MATEO 1
1
Te machꞌatik nail yuꞌun te Jesucristoe
1Jaꞌ to jaꞌ slistaul te machꞌatik nail tal yuꞌun te Jesucristoe te stsꞌumbal te jDavide, te jaꞌ stsꞌumbal te jꞌAbrahame.
2Te xnichꞌan te jꞌAbrahame Isaac sbiil. Te xnichꞌan Isaac Jacob sbiil. Te xnichꞌnab Jacob Juda sbiil sok te sbankiltak sok te yijtsꞌinab. 3Te xnichꞌnab Juda Fares sok Zara, jaꞌ smeꞌik te xTamare. Te xnichꞌan Fares Esrom sbiil. Te xnichꞌan Esrom Aram sbiil. 4Te xnichꞌan Aram Aminadab. Te xnichꞌan Aminadab Naason. Te xnichꞌan Naason Salmon. 5Te xnichꞌan Salmon Booz, jaꞌ smeꞌ te xRahabe. Te xnichꞌan Booz Obed, jaꞌ smeꞌ te xRute. Te xnichꞌan Obed Isai. 6Te xnichꞌan Isai jaꞌ te rey David.
Te xnichꞌan rey David Salomon, jaꞌ smeꞌ te yinam Urias te nail toe. 7Te xnichꞌan Salomone Roboam. Te xnichꞌan Roboam Abias. Te xnichꞌan Abias Asa. 8Te xnichꞌan Asa Josafat. Te xnichꞌan Josafat Joram. Te xnichꞌan Joram Uzias. 9Te xnichꞌan Uzias Jotam. Te xnichꞌan Jotam Acaz. Te xnichꞌan Acaz Ezequias. 10Te xnichꞌan Ezequias Manases. Te xnichꞌan Manases Amon. Te xnichꞌan Amon Josias. 11Te xnichꞌan Josias Jeconias y sok yijtsꞌinab. Jaꞌ yorail a te chuktalanot bael ta Babilonia te israeletike.
12Ta patil te kꞌalal ayix ta chukel ta Babilonia ae, ayin xnichꞌan te Jeconias Salatiel sbiil. Te xnichꞌan Salatiel Zorobabel. 13Te xnichꞌan Zorobabel Abiud. Te xnichꞌan Abiud Eliaquim. Te xnichꞌan Eliaquim Azor. 14Te xnichꞌan Azor Sadoc. Te xnichꞌan Sadoc Aquim. Te xnichꞌan Aquim Eliud. 15Te xnichꞌan Eliud Eleazar. Te xnichꞌan Eleazar Matan. Te xnichꞌan Matan Jacob. 16Te xnichꞌan te Jacob Jose, te swinikul xMariae te smeꞌ Jesus te Cristo sbiile.
17Jaꞌ yuꞌun ay katorse ta kaj te stsꞌumbal te jAbrahame kꞌalal ta jDavid. Sok ay katorse ta kaj yiloj sba sok te jDavid te tut ora chuktalanot bael ta Babilonia te Israeletike. Sok ay xan katorse ta kaj stsꞌumbal te kꞌalal chuktalanot bael te asta ayin te Cristoe.
Ayin te Jesucristoe
18Jicha ayin te Jesucristoe: Te smeꞌe, jaꞌ te xMariae, chapalix te ya xnujpun sok te Josee, pero ma to yikꞌojuk sbaik a chiknaj te ayix tut staoj ae ta skuenta te Chꞌul Espiritue. 19Te Josee jaꞌ te swinikule, te tutꞌil toj ta winikile, jich maꞌ skꞌan te ya spukbey skꞌoplal ta komone. La snop te mukul nax kꞌan spit sbae. 20Te kꞌalal jich snopoj spasix ae, ta xwayuch la yil jtul chꞌul ángel yuꞌun te Kajwaltike. Jich a albot yuꞌun:
—Jose, te stsꞌumbalat te jDavide, ma me xiꞌan te ya awikꞌ awinamin te xMariae. Yuꞌun te xchꞌin yal te yikꞌoje jaꞌ ta skuenta te Chꞌul Espiritue. 21Te xMariae ya me xꞌayin xchꞌin kerem. Jesus me sbiil ya xkꞌot awuꞌun. Jich ya xkꞌot te sbiile yuꞌun ya me skoltay te jtejklum yuꞌun te smulike —xchi te chꞌul ángele.
22Spisil ito kꞌot ta pasel yuꞌun jich me ya xkꞌot te tut yaloj te Kajwaltik ta skuenta te jꞌalwanej yuꞌune:
23“Ay jtul soltera achꞌix ay me tut ya sta, ya me xꞌayin chꞌin yal. Te sbiil ya xkꞌot awuꞌunike: Emanuel”, xchi me.
Te tutꞌil Emanuel xchi te sbiile, “Sjoyinejotik te Diose”, xchi kꞌoem.
24Kꞌalal kux yoꞌtan ta wayel te Josee, jich a spas te tuti albot yuꞌun te chꞌul ángel yuꞌun te Kajwaltike. La yikꞌ yinamin te xMariae. 25Pero ma orauk la sta sbaik jaꞌ to te tut ora ayin te sba yale. Jesus sbiil a kꞌot yuꞌun te Josee.
Valgt i Øjeblikket:
MATEO 1: AMANNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nuevo Testamento Tzeltal de Amatenango © Sociedad Bíblica de México, 2006.
