Mataio 8
8
1Ina nou ta’uwa akabu ohudo Iesu naibaha oruoro oubi gema piipiiha nou dooudo naibaha orobodowaumo. 2Wia taauri, lepera ramu dubu na’u nouido naibaha o’uro wia nou hohowa imohorai naiba iaowa Pai‐dubu e! Ina ro nirowa rovia umori mo sovio owai. 3Wia Iesu nou himia tu naibaha ototuro wia nouido naibaha atibodoi nou naibaha iaowa: Mo niro, ro sovio taiti, wia nou temeteme nou sovio naibaha oiti. 4Wia Iesu nouido naibaha iaowa, Taauri ro wade iao aue oubi amidaido ina ta’uo ro himia ko’u naveito. Hoho tawaevia kohena dubuido wia niainiai na tamaai naiba Mose wade modoboito naibaha owaevia oubido.
5Wia nou ta’uwa Iesuro Kapanaumoito idadoro, korowoto pai‐mere na’u nouido naibaha o’u wia nou nouido pupuoito atodoi. 6Nou naiba aro: Pai‐dubu e, mo himia hiwaa mere nou temeteme rorou muo ramuri wia nou temeteme auwori. 7Ina Iesu nouido naiba aro: Mo nouido aino’udai wia mea ainowaidai. 8Wia korowoto pai merero nou naibaha omowameai naiba aro: Pai‐dubu e. Mo mea biahai ro mo moto goroito odoroi, na’u ro wadeito taroro wia mo hiwaa mere nou meaha aiwaiti. 9Mabu nouri mo pai‐dubu mo nou gorowai wia korowoto oubi moro naibaha niworoho nei mo gorowari. Wia dubu ata na’uido mai naro, ta’u ina nou airo’u wia ataido mainaro ta’uro ina nou airo’uro wia mo himia kowaati mereido mainaro, nou tadodiai ina nou airododiai. 10Wia nou ta’uwa Iesu naibaha orovidio nou aiemaeawa wia nou dooudo korobodo oubido nou naibaha iaowa: Naiheha rioido mai naro, kiraromodio na’i auwo aibo Isaraela batibati auwohawa moro owea biahai. 11Wia rioido mai naro, Oubi godo hiwio kiorurio batiudo wia kahoiiatuti batiudo nei aiwaumo‐o’ui wia Toboro bububatiwa Abrahamamu Isaakamu Iakobomu neiio naibaha aiwaimo‐emidioi. 12Wia Bububati mereo aiwaimo‐iaho’iouti durii bati wegeito wia idebi irotutimoi wia niimo imotooubutimoi neiio nouowa naibaha waimo‐emidioi. 13Wia Iesu korowoto pai dubuido naiba iaowa, Ta’u ro himia naveito wia ro kiraromodio na’i nou aibo nou roido aiwai‐dodiai. Wia hiwaa mere nou ta’uwa nou meaha tau owai.
14Ina Iesu Pita motoito idadoro. Pita o’boa mamu kaupi ramu orou nouro naibaha owea. 15Wia nou tu nouro naibaha atibodoi wia kaupiro nou naibaha emeheai ina nou naibaha o’ibua wia neido nou naibaha imiowa. 16Wia dohodohowa oubi godo uba urio ramu neiio nouido naibaha iworohowaumo wia uba urio’i nei na’u wade ramu nouro naibaha iwahiitiwa wia uba kirouti oubi auwoha nouro meaha naibaha iwai. 17Nouri nou Isaia peroveta dubu kiao wade naiheha iwai, nou naiba iaowa: Imo temeteme nana nouro naibaha iahiiti wia uba kiro’uti nana’i nouro naibaha itateai. 18Wia nou ta’uwa Iesu naibaha iauri oubi gema nouido owahedediowaumo nou wadeito naiba aro hapuo ataito abumoi. 19Wia titikiati dubu na’u naibaha o’uro wia nouido naiba aro, Pai‐dubu e! ro korohodio batii noito mo ro dooudo ainarobodoidioi. 20Ina Iesu nouido naibaha iaowa: Buruoo pituu airiworohodumo wia pahagama toborowa toto airiworohodumo, ina Oubiha‐mere opu aodia bati hiae biahai. 21Wia kitomudio mere ata nouido naiba aro: Pai‐dubu e! Roro mo opuito tanotiodoi mo o’ui mo abea omoboi. 22Wia Iesu nouido naiba iaowa: Mo tanobodoro wia koihiai mere’i koroihi oubi amidao umomobomo.
23Ina na’u peito nou naibaha orouvia nou himia kitomudio mere noumu orowutiumo. 24Wia taauri! Hurama gema auwo turiwa naibaha o’uro mabu nouri pe goiioro aia’urumutiwa wia Iesu uwo orouwa. 25Wia nou kitomudio mere nouido o’umo nou naiba itoraumo wia nouido naibaha aroumo Pai‐dubu e! imo ainoroihidaidumo. 26Wia nou neido naibaha iaowa: Tou tore! Rio keke kiraromodio oubi. Ina nou naibaha o’iboa wia huramara goiiora naibaha imadohiomaimama wia obo tao mea naibaha oitiro. 27Wia oubio aiemaewaumo naiba aromo: Dubu nouri touna mereri. Taaurimo! hurama wia goiio neitio nouido naibaha rirowaidudo.
28Wia nou ta’uwa ata hapuoito nou naibaha o’uwaro Geresene oopo oopo’i noito. Uba‐urio ramu mere neewa neitio nou naibaha omotoudo. Neiti gabidi batiudo o’udou tiaha heauwo ramu. Nouri oubi amidao nave’i nouowa iohodioumo biahai. 29Wia ta’auri! neiti aimakakaiwadiowaudo naibaha iaowaudo: Touna niaiidaidudo imeiti roido; Iesu Urio‐abea mereri; ro imeiti gooa iwaimamai iaro’uro, doo ta’u biahai? 30Wia boomo horohoro nei mabudo kekebuo auwowaibo orohowaumo naiba no’oi ihowaumo. 31Wia uba urio’i neiio nouido naibaha atodoumo naiba iaowaumo: Ina imo roro iahoiutiwa, boomonu neido imo tanitiodoi. 32Ina nou neido naibaha iaowa, Ta’umo, wia nei naibaha ihuodutiwaumo wia boomo niro goroito nei naibaha ido’utiwaumo wia boomo horohoro auwoha akabu kewakewa hioito auwoturito oroworuowaumo wia obo gorowa neiio naibaha oroihiumo. 33Wia boomo kiauri oubi naibaha odaumo wia oopoito naibaha iahaudioumo wia nana auwoha naibaha iwaduutiwaumo naiba nouri nana nei tau o’umo uba urio ramu dubu neewaido. 34Wia taauri! oopo oubi auwoha naibaha idowaumo Iesuido omotoimoi wia nou ta’uwa neiio nou naibaha oweaumo nei nouido pupuoito hobo atodoumo nouro nei himia oopo‐oopo imowameheai.
Valgt i Øjeblikket:
Mataio 8: KXW1941
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Published by the British and Foreign Bible Society in 1941.
