Matayo 24
24
1Yesu dre afozo yekalu ase; dre lati dora’a, lizo, dia ai tayilepi dii dre alizo adi vuna nga‐sile yekalu a di tada adidre. 2Adi dre ta akozo aii ti, dre tazo aiidre, Mi no nga nii o̱ei ko ya? Ma ta amidre pati, A kota’i kira alo di kira azina dri ko, i dre bele vudri dise.
3Adi dre lirira’a kira Bilatadri, dia tayilepi dii aliki adi vuna liaro, dre tazo, Mi kota amadre tai nii dii kaca angutu ya? ta tadale mi dre alira’a di, vese nga dre akezo di ado e ya? 4Yesu dre ta akozo dre tazo aiidre, Mi kosu ami ru dia alo di ko’o ami avile latia ko. 5Dia bi dreki alile ama ruse dise, ta tara’a, ki di, Ma Kristu e; aii ko’o dia bi dii avile latia. 6Mi koyi ta dia dreki adrezo rubu dii, ta rubi rubuzo di; mi kolama ta: amiki togo ko’o ta kuku ko: su tai nii dii dre acale dise; nga akezo di acadre ko. 7Amvutu dia‐suru azidi dreki ngale rubu dia‐suru azidi be dise, mataya azidi dre ngazo rubu mataya azina be; karabo e, kidikidi kokaiya vo la’u nii ase. 8Ta lizazo di andu ba acale ta niiru. 9Dra aii kofe ami ta lizazo dise, dreki ami fuzo drale: dia‐suru o̱ei koze ami zeze ama ruse. 10Dra dia bi ko’o dele, dreki aiiki fezo, dre aiiki lezo ko. 11Nabi kinzoro bi dii dreki ngazo, dreki dia bi ozo avile latia. 12Takonji dre lezole dise, male dia bi adea kogo adrele yokodo. 13Dia togo trotro di ta nii dre akezo di, a kotedri akodi. 14A kongi tandu tani nidi adea la’uni ase o̱ei ta‐tadazo di dia‐suru dre o̱ei, dra ta akezo di kali.
15Kadre nitini mi kono di takonji olepi to di ta nga dre rutizazo di adea, tai nidi Danyele, nabi e, tandu dre tale di, adrera’a vo lolo di a (dia ta nalepi di koni geagea wa). 16Dra dia adrelepi Yudana dii e kolapaki kiranae vuna: 17Dia adrelepi jodrina di kasi vudri ko ngae do ai joase ko; 18Dia adrelepi amvuna di kago ai bongo kacua di do ko. 19Tiza ko’o toko adrelepi a be dii, toko ba felepi ndrole dii dre kitu na’ese! 20Mi kongo Nzambedre amiki tai lapazo di cale yiguna ko, kitu sabiti adease ko: 21kitu na’ese tiza adre buako, atu kiono kayu vo bazo di dia no tiza nitini ko, go acale todia ko. 22A koki kitu nii tali ko di, a pa dia ko: a ki kitu nii tali dia i drile diise. 23Dra dia alo di kota amidre di, ki di, Mi no ka, Kristu be konua, Mi no ka, Kristu be konua; mi koka’i ko. 24Kristu kinzoro dii, nabi kinzoro dii dreki afole dise, aii kotada ta‐tadale murungu dii, ta diaki lindri dre gazo gaga dii be, Kadre nitini dia kicoa tai nidi o di, aii kicoa dia Nzambe dre drile dii o avile latia. 25Mi no ka, ma ta amidre dridri. 26Kadre nitini aii ta amidre di, ki di, Mi no ka, adi adre aṅbodrina; mi kofo ko; ki di, mi no ka, adi adre jona di, mi koka’i ko. 27Ngoro bu dre lagulepi kurulese di tini, i dre nozo tabule dise; Adamuni Mvani alira ditini. 28Vo avo dre adrezo di, giri atonaro nale.
29Drañano tiza murungu nadi ni vudri a di kitu kadre tinimvaro, mba kadre tinimvaro, bibiñae kadre adele buase, nga kokoroko buna dii kadreki bukose; 30Dra ta‐tadazo di Adamuni Mva kaga buna: dra dia‐suru o̱ei dii dreki lulu gazo, aii dreki Adamuni Mva alilepi nduruku bu adea a nozo iriñi be di utukufu be we. 31Adi dre ai malaika muzo lile, ngunga i dre vozo iriñise di be, aii dreki dia i dre drile diiki kebezo lia su dii ase, voase di mvu ambani, buase di mvu ambani.
32Mi koni tandu malobi adea alale ñano di: akodia fekola kogo adrele aruro di, biña dre afozo, mi ni kona o ta a’uzo; 33Ami koangia di tini, mi kono ta nii dii o̱ei, mi koni adi adre añi, aizako, adre jotile. 34Ma ta amidre pati, Biro nidi kolavu ko, ta nii kake ka. 35Bu kolavu, vo be, ta mana dii kolavu ko kani’a. 36Kitu andase, saa andase, dia alo di ni ko, malaika buna dii niki tejia ko, Mva ni ko, alo Ata ni ni. 37Ngoro kitu Noa adea tini adre alile Adamuni Mva tini. 38Kitu na’ese yi dre tizo dridri di tini aii dre nga ñazo, dre nga mvuzo, aii dre dia mole, dre dia fezo mole, kitu Noa dre sizo masua na dridri di tini; 39aii dre nizo ko, tai yi dre tizo di aca ka, dre aiiki dozo o̱ei; ngoro nitini Adamuni Mvani alira. 40Dra ago iri kadre amvuna; a do alo di, a ta’i alo di. 41Toko iri dii kadre nga i kira dri di; a do alo di, a ta’i alo di. 42Mi kosu ami ru tandu nidise: mi dre nile ko dise, kitu angodi se ya ami Miri adre alile. 43Mi koni wa, joliyi dre ta lamazo kugu dre alira’a di, ni di, adi lama ta dre kugu lezo sile ai jona ko. 44Tandu nidise mi kolede mi indi: saa mi dre tusule ko di, Adamuni Mva are alile. 45Tandu nidise, adi adremakandra anda togo trotro di, togi be di e ya, akodia mi ai Miri ba lanjile lalanji adremakandrae azi dii ruse, aiiki nga fele aiidre ñale lokia dre acale di se? 46Ari adre adremakandra anda o ni miri kali di, dre kusuzo tai ora’a nitini. 47Ma ta amidre pati adi koba akodia mi lanjile lalanji nga oei ai dreka dise. 48Adremakandra anda konji di, kisu ai togona dí, ki di, Ama Miri o tai alizo vovoravo; 49dre ai adremakandrae arupiro dii andu bazo adrele coale, dre nga ñazo, dre nga mvuzo mundia wa dre cile dii be dise; 50miri adremakandra nadi adea kali kitu akodi dre ai mi bazo adi vo ko di, adi dre saa na di nizo ko, 51dre akodi gazo, dre akodia nga fezo akodidre dia togo iri dii e be: tai ngole a’ose di kadre nale tai diaki si cizo dii be.
Valgt i Øjeblikket:
Matayo 24: LOG
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
first printed by the British and Foreign Bible Society in 1924 and 1927.
