Matiu 1

Na isufutaa suli sa Disas na Kraes

(Luk 3:23-38)

1Na isufutaa sulia sa Disas na Kraes nia lea 'urii mai. Nia na waa 'e futa lao kwalafaa sa Defet na waa 'inito bae lao kwalafaa sa 'Abraham.

2Na isufutaa nee, 'e safali 'ana sa 'Abraham.

Sa 'Abraham nia kwalafia sa 'Aesak,

sa 'Aesak ka kwalafia sa Diakab,

sa Diakab ka kwalafia sa Diuda fai toolana ki.

3Sa Diuda ka adea ni Tama ka kwalafia sa Beres fai sa Sira.

Sa Beres ka kwalafia sa Hesron,

sa Hesron ka kwalafia sa Ram.

4Sa Ram ka kwalafia sa 'Aminadab,

sa 'Aminadab ka kwalafia sa Naason,

sa Naason ka kwalafia sa Salamon.

5Ma sa Salamon ka adea ni Reehab ka kwalafia sa Boas.

Sa Boas ka adea ni Rut ka kwalafia sa 'Obet.

Sa 'Obet ka kwalafia sa Deesii.

6Sa Deesii ka kwalafia guu waa 'inito bae sa Defet.

Sa Defet ka adea 'initai sa 'Iuraea 'e mae faasia, ka kwalafia gu sa Solomon.

7Sa Solomon ka kwalafia sa Rihoboam,

sa Rihoboam ka kwalafia sa 'Abida,

sa 'Abida ka kwalafia sa 'Asa.

8Sa 'Asa ka kwalafia sa Diosafat,

sa Diosafat ka kwalafia sa Dioram,

sa Dioram ka kwalafia sa Iusaea.

9Sa Iusaea ka Kwalafia sa Diotam,

sa Diotam ka kwalafia sa 'Ehas,

sa 'Ehas ka Kwalafia sa Hesikaea.

10Sa Hesikaea ka kwalafia sa Manase,

sa Manase ka kwalafia sa 'Emon,

sa 'Emon ka kwalafia sa Diosaea.

11Sa Diosaea ka kwalafia sa Diokonaea fai toolana ki.

Sa Diokonaea, nia futa sui guu omea 'i Babilon dao ka laua toaa 'Israel ka ngali kera naa uri fera 'i Babilon.

12'I burina kera da ngalia toaa 'i 'Israel lea daka too naa 'i Babilon,

sa Diokonaea kafi kwalafia sa Sialtiel.

Ma sa Sialtiel ka kwalafia sa Serababel.

13Sa Serababel ka kwalafia sa 'Abiud,

sa 'Abiud ka kwalafia sa 'Elaeakim,

sa 'Elaeakim ka kwalafia sa 'Aso.

14Sa 'Aso ka kwalafia sa Sadok,

sa Sadok ka kwalafia sa 'Akim,

sa 'Akim ka kwalafia sa 'Eliud.

15Sa 'Eliud ka kwalafia sa 'Eliesa,

sa 'Eliesa ka kwalafia sa Matan,

sa Matan ka kwalafia sa Diakab.

16Sa Diakab ka kwalafia gu sa Diosef arai ni Meri gaa sa Disas waa ne da 'ailia 'ana Kraes, na waa fifilia nia God.

17'Ita 'ana sa 'Abraham lea mai ka dao 'ana sa Defet na waa 'inito bae, nia too 'ana tii taafuli uni wane ma fai uni wane sarenga ki. Ka 'ita 'ana sa Defet waa 'inito nai lea mai ka dao 'ana kada omea 'i Babilon dao ka alasia fera 'i 'Israel ka lau kera uri 'i Babilon, ka too lau guu 'ana tii taafuli uni wane ma fai uni wane sarenga ki. Ma ka 'ita 'i seeri lea mai ka dao 'ana futa lana sa Disas na Kraes, nia ka too lau guu 'ana tii taafuli uni wane ma ta fai uni wane sarenga ki.

Disas na Kraes, nia futa

(Luk 2:1-7)

18Kada sa Disas Kraes nia futa na fuli lana mai 'e 'urii: Ni Meri gaa nia sa Disas, kera alufaafia sui naa fua sa Diosef. Ma si kada keerua nao daru si too kwaimani 'ua guu, ni Meri ka toomatafana naa nia kulua 'ana wele 'ana mamanaa Anoedoo Abu 19Ma sa Diosef na waa ne da alufaafi ni Meri fuana, nia ka manata uri sa ka lukasia ni Meri. Ma sui nia, nia waa ade lana 'o'olo, nia ka dooria uri sa kai lukasi aroaro gwana 'ani Meri uri ka nao si faa nonisusualaa lau nia wela keni. 20Ma sui ta, si kada sa Diosef 'e manata 'ua gwana sulia ili lana si doo nai, nia ka maleubole ka suana 'ensel God dao ka bae 'urii fuana, “Wala Diosef 'ae, 'oe waa nee 'ana kwalafaa sa Defet nee, nao 'osi mau lau 'ana ade lana ni Meri. Suli na mamanaa Anoedoo Abu 'ana ne adea nia ka kulua nee. 21Ni Meri tara nia kai kwalafia tii wela wane ne. Aia, 'oe tara 'oko faa sataa wela nai sa Disas, suli tara nia kai faamauria toaa nia ki faasia abulo ta'aa lae kera ki.”

22Si doo nai ki sui guu daka fuli naa 'uri nai. Ma 'i seeri si baea nia God ne brofet nia ki God 'i nao da faarongo ai ka mamana naa, ne bae 'urii, 23“Totoo tii keni saari kai kulua kai kwalafia tii wela wane ne dai 'ailia 'ana sa 'Imanuel.” #7:14 Toolangainia, “God nii fai kolu.”

24Aia si kada sa Diosef 'e maleu ka ada, nia ka ili na 'ana suli si doo nai 'ensel nia God 'e faarongo nia ki ai. Nia ka adea naa ni Meri. 25Sui boroi 'ana, keeru nao daru si tio kwaimani guu lelea ka dao fatai 'i burina naa ni Meri nia kwalafia fa wela wane nia nai ka sui naa. Sa Diosef ka 'ailia naa wela nai 'ana sa Disas.

Valgt i Øjeblikket:

Matiu 1: bvd

Markering

Del

Kopiér