Matí Dí Injíl 8
8
1Te jad uh us pahároṉ utriá, bahut sáre lok uh de magar tur pae. 2ʼTe vekho, ikk koṛhe agge hoke uh núṉ sijdá karke ákhiá, Ḳhudáwanḍá, je túṉ cháheṉ, táṉ maiṉ núṉ pák sáf kar saknáṉ haiṉ. 3Te hatth wadháke us uh núṉ chhúiá, te ákhiá, Maiṉ cháhnáṉ háṉ; túṉ pák sáf ho já. Te us wele uh ḍá ḳoṛh sáf ho gayá. 4Te Yisúʼ uh núṉ ákhiá, Ḳhabarḍár; kise núṉ na dassíṉ; par jáke apná áp káhin núṉ wikhá, te jihṛí nazar Músá ne ṭhairáí hai, chaṛhá, táṉ jo uhnáṉ laí gawáhí howe. 5Te jad uh Kafaráham vichch appaṛiá, ikk subedár uh de kol áyá, te uh dí minnat karke ákhiá, paí 6Ai Ḳhudáwand, merá chhokrá jhole dá máriá ghar vichch piá ḍáhḍá taṛaphdá hai. 7Te us uh núṉ ákhiá, Maiṉ á ke uh núṉ wal karáṉgá. 8Tad subeḍár jawáb dittá, Ḳhudáwandá, maiṉ is láiq kitthoṉ hoiá, paí túṉ merí chhat heṭháṉ áweṉ; par nirá kalám kar te merá chhokrá wal ho jáegá. 9Kyúṉ jo maiṉ bhi naukar shaḳhs háṉ; sipáhí mere hukm vichch ne; te maiṉ ikk núṉ ákhuá háṉ, paí Já, te uh jánḍá hai, te dujje núṉ Á, te uh áuṉḍá hai; te apne gulám núṉ, paí ih kamm kar, te uh karḍá hai. 10Te Yisúʼ ih sunke taʼajjub kítá, te uhnáṉ núṉ, jihṛe magar magar áuṉde sáṉ, ákhiá, Maiṉ tuhánúṉ sach ákhnáṉ háṉ, paí Isráʼíl vichch ví, maiṉ ainá ímán nahíṉ ḍiṭṭhá. 11Te maiṉ tuhánúṉ ákhnáṉ háṉ, paí Bahutere chaṛdeoṉ te lahṉḍeoṉ áwange, te Ibráhím te Isháq te Yaʼqúb de nál ásmán dí bádsbáhi vichch baiṭhange. 12Par bádsháhí de farzand báharle hanere vichch suṭṭe jánge, utthe roná te dánd píhná howegá. 13Te Yisúʼ subedár núṉ ákhiá, Já, te jihá túṉ yaqín kítá, uhí tere laí howe. Te uh chhokrá use ghaṛí wal ho gayá. 14Te Yisúʼ Patras de ghar vichch ánke uh dí sas núṉ kas nál ḍiggiáṉ hoiáṉ vekhíá; 15Te uh ḍá hatth chhúiá, te kas lah gayí; te us uṭṭhke uh dí ṭahl kiti. 16Te jad shám paí, lok bahuteáṉ badrúh chaṛhiáṉ hoeáṉ núṉ uh de kol le áe; te us uhnáṉ rúháṉ núṉ kalám hi nál báhar kaḍḍh díttá, te sáriáṉ bímáráṉ núṉ wal kítá. 17Taṉ jo uh gall, jihṛí Yahsayah nabí ákhí si, púrí howe, paí Us áp sáḍiáṉ máṉdagíáṉ lai liáṉ, te sáḍiáṉ rogáṉ núṉ chukk liyá. 18Te jad Yisúʼ apne chauphere baṛí ḳhalqat vekhí, tad us pár chalan dá hukm dittá. 19Ikk faqíh agge hoke uh núṉ ákhiá, Ai Ustád, Jitthe kite túṉ jáeṉ, maiṉ tere magar chaláṉgá. 20Te Yisúʼ uh núṉ ákhiá, Lomṛiáṉ kol ghurne ne, te hawá diáṉ panchhíáṉ kol; áhlane, par Ibn i Ádám kol tháṉ nahíṉ hai, jitthe sir dhare. 21Te shágirdáṉ vichchoṉ ikk hor uh núṉ ákhiá, Ḳhudáwandá, ijázat ḍe, maiṉ pahláṉ jáke apne piú núṉ dafanáwáṉ. 22Par Yisúʼ uh núṉ ákhiá, Mere magar ṭur á, te murdeáṉ núṉ apne murde dafnáun de. 23Te jad uh berí utte charhiá, uh de shágird uh de magar ae. 24Te vekho, samundar vichch aiḍi haneri ái, paí beṛí ṭhalláṉ vichch chhupdí jándi si; par uh áp suttá piá si. 25Te uhuáṉ kol áke uh núṉ uṭhává, te ákhiá, Ḳhudáwandá, bachá; asíṉ mar chale háṉ. 26Te us uhnáṉ núṉ ákhiá, Ai thore ímánwálio, tusíṉ ḍarde kyúṉ ho? Tad us uṭṭhke hawá te samundar núṉ jhiṛkiá, te baṛá amn ho gayá. 27Te uh log taʼajjub karke ákhan lage, paí Ih kis tarah ḍá ádmí hai, paí hawá te samundar ví uh ḍí mande ne. 28Te jad pár jáke uh Gadaríniáṉ de des vichch appaṛiá, uh núṉ do ádmí jihnáṉ vichch badrúháṉ sáṉ, qabráṉ vichchoṉ nikalke á mile; te uh aiḍe ḍáhḍe sán, paí koí us ráhoṉ laṉgh nahíṉ sí sakhá. 29Te vekho uhnáṉ chík márke ákhiá, Ai Khudá de Beṭe, terá sáḍe nál kí wásta? Túṉ vele thoṉ pahláṉ hí sánúṉ dukh den núṉ itthe á gayá haiṉ. 30Te uhuáṉ thoṉ dúrwár bahut sáre súráṉ dá ajjaṛ chugdá sí. 31So badrúháṉ ih ákhke uh dí minnat kítí. Je túṉ sánúṉ kaḍḍhnáṉ haiṉ, táṉ sánúṉ uhuáṉ suráṉ de ajjaṛ vichch ghall de. 32Te us uhuáṉ núṉ ákhiá, Jáo. Te uh nikalke súráṉ vichch já waṛiáṉ; te vekho, sárá ajjaṛ ḍháe uttoṉ samundar vichch sir toṛ bhajjiá, te pání vichch ḍub moiá. 33Tad chugáunwále nas gaye, te nagar vichch jáke sárá hál ḍassiá, te nále badrúháṉwáleáṉ dá hál ví. 34Te vekho, sárá shahr Yisúʼ núṉ aggoṉ hoke milan núṉ nikliá, te uh núṉ vekhke un dí minnat kítí, paí Sáḍíáṉ haddáṉ thoṉ báhar ṭur já.
Valgt i Øjeblikket:
Matí Dí Injíl 8: PNT1927R
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Historical texts published by British and Foreign Bible Society 1917-1927.
