GENESIS 19
19
Sodoma, Gomorra llaqtakuna puchukachisqanmanta
1Chayarurqakumá tardeykuqtaña iskaynin angelkuna Sodoma llaqtaman. Sodoma llaqtapa zaguanninpim Lot tiyachkarqa, Lot rikuruspanmi rirqa paykuna chaskiq hinaspam pampaman kumukuykuspan 2nirqa:
—Señorkuna, ruegakuykichikmi kay serviqnikichikpa wasiyman rispa samakunaykichikpaq hinaspa chakikichiktapas mayllakuykunaykichikpaq, hinaspañachiki achikyaqtaña pasakunkichik —nispa.
Chaymi paykunañataq nirqa:
—Manam, hawa plazallapim kunan tutaqa samasaqku —nispa.
3Ichaqa paykunata llumpayta Lot ruegaptinmi paywan rirqaku wasinman, chaypim Lot prepararqa cenaytawan mana qonchuyoq tantata hinaptinmi mikurqaku.
4Manaraq camaman ustuchkaptinkum Sodoma llaqtapi lliw runakuna mozokunapas machukunapas muyururqaku Lotpa wasinta. 5Chaymi Lotta qayaykacharqaku:
—Kunan tuta hamusuqniki runakunaqa ¿maytaq? Horqomuy kunan tuta abusanaykupaq —nispa.
6Chaymi Lot lloqsimurqa punkuman paykunawan rimaq, punkuta wichqaruspanmi 7nirqa:
—Llaqtamasillaykuna, amayá chay mana allintaqa ruraychikchu. 8Iskay doncella warmi churiykunam kachkan, paykunata hawaman horqoramuptiyá munasqaykichikta ruraychik. Kay runakunatayá ichaqa ama imatapas ruraychikchu wasiypi samakusqanrayku —nispa.
9Hinaptinmi chay runakunañataq nirqaku:
—Suchuy kaymanta, qamqa kaymanqa forasterom hamurqanki ¿kunanñataqchum juezña rikurirunki? Kunanmi rurasqaykiku paykunamantapas aswan peortaraq —nispa.
Chaymi tukuy kallpankuwan Lotta tanqarqaku hinaspam asuykurqaku punkuta pakinankupaq. 10Hinaptinmi chay samakuqkuna Lotta aysaykurqaku wasi ukuman hinaspam punkuta wichqakururqaku. 11Hawapi llapa runakunatañataqmi ñawsayarachirqaku llapallankuta hinaptinmi paykuna manaña ima rurakuyta atistin punkuta maskarqaku. 12Chaymi chay samakuq runakuna nirqaku Lotta:
—¿Kaypi kanraqchu aylluykikuna, masaykikuna, qari churikikuna hinaspa warmi churikikuna? Sichu kaptinqa llapallanta horqoy kay llaqtamanta. 13Kay lugartaqa puchukachisaqkum. Paykunapa mana allin ruraynintam llumpaytaña Tayta Dios yacharun chaymi Tayta Dios kachamuwanku puchukachinaykupaq —nispa.
14Chaymi Lot lloqsirqa warmi churinkuna casaray munaqkunata rimapayaq:
—Chaylla lloqsiychik kay lugarmanta, Tayta Diosmi kay llaqtata puchukachinqa —nispa.
Aswanqa masanpaq kaq runakunaqa burlapaq hinam hapirqaku. 15Achikyaykuchkaptinñam angelkuna Lotta apurarqaku:
—Lloqsispayki warmikita pusay, kaypi kaq iskaynin warmi churikikunatawan chaynapi kay llaqtapa castigonwan mana puchukanaykipaq —nispa.
16Lot mana apuraptinmi Tayta Diospa kuyapayakuyninman hina chay iskaynin runakuna Lotta, warminta hinaspa iskaynin warmi churinkunata makinmanta aysarqa llaqtapa hawa lawninman. 17Chaymi paykunata hawaman horqoramuspaña huknin angel nirqa:
—Vidaykirayku lluptiy. Amam qepaykita qawarikamunkichu nitaqmi kay tukuy pampapiqa sayayllapas-sayaykunkichu, lluptiy orqoman ama puchukanaykipaq —nispa.
18Chaymi Lot nirqa:
—Señorniykuna, amayá chaynachu kachun, ruegakuykichikmi. 19Kay runallaykitam favoreceykuwanki, hatun kuyapayakuynikiwantaqmi vidayta salvaykuwanki, orqoman ayqeytaqa manam atiymanchu, qonqaytachá imapas pasawaptin wañuruyman. 20Waqaya wak llaqtachaqa hichpallapi kachkan, wakmanyá lluptikusaq hinaspaqa manam wañusaqchu ¿Manachu wakqa taksalla? —nispa.
21Chaymi huk kaqnin nirqa:
—Kay mañakusqaykitapas chaskikim chaymi wak niwasqayki llaqtachatapas mana puchukachisaqchu. 22Apurawman lluptiy wakman, manam imatapas rurasaqchu chayanaykikama —nispa.
Chayraykum chay llaqtachapa sutin karqa #Hebreo simipi Zoar ninanqa “taksalla” ninanmi.Zoar.
23Zoar llaqtachaman Lot chayaruptinñam inti qespiramurqa. 24Chaymi Tayta Dios cielomanta azufretawan ninata parachimurqa Sodoma, Gomorra llaqtakunaman. 25Hinaptinmi chay pampapi llaqtantin llapallan *f**yachaq runakunata llapallan wiñaqkunatawan puchukarachirqa. 26Chaymi Lotpa qepanta hamuq warmin qepaman qawariruspan suytu kachiman tikrakururqa.
27Paqarinnintin tutapaytañataqmi Tayta Dioswan rimasqanku sitioman Abraham rirqa. 28Chaymi Sodoma, Gomorra llaqtakuna lawta chaynataq lliw pampata qawariptin hornomanta hinaña qosnirichkasqa. 29Tukuy pampapi llapallan llaqtakunata puchukarachispanmi Abrahamtaqa Dios mana qonqarurqachu, salvarqataqmi Lottapas *f**yachasqan llaqtapi puchukarunanmanta.
Moab hinaspa Amon runakunapa qallarisqanmanta
30Lotmi Zoar llaqtachapi *f**yachayta manchakuspan rirqa orqoman. Chaypim machaypi yacharqa iskaynin warmi churinkunapiwan. 31Chaymi mayor kaq churin nirqa sullkanta:
—Papanchikqa machuñam, kay lawpiqa runakunapa costumbrenman hina ñoqanchikwan kasarakunanpaqqa manam kanchu qari. 32Chaynaqa papanchikman vinota tomarachispayá paywan puñurusunchik chaynapi paypa miraynin mana tukunanpaq —nispa.
33Chay tutam taytankuman tomarachirqaku vinota chaymi mayor kaq puñururqa taytanwan. Aswanqa taytanqa manam musyakurqachu puñunanpaq churin ustuykusqantaqa nitaq hatarisqantapas. 34Paqarinnintinñataqmi sullkanta mayor kaq nirqa:
—Chisi tutam papanchikwan puñururqani, kunan tutapas vinotayá tomarachisun paywan qamñataq puñunaykipaq chaynapi taytanchikpa miraynin mana tukunanpaq —nispa.
35Chaynapimá chay tutapas taytankuman vinota tomarachirqaku chaymi sullkan kaq paywan puñururqa aswanqa taytanqa manam musyakurqachu puñunanpaq churin ustuykusqantaqa nitaq hatarisqantapas. 36Chaymi Lotpa iskaynin churinkuna taytankupata wiksayakururqaku. 37Mayor kaq churinmi wachakururqa wawanta hinaspam #Hebreo simipi Moab ninanqa “taytanpa partenmanta” ninanmi.Moabwan suticharqa, paypa castanmi Moab runakuna kay libro qellqasqa kasqan tiempokama. 38Sullkanpas wachakuruspanmi wawanta suticharqa #Hebreo simipi Ben-ami ninanqa “runaykunapa churin” ninanmi.Ben-amiwan, paypa castanmi Amon runakuna kay libro qellqasqa kasqan tiempokama.
Valgt i Øjeblikket:
GENESIS 19: QUEAYA87
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind