TAUNET 10
10
Bikab oretab Noa
1Chu ortinwek che bo werikab Noa, Sem, Ham, ak Japet: ak ye kingobata maranet kosich ichek werik.
2Werikab Japet chu: Gomer, Magog, Matai, Jaban, Tubal, Mesek, ak Tiras. 3Ak werikab Gomer chu: Askenas, Ripat, Togarma. 4Ak werikab Jaban chu: Elisa, Tarsis, Kitim, ak Dodanik. 5Kigipchechi ichek ngegusiek che bo bororiosiek eng’ emotinwekwak; age tugul eng’ kutinnyi, ko u ortinwekwak, eng’ bororiosiekwak.
6Ak werikab Ham chu: Kus, Misraim, Put, ak Kanan. 7Ak werikab Kus: ko Seba, Habila, Sabta, Raama, ak Sabteka: ak werikab Raama: ko Sheba, ak Dedan. 8Ak kisich Kus Nimrot: Kitoi koek chito ne nyigan eng’ ng’ony. 9Ki kiplogotiot ne nyigan eng’ taitab Jehovah. Ineni kigimwa kele, ko u Nimrot kiplogotiot ne nyigan eng’ taitab Jehovah. 10Taunetab bounatennyi ko ki Babel, ak Erek, Akat, ak Kalne, eng’ emetab Sinar. 11Ak kimanda eng’ emonoto kwo Asuria, si koteech Ninebe, ak nganasetab Rehobot, ak Kala, 12ak Resen ne mi kwenutab Ninebe ak Kala (noto ko nganaset ne o). 13Ak kisich Misraim Ludik, ak Anamik, ak Leabik, ak Naptuik, 14ak Patrusik, ak Kasluhik (icheget che kibunu Pilistik), ak Kaptorik.
15Ak kisich Kanan Sidon, werinnyi ne bo tai, ak Het; 16ak Jebusik, Amorik, ak Girgasik. 17Ak Hibik, Arkik, ak Sinik; 18ak Aribadik, Semarik, ak Hamatik: ak kingobata kouuot oretab Kanan koyom emet. 19Ak kibunei kiwotetab Kananik Sidon, kotokyingei Gerar, agoi Gasa; kotokyingei Sodom ak Gomora ak Atma ak Seboim, agoi Lasa. 20Chuto ko werikab Ham, ko u ortinwekwak, ak ko u kutuswekwak, eng’ emotinwekwak, ak eng’ bororiosiekwak.
21Kisich Sem agine lagok, inendet ko ki kwandab lagok tugul che bo Eber, ng’etab kamet ne o eng’ Japet. 22Werikab Sem chu: Elam, Asur, Arbaksat, Luk ak Aram. 23Chu werikab Aram: Us, Hul, Geter, ak Mas. 24Ak kisich Arbaksat Sela; ak kisich Sela Eber. 25Ak kisich Eber werik aeng’: kainetab age ko ki Peleg; amu kigipchei ng’ony eng’ betusiekyik; ak kainetab ng’etab kamet ko ki Joktan. 26Ak kisich Joktan Almotat, Selep, Hasarmabet, Jera: 27Hadoram, Usal, Tikla: 28Obal, Abimael, Sheba: 29Opir, Habila, ak Jobab: chuto tugul ko ki werikab Joktan. 30Ak kiboch meng’otenywa Mesa, kotokyingei Separ, tulwetab kong’asis. 31Chuto ko werikab Sem, ko u ortinwekwak, ko u kutuswekwak, eng’ emotinwekwak, ak ko u bororiosiekwak.
32Chuto ko ortinwekab werikab Noa, ko u ibinwekwak, eng’ bororiosiekwak: ak kigipchei eng’ chuto bororiosiek eng’ ng’ony, kingo kagobata maranet.
Valgt i Øjeblikket:
TAUNET 10: BUKUIT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
God's word open for all
©Bible Society of Kenya, 2020