لوقا 22

یهودا اِسخریوطینینگ عیسی خایینلیق اِتمِگی

مَتّیٰ ۲۶‏:۱‏-۵، ۱۴‏-۱۶؛ مَرقُس ۱۴‏:۱‏-۲، ۱۰‏-۱۱؛ یوحنا ۱۱‏:۴۵‏-۵۳

1اینه، پِسَح دییلیپ آدلاندیریلیان پِتیر بایرامی یاقینلاشیپدی.‏ 2یُلباشچی کاهینلار بیلِن دین عُلَمالار عیسانی اُلدورمِگینگ یُلونی آغتاریاردیلار، اِمّا خالقدان قُرقیاردیلار.‏

3شِیطان اُن ایکی شَگیرتلِرینگ بیری بُلان یهودا اِسخریوطینینگ یورِگینَه گیردی.‏ 4یهودا یُلباشچی کاهینلار و عیباداتخاناداقی سِردارلارنینگ یانینا باریپ، عیسی نَدیپ خایینلیق اِتمِگی بارادا گورّونگ اِتدی.‏ 5اُلار هِم بِگِنیشیپ، اُنگا پول بِرمَگه راضی بُلدولار.‏ 6یهودا اُلار بیلِن ایلالاشدی و خالق یُق واقتی عیسانی اُلارا تابشیرماق اوچین، قاوی فُرصَتینگ ایزیندا گِزدی.‏

پِسَح شامی

مَتّیٰ ۲۶‏:۱۷‏-۳۰؛ مَرقُس ۱۴‏:۱۲‏-۲۶؛ یوحنا ۱۳‏:۲۱‏-۳۰؛ ۱ قُرِنتُس‌لار ۱۱‏:۲۳‏-۲۵

7پِسَح قربانی اِدیلیَن گونی، یَعنی پِتیر بایرامی یِتیپ گِلدی.‏ 8عیسی:‏ ‏«‏گیدینگ-ده، پِسَح بایرامینی گِچیرِر یالی تاییارلیق گُرونگ»‏ دییّپ، پِطرُس بیلِن یوحنانی ایبِردی.‏ 9اُلار:‏ ‏«‏اُنی نیرِده تاییارلاماغیمیزی ایسلِیَرسینگ؟»‏ دییّپ سُرادیلار.‏ 10عیسی اُلارا:‏ ‏«‏شَهره گیرِنینگیزده، کویزه‌لی سو آلیپ باریان بیر آداما ساتاشارسینگیز.‏ ایزینا دوشوپ گیدینگ-ده، اُنونگ گیرِن اُیونه گیرینگ.‏ 11سُنگرا اُی اِیه‌سیندِن:‏ ‏”‏شَگیرتلِریم بیلِن پِسَح شامینی اییِر یالی، میهمان اُتاقی نیرِده دییّپ اُستاد سُرایار“‏ دییّنگ.‏ 12اُل هِم سیزه یُقارقی مِرتِبه‌دَه دوشِلیپ هِمّه زات تاییارلانیپ قُیلان گینگ بیر اُتاقی گُرکِزِر.‏ شُل یِرده تاییارلیق گُرونگ»‏ دییدی.‏ 13اُلار گیتدیلِر و هِمّه زادی عیسانینگ آیدیشی یالی تاپیپ گُردولِر و پِسَح شامینی تاییارلادیلار.‏

14شام واقتی بُلاندا، عیسی رِسول‍لاری بیلِن ساچاق باشینا گِچدی.‏ 15عیسی اُلارا:‏ ‏«‏مِن بو پِسَح شامینی عاذاپ چِکمِزیمدِن اُوال، سیزینگ بیلِن بیله اییمِگی قاتی آرزو اِدیپدیم.‏ 16چونکی خودایینگ پادیشاهلیغیندا پِسَح شامینی اییمِک اوچین هِمَّه‌میز ییغنانیانچاق، مِن اُندان قایدیپ اییمِرین»‏ دییدی.‏ 17عیسی اِلینه بیر کَسه آلیپ شوکور اِتدی-ده:‏ ‏«‏مونی آلینگ-دا، ایچینگ.‏ 18سیزه شونی آیدیارین:‏ خودایینگ پادیشاهلیغی گِلیَنچَه، اوزوم شِرابینی قایتادان ایچمِرین»‏ دییدی.‏

19سُنگرا چُرِگی آلدی-دا شوکور اِتدی، اُنی بُلوپ، شَگیرتلِره بِریپ:‏ ‏«‏بو مِنینگ سیزینگ اوچین قربانی اِدیلیَن بِدِنیمدیر، مونی مِنی یادلاماق اوچین بِرجای اِدینگ»‏ دییدی.‏ 20شِیله هِم شامدان سُنگ، شِرابلی کَسَنی آلیپ، اُلارا:‏ ‏«‏بو کَسه مِنینگ سیزینگ اوچین دُکولیَن قانیم سِبَبی باغلانیشیلان تَزه عَهددیر.‏ 21اینه، مانگا خایینلیق اِتجِک آدام مِنینگ بیلِن بیر ساچاغینگ باشیندا اُتیر.‏ 22هاووا، اینسان اُغلی اُووندِن بِلِّنیشی یالی جان بِرِر، اِمّا اُنگا خایینلیق اِدِنینگ حالینا وای!‏»‏ دییدی.‏ 23اُلار مونی کیمینگ اِتجِکدیگینی بیری-بیرلِریندِن سُراپ باشلادیلار.‏

24اُلار اُز آراسیندا هایسی بیریسینینگ اینگ بِییکدیگی حاقدا جِدِلِّشدیلِر.‏ 25عیسی اُلارا شِیله دییدی:‏ ‏«‏بیگانه خالقلارینگ پادیشاهلاری اُلارا اُز حُکومینی یُرِدیَرلِر، حُکومدارلار هِم اُزلِرینی ناغمات بِریَنچی دییّپ آدلاندیریارلار.‏ 26اِمّا سیز بِیله بُلمانگ.‏ آرانگیزدا اینگ اولی اینگ کیچی یالی بُلسون، حاکیم، قُی، خیدماتکَر کیمین بُلسون.‏ 27هایسیسی خاص اولی:‏ ساچاق باشیندا اُتورانمی یا-دا خیدمات اِدیَن؟ ساچاق باشیندا اُتوران دَلمی؟ اِمّا مِن سیزینگ آرانگیزدا بیر خیدمات اِدیَن کیمیندیرین.‏

28‏«‏باشیمدان گِچیرِن ایمتِحانلاریمدا مِنینگ یانیمدا بُلان سیزسینگیز.‏ 29آتامینگ مِنی پادیشاه بِلِّیشی یالی، مِن-ده سیزی پادیشاه اِدیپ بِلِّیَرین.‏ 30سیز مِنینگ شاهلیغیمدا اییّپ-ایچِرسینگیز و تاختلاردا اُتوریپ، اسرائیل‌ینگ اُن ایکی طایفاسینینگ اوستوندِن قاضیلیق اِدِرسینگیز.‏»‏

عیسی پِطرُسینگ اینکَر اِتجِکدیگینی آیدیار

مَتّیٰ ۲۶‏:۳۱‏-۳۵؛ مَرقُس ۱۴‏:۲۷‏-۳۱؛ یوحنا ۱۳‏:۳۶‏-۳۸

31اُنسُنگ عیسی سُزونی دُوام اِدیپ:‏ ‏«‏اِی شمعون، شمعون!‏ شِیطان سیزی بوغدای یالی سُوورماق اوچین دیلِدی.‏ 32اِمّا مِن ایمانینگ کِمِلمِسین دییّپ، سِنینگ اوچین دُغا اِتدیم.‏ سِن هِم بیر واقت اُورولیپ گِلِنینگده، دُغانلارینگا قوواتی بِر.‏»‏ 33اُل:‏ ‏«‏آقام، مِن سِنینگ بیلِن زیندانا-دا، حتّیٰ اُلومه-ده گیتمَگه تاییار»‏ دییدی.‏ 34عیسی:‏ ‏«‏پِطرُس، سانگا دییَّرین، سِن بو گون خُرُز قیغیرمازدان اُنگ، مِنی تانییاندیغینگی اوچ گِزِک اینکَر اِدِرسینگ»‏ دییدی.‏

35سُنگرا عیسی اُلاردان:‏ ‏«‏مِن سیزی پول حالتاسیز، تُرباسیز و کُووشسیز یُلّان زامانیم کِم زادینگیز بارمیدی؟»‏ دییّپ سُرادی.‏ اُلار:‏ ‏«‏یُقدی»‏ دییّپ جُغاپ بِردیلِر.‏ 36عیسی اُلارا:‏ ‏«‏ایندی پول حالتانگیز بار بُلسا، یانینگیزا آلینگ، بیر تُربا هِم آلینگ.‏ قیلیجینگیز یُق بُلسا، لِباسلارینگیزی ساتینگ-دا، بیر قیلیچ اِدینینگ.‏ 37‏”‏اُل گونَه‌کَرلِر بیلِن بیر ساییلدی“‏ دییّپ یازیلاندیر.‏ مِن سیزه دییَّرین:‏ بو مِن بارادا بِرجای بُلمالیدیر.‏ دُغرودان-دا، مِن حاقدا یازیلانلار بِرجای بُلوپ باریار»‏ دییدی.‏#اِشعیا ۵۳‏:۱۲ 38شَگیرتلِر:‏ ‏«‏اِی آقام!‏ اینه، بو یِرده ایکی قیلیچ بار»‏ دییدیلِر.‏ عیسی هِم اُلارا:‏ ‏«‏شُل بُلیار»‏ دییدی.‏

عیسی زِیتون داغیندا خودایا دُغا اِدیَر

مَتّیٰ ۲۶‏:۳۶‏-۴۶؛ مَرقُس ۱۴‏:۳۲‏-۴۲

39عیسی داشاری چیقیپ، هِمیشه‌کیسی یالی زِیتون داغینا گیتدی.‏ شَگیرتلِری هِم اُنونگ ایزینا دوشدولِر.‏ 40اُل یِره بارانلاریندا، عیسی اُلارا:‏ ‏«‏وِسوِسَه دوشمِز یالی دُغا اِدینگ!‏»‏ دییدی.‏ 41اُزی بُلسا اُلاردان بیر داش آتیم چِته چِکیلدی-ده، دیزا چُکوپ:‏ 42‏«‏اِی آتام!‏ اِگِر ایسلِسِنگ، بو عاذاپ کَسه‌سینی مِندِن داشلاشدیر!‏ یُنه مِنینگ خاییشیم دَل، سِنینگ ایسلِگینگ بُلسون!‏»‏ دییّپ، دُغا اِتمَگه دوردی.‏ 43آسماندان بیر پِریشده گُرنوپ، اُنی گویچلِندیردی.‏ 44اُل آغیر غاما باتیپ، تاقالّا بیلِن خودایا دُغا اِتدی.‏ عیسادان آقیان دِر یِره دامیان قان دامجالاری یالیدی.‏ 45دُغا اِدیپ بُلاندان سُنگ توروپ، عیسی شَگیرتلِرینگ یانینا گِلدی.‏ اُلارینگ اوقلاپ یاتاندیقلارینی گُردی، اُلار قایغی-حاسراتدان یانگا حالدان دوشوپدیلِر.‏ 46عیسی اُلارا:‏ ‏«‏نَمه اوچین اوقلاپ یاتیرسینگیز؟ ایمتِحاندا دوشمِز یالی، تورونگ-دا، دُغا اِدینگ!‏»‏ دییدی.‏

عیسی توتولیار

مَتّیٰ ۲۶‏:۴۷‏-۵۸؛ مَرقُس ۱۴‏:۴۳‏-۵۴؛ یوحنا ۱۸‏:۳‏-۱۱

47اُل حَضیر کِپلَپ دورقا، بیر جِماغات گُزونه گُروندی.‏ اُن ایکی شَگیرتلِرینگ بیری یهودا جِماغاتینگ اُوونه دوشوپ گِلیَردی.‏ یهودا عیسانی اُغشاجاق بُلوپ، اُنونگ قُلایینا گِلدی.‏ 48عیسی اُنگا:‏ ‏«‏اِی یهودا!‏ سِن بیر اُغشوق بیلِن اینسان اُغلونا خایینلیق اِدیَرسینگمی؟»‏ دییّپ سُرادی.‏ 49عیسانینگ یانینداقیلار نَمه بُلجاغینی گُروپ:‏ ‏«‏اِی آقام!‏ قیلیچ بیلِن اورایلیمی؟»‏ دییدیلِر.‏ 50اُلارینگ بیری باش کاهینینگ خیدماتکَرینی اوروپ، اُنونگ ساغ قولاغینی کِسدی.‏ 51اِمّا عیسی:‏ ‏«‏هانی، بِس اِدینگ!‏»‏ دییدی.‏ سُنگرا خیدماتکَرینگ قولاغینا اِلینی دِگریپ، اُنی شِفا بِردی.‏ 52سُنگرا عیسی اُزونی اِله دوشورمَگَه گِلِن یُلباشچی کاهینلارا، عیباداتخاناداقی قاراوولّانگ سِردارلارینا، یاشولیلارا یوزلِنیپ:‏ ‏«‏نَمه اوچین بیر یُل کِسِنینگ قارشیسینا چیقیان یالی، مِنی توتماق اوچین قیلیچلی هِم تایاقلی گِلیپسینگیز؟ 53مِن هِر گون سیزینگ بیلِن بیرلیکده عیباداتخاناداقام، مِنی توتماندینگیز.‏ اِمّا ایندی بو واقت سیزینگکیدیر، قارانگقیلیغینگ حُکوم سوریَن ساغاتیدیر»‏ دییدی.‏

54عیسانی توتوپ، باش کاهینینگ اُیونه آلیپ گیتدیلِر.‏ پِطرُس هِم قارانگقیلیق بیلِن اُلارینگ ایزینا دوشوپ گیتدی.‏

پِطرُس عیسانی اینکَر اِدیَر

مَتّیٰ ۲۶‏:۶۷‏-۷۵؛ مَرقُس ۱۴‏:۶۵‏-۷۲؛ یوحنا ۱۸‏:۱۵‏-۱۸، ۲۵‏-۲۷

55حایاطینگ اُرتاسیندا اُد یاقیپ اُتیرقالار، پِطرُس-دا اُلارینگ آراسیندا اُتیردی.‏ 56پِطرُسی اُدونگ یاغتیسینا گُرِن بیر کِنیز اُنگا چیندان سِراِتدی-ده:‏ ‏«‏بو آدام هِم اُنونگ بیلِن بیلِدی»‏ دییدی.‏ 57اِمّا پِطرُس:‏ ‏«‏اِی هِلِی مِن اُنی تانیمییارین»‏ دییّپ اینکَر اِتدی.‏

58آز واقتدان سُنگ باشغا بیری اُنی گُروپ:‏ ‏«‏سِن هِم شُلاردان»‏ دییدی.‏ اِمّا پِطرُس:‏ ‏«‏قارداش، مِن اُلاردان دَل»‏ دییدی.‏

59آرادان بیر ساغادا یاقین واقت گِچِنسُنگ، باشغا بیر آدام:‏ ‏«‏دُغرودان-دا، بو آدام اُنونگ بیلِن بیلِدی، سِبَبی بو جلیل‌لی»‏ دییدی.‏ 60اِمّا پِطرُس:‏ ‏«‏اِی قارداش، مِن سِنینگ نَمه آیدیانینگی بیلِمُق»‏ دییدی.‏ اِدیل شُل واقت، پِطرُس کِپلَپ دورقا، خُرُز قیغیردی.‏ 61عیسی قانگریلیپ، پِطرُسا گُزلِدی.‏ پِطرُس عیسانینگ:‏ ‏«‏خُرُز قیغیرمازدان اُنگ، سِن مِنی اوچ گِزِک اینکَر اِدِرسینگ»‏ دییِن سُزونی یادلادی.‏ 62پِطرُس داشاری چیقیپ، مُنگّوریپ آغلادی.‏

63عیسانی ساقلایان آداملار اُنی ماسغارالاپ، اورماغا باشلادیلار.‏ 64گُزونی دانگیپ:‏ ‏«‏هانی، وِلیلیک اِت!‏ سِنی اوران کیم؟»‏ دییّپ سُرادیلار.‏ 65یِنه-ده اُنگا کَن تِلِکه سُزلِر آیتدیلار.‏

عیسی مِجلِسینگ اُوونده

مَتّیٰ ۲۶‏:۵۹‏-۶۶؛ مَرقُس ۱۴‏:۵۵‏-۶۴؛ یوحنا ۱۸‏:۱۹‏-۲۴

66دانگ آتاندا، خالقینگ یاشولیلاری، یُلباشچی کاهینلار و دین عُلَمالار ییغنانیشیپ، اُنی اُزلِرینینگ مِجلِسینه گِتیردیلِر.‏ 67اُلار عیسادان:‏ ‏«‏بیزه آیت، سِن مسیحمی؟»‏ دییّپ سُرادیلار.‏ عیسی اُلارا:‏ ‏«‏آیتسام، اینانمارسینگیز، 68سُراسام، جُغاپ بِرمِرسینگیز.‏ 69اِمّا موندان بِیلَک اینسان اُغلی قودراتلی خودایینگ ساغیندا اُتورار»‏ دییدی.‏ 70اُلارینگ هِمّه‌سی:‏ ‏«‏اُندا سِن خودایینگ اُغلی-دا؟»‏ دییّپ سُرادیلار.‏ عیسی اُلارا:‏ ‏«‏مِنینگ کیمدیگیمی اُزونگیز آیدیپ دورسونگیز»‏ دییّپ جُغاپ بِردی.‏ 71اُلار:‏ ‏«‏بیزه موندان باشغا شاهاتلیق نَمه گِرِک؟ بیز مونی اُنونگ اُز دیلیندِن اِشیتدیک آخیری»‏ دییّشدیلِر.‏

Valgt i Øjeblikket:

لوقا 22: TUKIR

Markering

Del

Kopiér