Marako 3
3
1Adi dre šizo todia sinagogona, ago adrelepi dale dri̱kana ’yo’yo. 2Aii adreki adini no adi kolede akodia dri̱ka kitu sabiti adease di; aii kolodzaro ta adiru. 3Adi dre taza ago dri̱ka ’yo’yo di dri̱, Mi konga adrele kuru diaki kofulea. 4Adi dre taza aiidri, Ado togi e ya kitu sabiti adease di ta tani ole di, ta konji ole di? dia tedrile dra‐ase di, dia fule di? Aii agi titi. 5Adi ko lebe mi i lagase aiiki no kombase di, tiza adre adini o ni aiiki togo dre ta ozo mbale mbamba dise, adi dre taza agodri, Mi koteji ami dri̱ka. Akodi dre ai dri̱ka tejizo, dri̱kana lederuda. 6Farusii dreki fozo, drañano ta ta adiru dia Erode adea be, aii kofuro adi angini ya.
7Yesu dreki lizo dia ai tayilepi dii be yitapara laga, dialezolepi bi dii Galilayalese, dreki lizo adi vuse, Yudayalese, 8Yerusalemilese, Edomelese, Yoradene ta’alese di be, Tura lagase di Sidona lagase di be, dialezolepi bi dii dre ta murungu adi dre ole dii yizo, aii ali adi vuna. 9Adi dre taza dia ai tayilepi di dri̱ kaluṅba camva di kadre adi te, dialezolepi dise, aii kokipiro e ko: 10adi dre dia bi ledele dise, kadre nitini dia adrelepi dra konji be dii kipiki adi, aii kotabero adi. 11Teri konji ko no adi di, aii de adi kandra, aii dre ngozo, ki di, Mi Nzambeni Mva e. 12Adi loga aiidri re kotada e ko.
13Adi dre mbazo kiradrina, dre dia ai tandi dre lele dii zizo i vuna; aii dre lizo adi vuna. 14Adi o dia mudri‐dri‐iri dii, aii kadrero i be, i komuro aii lile Nzambeni tandu ngi, 15aii kadrero mi la̱njila̱nji be daimonaki ladrozo: 16Simona, adi zi ru azina Petero: 17Yakobo e mva Zebadayo adea, Yoane be adrupi Yakobo adea, adi zi aiiki ru Boanerege, ru nidi, Anjiago butadilepi di adea: 18Andarea e, Pilipo e, Batolomayo e, Matayo e, Toma e, Yakobo e mva Alapayo adea, Tadayo e, Simona e dia Kananalese di, 19Yudasi Keliota be, dia adini felepi di.
Adi dre ašizo jona. 20Dialezolepi dii dreki rukebezo todia, kadre nitini aii kicoa tejia nga ña ko. 21Adini arupii ko yiki di, aii liki adini ru, dre tale dise, ki di, Adi o tai tizitizadia tini. 22Dia tatišilepi dii ašilepi Yerusalemilese dii, aii dreki taza, ki di, Balazebuba be akodi lena, ki di, Akodi ladro daimona miri daimonakiase. 23Adi dre aiiki zizo i vuna, dre ta tazo aiidri, tandu alale dise, ki di, Setani kicoa Setani dro angini ya? 24Mataya alo di dre rulanjizo di, mataya nidi kicoa adrele ko. 25Diani kiare’e dreki rulanjizo di, ai kiare’e kicoa adrele ko. 26Setani ko ngadre ta o iru di, i dre rulanjizo, i kicoa adrele ko, i akeake. 27Dia iriñi be di’a jona dia kicoa tejia šile ko akodi’a nga tiza, i lambe dia iriñi be di ka, i dre akodi’a nga tizazo ndo. 28Ma ta amidri pati, A kotiza diaki anjikia takonji o̱ei, dre aiiki ta tale šibale konjise dii tizazo. 29Dia angodi ya šibale konji talepi Teri Loloru di, ago akodia ta tiza ko, kona vuse kolia akodia tandu konji: 30aii dre tale dise, ki di, Akodi adre teri konji be.
31Andrena adrupinae be dreki alizo, dre adrera’a amve, mu ta adi vuna, adini zi. 32Dialezolepi dii dreki lirizo adi laga; aii dreki taza adidri, Mi no ka, ami andre e, ami adrupii be amvele di adreki ami nda. 33Adi dre ta akozo aii ti, dre taza, ama andre adi ya? ama adrupii adi ya? 34Dre mi lebera’a dia lirilepi i laga diiki no, i dre taza, Mi no ka, ama andre e ama adrupii be! 35Dia angodi ya dre ta ole Nzambe dre lele dise, akodi ama adrupi e, ama amvupi e, ama andre be.
Valgt i Øjeblikket:
Marako 3: LOG
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
first printed by the British and Foreign Bible Society in 1924 and 1927.
