Amós 2
2
1Kin ne Xanllon:
Be'nn Moab ka' ba ben ake' dazan kwis daxhinj,
na bi wdegunan kaze, deksde wsakzia le ake',
le bzey ake' llit ke be'nnen bnebia gan nzi Edom,
na bayakten deze.
2Kelen'na, wzeya konen yi' llalninen latj ke Moaben,
na yi' llalninen wzeyen yo' raw ke Querioten,
radje gan llusia ake' gan llak wdilen,
na koell trompet ka',
be'nn Moab ka' kweyi ake'.
3Wakoasa kale be'nn wnebian raw yell ke'en,
wlleyie'e, na rente be'nn ka' llnebiarenen.
Kan ne Xanllon.
4Kin ne Xanllon:
Be'nn Judá ka' ba ben ake' dazan kwis daxhinj,
na bi wdegunan kaze deksde wsakzia le ake',
le bakoas ake' kale lloa xtillan,
na bi bzenay ake' ke da ka' ba bdichjbian,
na beraw ake' loe lsak ka'
beraw xustaw ake' ka'.
5Kelen'na, wzeya konen yi' llalninen Judán,
na lekse yi' llalnin'na wzeyen yo' raw ke Jerusalén'na.
Gak yel korchis ke Israelen
6Kin ne Xanllon:
Be'nn Israel ka' ba ben ake' dazan kwis daxhinj
na bi wdegunan kaze deksde wsakzia le ake',
le llot ake' be'nn ka' binap dolen konen mell,
na be'nn yia'chen llot ake' le ake' konen chkoe warach.
7Llsakzi ake', na lltitj akre be'nn yia'ch ka',
na bi llun ake' yel korchis ke be'nn nexjrall ka'.
Xe'e na xhi'nne llatren ake' tuze nore,
na ka' lltitj akre yelxhirall kian.
8Na lla't ake' raw rall dan llkoan be'nn yiach ka' llbay ke aken,
na llaj llawren ake' be'nn ka' keten llunxhen ake' loe lsak ka',
llde aktere llchixhj ake' be'nn ka' dan llbay aken, na kone len lla'w ake' da llsulle le ake',
na lljej ake' lo yodao ke dios ke aken.
9Axha nada' ba bsarja xnesren,
blleyia be'nn amorreos ka',
dokenak ake' blleyia,
lakse nak ake' be'nn tonn, kakse yay sedr ka', na be'nn war kakse yay rall ka'.
10Nada' babaja re' Egipton,
na broa re' nez choa iz, latj dachen
nench'na bena' re' yell-liw ke be'nn amorreos ka'.
11Na bi gak ne're bi naken ka', be'nn Israelitas, le radjre ni ba breja be'nn
llixhjoe xtillan, na be'nn ba bena xhirall nzi nazareos.
Kan ba bnee Xanllon.
12Na re' bchierere be'nn xhirall ka' wej ake' zun,
na bill be re' latj chixjoe be'nn ka' lloa xtillan.
13Kelen'na, nada' wchochja re' raw yun,
kakse llchochj to karret da zanoa yajlaw trigo.
14Lakse cha wxhonjdo re', bit warare,
ni be'nn waren, bi gakren yel war ke'en le'e,
nigaze be'nnen llun rall-lluyen, bi gak wasre'e yelnban ke'en.
15Be'nn ka' nox xhis waxiten bi sue akre, na bi wara ake'
ni be'nnen zado rresen,
ni be'nnen llbia kull kabayen.
16Na ke lla'na, xte rente be'nn waren llun rall-lluyen llaj raw wdilen
wsanlalle'e ya ke'e ka', nench'na gak waxhonjdoe'e.
Kan ba bnee Xanllon.
Valgt i Øjeblikket:
Amós 2: ZPUPAT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind