Markus 1

Bobita ra Yohanes tukanga baptis

(Mat. 3:1-12; Luk. 3:1-18; Yoh. 1:19-28)

1Nena-ne Habari Roanga ma mulaingi mangale Yesus Kristus, Ma Jou'ongu Madutu 'ai Ngowa'a Nau'u. 2Ra Nabi Yesaya 'ai boku ma dara 'i silefo ḏua so'o ne:

Ma Jou'ongu Madutu 'o kanau:

“ ‘Ngoi to cumutu unanga sa'olo 'ari so-soma'a 'o sapolo siḏa, ḏua kara Ngana;

la unanga gena-ge 'o sidodahe ngo'omo di'a Ngana.’#Mal. 3:1

3So-soma'a gena-ge 'o kanau siduga-duga toma daeraha baulaco so'o ne:

‘Sidodahe ngo'omo di'a Ma Jou,

siboloto ngo'omo gena-ge di'a Unanga.’ ”#Yes. 40:3

4Ma tero sa'olo 'i silefo ḏua, Yohanes 'o sapolo toma daeraha baulaco. Unanga 'o baptis ngowa'a re 'a singadolo Habari Roanga ra Ma Jou'ongu Madutu ino. Unanga 'o kanau, “Ngini balasu ni maḏibo toma ngo'omo boloto re ni sanga baptis, la Ma Jou'ongu Madutu 'o singi-ngiranga ninga ḏosa.” 5Ngowa'a toma daeraha Yudea ino re ngowa'a manga repe toma limau Yerusalem, ananga manga repe 'aḏi matai sapolo ra Yohanes. Ananga 'aḏi mangaku manga ḏosa-ḏosa, kara 'a Yohanes ya'u baptis ananga toma Ḇanyo Yordan.

6Yohanes 'ai baju 'i si'a'a reo 'unta ma gogo, re 'ai golona ma bi-biri'u 'i si'a'a reo haiwani ma 'eno'o, re 'ai ngo-ngoromo 'o cocoḇiti re 'o madu bangana.#2'Oln. 1:8 7Unanga 'a singadolo habari so'o ne: “Ḏuanga i'a, 'age rema ngowa'a matengo 'O sapolo lebe la-lamo'o ra ngoi, ta gasa 'Ai tarupa mai patasa ua. 8Ngoi pa'i to baptis ngini reo ḇanyo, mada'a Unanga 'o baptis ngini rema Ngagara 'Ofi-'Ofi.”

Yohanes 'o baptis Yesus

(Mat. 3:13-17; Luk. 3:21-22)

9Toma 'orasa gena-ge, Yesus 'o sapolo da'u limau Nazaret tala toma daeraha Galilea. Unanga 'o sanga baptis ra Yohanes toma Ḇanyo Yordan. 10Wakutu, Yesus 'o baolo toma ḇanyo, jau-jau 'O oḏi'i ie diwanga 'i talanga, Ma Ngagara 'Ofi-'Ofi 'i matuhu ma tero sa'olo namo dara 'i 'uci ra Unanga. 11Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Ngana nena-ne, 'Ari ngowa'a Ta dadalara, Ngoi 'ari 'akala re sinyingara ma sanangi Ta sipa'ala ra Ngana.”#Do. 22:2; Nya. 2:7; Yes. 42:1; Mat. 3:17, 12:18; Mrk. 9:7; Luk. 3:22

'Iblisi 'i tai'i Yesus

(Mat. 4:1-11; Luk. 4:1-13)

12Togumu i'a, Ma Ngagara 'Ofi-'Ofi 'u gasa Yesus toma daeraha baulaco. 13Toma ngi'i gena-ge 'age rema haiwani nga-ngabala. Wangere nyagi rata, Unanga 'o tegoro toma ngi'i gena-ge re sanga bo-baja toma 'Iblisi tau-taunu re mala'ekata-mala'ekata 'aḏi de-de'oso Yesus.

Yesus 'o 'aro'o ngowa'a ngau-ngau nga ḏuata

(Mat. 4:12-22; Luk. 4:14-15, 5:1-11)

14'A Yohanes 'o osama bui. Pasala i'a, Yesus 'o sapolo toma daeraha Galilea. Unanga 'o singadolo Habari Roanga ra Ma Jou'ongu Madutu ino toma gamu-gamu. 15Unanga 'o kanau, “Ma 'orasa ri sitotomo re tiara riwara Ma Jou'ongu Madutu 'ai Pareta 'i ngadolo. Dadi ngini balasu ni maḏibo toma ngo'omo boloto re ni ngaku Habari Roanga ra Ma Jou'ongu Madutu ino.”#Mat. 3:2

16Wakutu Unanga 'o ḏingana 'o mete'e toma talaga Galilea ma 'uḏu, Unanga 'o oḏi'i ngowa'a ngau-ngau nga muḏiḏi, 'a Simon re 'a Andreas, ananga gia nongoḏu. Ananga gena-ge 'aḏi disa nyao'o reo j̱ala toma talaga Galilea. 17Yesus 'o kanau ra ananga, “Ino mete'e Ngoi. Ngoi ḏuanga i'a to sidoto'o ngini ni lomu ngowa'a, la 'aḏi mete'e ngoi ma tero sa'olo nange-ne ngini ni lomu nyao'o.” 18Ananga jau-jau ya sisoi'i tala manga j̱ala, kara 'aḏi mete'e Unanga.

19Wakutu Yesus 'a dowanga 'Ai ḏo-ḏagi, Unanga 'o oḏi'i 'a Zebedeus 'ai ngowa'a nga muḏiḏi. Manga lomanga, 'a Yakobus re 'a Yohanes, ananga gena-ge gia nongoḏu. Ananga 'aḏi sidiai manga j̱ala toma oti ma dara. 20Togumu i'a, Yesus 'o 'aro'o ananga mete'e Unanga re ananga ya sisoi'i tala manga ḇaḇa re ngowa'a munara, kara 'aḏi mete'e Unanga.

Ngowa'a matengo roh ma jira 'u dungosama

(Luk. 4:31-37)

21Yesus re 'Ai me-mete'e 'aḏi ngadolo toma limau Kapernaum, toma Sabata ma wangere. Ananga 'aḏi osama toma wala puji re Unanga 'o doto'o ngowa-ngowa'a. 22Ngowa-ngowa'a gena-ge 'aḏi 'isene 'ai do-doto'o re 'aḏi heranga masala sababu Unanga 'o doto'o rai kuasa ma tero ua sa'olo guru-guru 'agama!#Mat. 7:28-29

23Toma 'orasa gena-ge, 'age rema ngowa'a matengo 'o roh ma jira 'u dungosama 'o osama toma wala puji ma dara, re 'o mapataha re 'o kanau. 24“Ngana no 'a'a 'oru ra ngomi? He, Yesus ngowa'a Nazaret, Ngana no sapolo mau sijira ngomi? Ngoi ta waro Ngana gena-ge 'a guna: Ngana Ngowa'a 'Ofi-'Ofi da'u ra Ma Jou'ongu Madutu tala.”

25Yesus 'o sikanga, “Masiogoro! No supu toma ngowa'a gena-ge!”

26Gena ḏua, roh ma jira 'u elala siduga-duga singadolo 'ai iḏingi ma jira mai supu, kara enanga 'i mawoi'i toma ngowa'a gena-ge. 27Ngowa'a mo-moini 'aḏi heranga masala singadolo ananga 'aḏi ma'u kanau, “ 'O 'oru nena-ne? Unanga gena-ge 'Ai do-doto'o 'i su-sungi ra ngene! Unanga 'ai kuasa singadolo roh-roh ma jira ya mete'e 'Ai parenta!”

28Toma 'orasa gena-ge ḏua habari mangale Yesus 'i rera re walata toma daeraha Galilea mo-moini.

Yesus 'o si-la 'a Simon 'ai dedono we-were'a re ngowa'a lelegu ḏi'i

(Mat. 8:14-16; Luk. 4:38-41)

29Yesus re 'Ai me-mete'e 'aḏi supu toma wala puji gena-ge. Yesus re 'a Yakobus, 'a Yohanes, 'a Simon re 'a Andreas, ananga gena-ge 'aḏi tagi ra Simon re 'a Andreas manga wala. 30Ananga 'aḏi osama toma wala re 'aḏi sanga i'a Simon 'ai dedono we-were'a mo lu-lulu sababu mo gagama. Ananga jau-jau 'aḏi siajele ra Yesus. 31Unanga 'o tagi ra munanga 'ami ngi'i re 'O gu'u 'ami giama re mi simomi'i, ḏua 'ami gagama ri iranga. Gena ḏua, munanga mo pula'a oromo ananga.

32Wangere tumunu, ngowa'a siḏi re ngowa-ngowa'a 'o roh ma jira ya'u dungosama manga repe ya sigasa i'a ra Yesus. 33Ngowa'a repe toma limau gena-ge 'aḏi sapolo 'aḏi malomu toma wala ma ngalana. 34Unanga 'o si-la ngowa'a repe manga si-siḏi re 'o dusu'u roh ma jira ḏi'i re 'o simaha ua roh-roh ma jira 'i kanau, sababu enanga 'i nana'o Unanga.

Yesus 'o doto'o toma gamu-gamu ma lelegu

(Luk. 4:42-44)

35Da-daini i'a wangere cira moju, Yesus 'o momi'i re 'o supu re 'o tagi toma ngi'i ga-garura di'a 'O manyiata ra Ma Jou'ongu Madutu. 36-37Ḏua, Simon re 'ai ḏagilomu-ḏagilomu 'aḏi disa Unanga, re wakutu ananga 'aḏi ma'u sanga ḏua, 'aḏi kanau, “Jou, ngowa'a repe ni disa.”

38Mada'a Unanga 'o kanau, “Ino ngene wo tagi toma ngi'i lelegu, toma gamu ma sebanga. I'a da'a Ngoi to singadolo Habari Roanga, ma sababu gena-ge Ngoi to sapolo.”

39Sababu gena-ge, Unanga 'o tagi toma daeraha Galilea mo-moini re 'O singadolo Habari Roanga toma wala-wala puji ma dara re 'O dusu'u roh-roh ma jira.#Mat. 4:23, 9:35

Yesus 'o si-la ngowa'a matengo 'o si-siḏi 'eno'o

(Mat. 8:1-4; Luk. 5:12-14)

40Ngowa'a matengo si-siḏi 'eno'o 'o sapolo re 'o maḏipolono re 'o madigaro'o ra Yesus, “Na'o No nyengara, No si-la ngoi.”

41Tai 'akala re sinyingara 'i baolo dadalara toma ngowa'a gena-ge. Dadi Unanga 'a sitoa'a i'a 'Ai giama re 'A siteru toma ngowa'a gena-ge re 'O kanau, “Ngoi to nyengara, ngana na la!” 42Toma 'orasa gena-ge ḏua 'ai si-siḏi 'i iranga re 'o la. 43Ḏua, Yesus 'o soma'a ngowa'a gena-ge 'o tagi re 'o sipo-poma, 44“ 'Elingi! Awa sijarita mangale gena-ge ra guna ḇato. Mada'a no tagi re no masijumu 'ani lese toma 'imam, la siwaro tala mangale ngana reno la. Pasala i'a no pula'a 'ani jou-jou di'a sigofi 'ani lese ga'a mete'e 'a Musa 'ai hukumu sa'olo bukiti rimoi toma ngowa-ngowa'a ḏi'i mangale ngana reno la.”#Im. 14:1-32

45Mada'a pasala i'a, ngowa'a gena-ge 'o tagi re 'o sihabari mangale gena-ge le'a bolo le'a, singadolo Yesus 'o masimaha ua re 'O osama toma limau-limau lelegu sababu ngowa'a repe 'aḏi disa Unanga. Ḏua, Unanga 'o tegoro toma limau ma ḏuḏunu toma ngi'i-ngi'i ga-garura, mada'a ngowa'a manga repe dina re dai, da'a re 'ane 'aḏi matai sapolo ḇato ra Unanga.

Valgt i Øjeblikket:

Markus 1: SNT

Markering

Del

Kopiér