanit raw xhork ka' sjade lix ka'.
12 12 (13) Jacoben bxhonje lix ke Aramen, na gana' bzoe'e, nench'na bllel xhore, benee llin bdape'e xhir ake'. 13 13 (14) Konen be'nnen llayixjwe xtillen, Xanllon babaje'e yell ke'e Israelen gan nzi Egipton, na' konen beꞌnnen llayixjwe xtillen, bdape'e le'e.
14Beꞌnn Efraín ka' ba bcha ake' Xanllon,
ba ben ake' nench'na bi zue'e wen.
Kelen'na Xanllon gune nench'na wayixhj ake' yoyte xhia ka' ba ben aken,
na gune nench'na lljagon ake' raw daxhinj ke ake' ka'.
Valgt i Øjeblikket:
Oseas 12: ZPUPAT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind