Genesis 15
15
1 Tha Dia a’ toirt misnich agus sòlais a dh’Abram. 4 Tha e a’ gealltainn dha oighre, agus sliochd ro lìonmhor. 6 Tha Abram air fhìreanachadh tre chreidimh, etc.
1An dèidh nan nithean sin thàinig facal an Tighearna gu Abram ann an taisbeanadh#Gen 46:2; Àir 12:6; Daniel 10:1; Gnìo 10:11, 22, ag ràdh#Lùc 1:13, Na biodh eagal ort, Abraim#Deut 33:29; Salm 3:3; 84:11; 91:4; 119:114; Gnà 30:5: is mise do sgiath agus do dhuais ro‑mhòr#Salm 142:5; Tuir 3:24; Eabh 13:5.
2Agus thubhairt Abram, A Thighearna Dhè, ciod a bheir thu dhomh, agus mi ag imeachd gun chloinn#Gen 30:1; Isa 56:5; Gnìo 7:5, agus gur e Elièser seo o Dhamascas fear‐riaghlaidh mo thaighe?
3Agus thubhairt Abram, Feuch, dhòmhsa cha tug thu sliochd air bith: agus, feuch, is e neach a rugadh am thaigh#Gnà 29:21 as oighre orm.
4Agus, feuch, thàinig facal an Tighearna da ionnsaigh, ag ràdh, Cha bhi e seo na oighre ort; ach esan a thig a‑mach as d’innibh#Gen 17:16 fhèin, bidh e na oighre ort.
5Agus thug e leis a‑mach e, agus thubhairt e, Amhairc a‑nis suas gu nèamh, agus àireamh na reultan#Deut 1:10; Eabh 11:12, mas urrainn thu an àireamh: agus thubhairt e ris, Mar seo bidh do shliochd#Ròm 4:18.
6Agus chreid e anns an Tighearna; agus mheas e sin dha mar ionracas#Ròm 4:3, 6, etc.; Gal 3:6.
7Agus thubhairt e ris, Is mise an Tighearna a thug a‑mach thusa à Ur nan Caldèach#Gen 12:1, a thoirt dhut an fhearainn seo a‑chum a shealbhachadh mar oighre.
8Agus thubhairt esan, A Thighearna Dhè, cia leis a bhios fhios agam gun sealbhaich mi e#Bri 6:17; 2 Rìgh 20:8; Lùc 1:18?
9Agus thubhairt e ris, Gabh dhòmhsa agh trì bliadhna a dh’aois, agus gobhar trì bliadhna a dh’aois, agus reithe trì bliadhna a dh’aois, agus turtar, agus calaman òg.
10Agus ghabh e dha fhèin iad sin uile, agus roinn e iad anns a’ mheadhon#Ier 34:18, 19, agus chuir e gach aon de na mìrean fa chomhair a lethbhreac: ach cha do roinn e na h‑eòin#Lebh 1:17.
11Agus nuair a thàinig an eunlaith a‑nuas air na cairbhean, dh’fhuadaich Abram air falbh iad.
12Agus nuair a bha a’ ghrian a’ dol fodha, thuit cadal trom#Gen 2:21; 1 Sam 26:12; Iob 4:13 air Abram; agus, feuch, thuit uamhann dorchadais mhòir air.
13Agus thubhairt e ri Abram, Biodh fhios gu cinnteach agad gum bi do shliochd nan coigrich ann an dùthaich nach leo fhèin, agus nì iad seirbhis dhaibh; agus buinidh iad gu cruaidh#Ecs 12:40 riu ceithir cheud bliadhna;
14Agus, mar an ceudna, air a’ chinneach sin don dèan iad seirbhis, bheir mise breith#Ecs 6:6: agus na dhèidh sin thig iad a‑mach le maoin mhòir#Ecs 12:36.
15Agus thèid thusa a dh’ionnsaigh d’athraichean ann an sìth; adhlaicear thu ann an deagh sheann aois#Gen 25:8; Iob 5:26.
16Ach anns a’ cheathramh linn thig iad an seo air an ais: oir chan eil aingidheachd nan Amorach fhathast#Mat 23:32; 1 Tes 2:16 làn#15:16 làn..
17Agus nuair a bha a’ ghrian air dol fodha, bha dorchadas ann, agus, feuch, àmhainn dheataich agus leus teine#15:17 lòchran teine. a chaidh eadar na mìrean sin.
18Air an là sin fhèin rinn an Tighearna coicheangal ri Abram, ag ràdh, Dod shliochd‐sa thug mi am fearann seo, o abhainn na h‑Èiphit gu ruig an abhainn mhòr, abhainn Euphràtes:
19Na Cenich, agus na Cenidsich, agus na Cadmonaich,
20Agus na Hitich, agus na Peridsich, agus na Rephaimich,
21Agus na h‑Amoraich, agus na Canàanaich, agus na Girgasaich, agus na h‑Iebusaich.
Valgt i Øjeblikket:
Genesis 15: ABIG
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017