Matteu 23
23
Ghjesù denuncia i Scribi è i Farusei
(Mc 12,38-40; Lc 11,37-52; 20,45-47)
1Tandu Ghjesù s'adrizzò à a ghjente accolta è à i so discepuli è disse: 2«I Scribi è i Farusei sò incaricati di dì è di spiicà a Lege di Musè. 3Dunque fate puru è osservate ciò ch'elli vi diceranu, ma ùn fate secondu i so atti, chì dicenu è ùn facenu. 4Leganu tamante some è e mettenu in collu à l'omi, ma per move le ùn ci volenu mette mancu un ditu. 5Tutti i so atti, i facenu propiu per fà si vede da a ghjente. I stucci ch'omu si mette à dossu per a prichera, elli l'anu più grandi; i frisgi di i vestiti da pricà, l'anu più longhi#23,5 i frisgi di i vestiti da pricà: a vestitoghja di i ghjudei devoti era franta cù un filu viulinu chì ramintava i cumandi di Diu. Vede Nm 15,38-41.. 6Li piace à piglià u primu rangu in i ripasti è e prime sedie in e sinagoghe, 7à esse salutati in piazza publica è à sente si chjamà Maestru da a ghjente. 8Ma voi, ùn vi fate chjamà Maestru: chì maestru ùn ne avete chè unu è site tutti fratelli. 9Annantu à a terra, ch'è vo ùn chjamite Babbu à nimu: chì Babbu ùn ne avite chè unu, u Babbu di u celu. 10Ch'è vo ùn vi faccite chjamà Patroni: chì patrone ùn ne avite chè unu, u Messia. 11U più maiò trà voi altri serà u vostru servu; 12à chì si face più grande serà fattu più chjucu; à chì si face più chjucu serà fattu più grande.
13«Guai à voi, falsi chè vo site, scribi è Farusei chì chjudite à l'omi u regnu di i celi; voi stessi ùn ci entrite è à l'entranti li chjudite e porte. 14Guai à voi, falsi chè vo site, scribi è Farusei chì vi manghjate a robba di e veduve è fate vista di pricà tantu. Moltu più serete cundannati#23,14 Vede Mc 12,40..
15«Guai à voi, falsi chè vo site, scribi è Farusei chì girate terra è mare per riesce à cunverte una sola persona, è po quand'è voi l'avete acquistata, a fate degna di l'infernu duie volte peghju chè voi!
16«Guai à voi chì aprite a strada à a cechesca quand'è vo dite: “À chì ghjura pè u tempiu, ùn hè nunda; ma à chì ghjura pè l'oru di u tempiu, quessu hè ligatu.” 17Mansa di scemi è di cechi! Chì serà po u valevule, l'oru o u tempiu chì santificheghja l'oru? 18È dite dinò: “À chì ghjura pè l'altare, ùn hè nunda; ma à chì ghjura pè a robba offerta, quessu hè ligatu.” 19Mansa di cechi! Chì serà po u valevule, a robba offerta o l'altare chì santificheghja a robba offerta? 20Chì à chì ghjura per l'altare ghjura per l'altare è per tuttu ciò chì hè nantu; 21à chì ghjura per u santuariu ghjura per u santuariu è per Quellu chì ci stà; 22à chì ghjura per u celu ghjura per u tronu di Diu è per Quellu chì ci posa#23,22 Paragunà cù Is 66,1; Mt 5,34..
23«Guai à voi, falsi chè vo site, scribi è Farusei chì pagate a tassa di a menta, di u finochju è di u cuminu#23,23 Vede Lv 27,30; Dt 14,22., quandu ch'è vo lasciate corre u più gravu in a Lege: u dirittu, a misericordia è a fideltà; quessa sì, ci vulia à fà la, senza nigligintà u restu. 24Guidi cechi, chì arrestate u muscusgiulu in lu stacciu ma vi inghjuttite u camellu!
25«Guai à voi, falsi chè vo site, scribi è Farusei chì purificate u fora di u calice è di u piattu, quandu chì u drentu hè pienu zeppu à robba di latrucinu è di ingurdizia. 26Faruseu cecu! Purificheghja prima u drentu di u calice, per chì u fora venga purificatu ancu ellu.
27«Guai à voi, falsi chè vo site, scribi è Farusei chì v'assumigliate à tumbini imbiancati#23,27 I tumbini palestiniani eranu bianchi da ch'omu i vega da luntanu di notte di modu à ùn tuccà li à disgrazia è duvè si sottumette à riti di purificazione.: à l'infora parenu belli, ma à l'indrentu sò pieni à ussicami è robba impura. 28Cusì site voi altri: da fora, parite à ognunu ghjente ghjusta, ma à l'indrentu, site trapieni à inghjustizia è falsità.
29Guai à voi, falsi chè vo site, scribi è Farusei chì inalzate i sipolcri di i prufeta è adurnate e fosse di i ghjusti, 30è dite: “sè no avessimu campatu à i tempi di i nostri babbi, ùn seriamu micca stati i so cumplici per tumbà i prufeta.” 31Cusì tistimuniate contru à voi stessi: site i figlioli di quelli chì anu tombu i prufeti! 32Ebbè! Fate puru ancu voi cusì è peghju! 33Serpi, figlioli di serpi, cumu vi puderiate francà da u castigu di l'infernu? 34Ghjè per quessa chì eu, vi mandu prufeta, savii è maestri di a Lege. Ne tumberete è ne crucifisserete, ne staffilerete in e vostre sinagoghe è i percoterete da cità in cità, 35per ch'ellu vi ricaschi addossu tuttu u sangue di i ghjusti spartu annantu à a terra, dapoi u sangue d'Abel u ghjustu sin'à u sangue di Zaccaria, figliolu di Baracchia, ch'è vo avete tombu trà u santuariu è l'altare#23,35 Vede Gn 4,8; 2 Cr 24,20-22.. 36Da veru a vi dicu, tuttu què hà da ricascà annantu à sta ghjente d'oghje.»
Lamentu di Ghjesù annantu à Ghjerusaleme
(Lc 13,34-35)
37«Ghjerusaleme, Ghjerusaleme, tù chì assassini i prufeta è tombi à petrate quelli chì ti sò mandati, quantu volte aghju vulsutu accoglie i to figlioli cum'è a cioccia accoglie i so piulelli sottu à l'ale, è ùn avete vulsutu micca! 38Ebbè! V'hà da esse lasciata diserta, a vostra casa#23,38 Paragunà cù Ghjr 22,5.. 39Chì, a vi dicu, oramai ùn mi viderete più, sinu à u ghjornu chè vo diciarete: benedittu Quellu chì vene à nome di u Signore#23,39 Sal 118,26.!»
Valgt i Øjeblikket:
Matteu 23: 4EvCors
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Société biblique française, 1994
