یوحنا 8

زینادا توتولان آیال

1عیسی بُلسا زِیتون داغینا گیتدی.‏ 2اِرتِسی ایردِن اُل یِنه عیباداتخانا باردی.‏ هِمّه خالق اُنونگ یانینا گِلدی.‏ عیسی اُلارا تَعلیم بِرمَگه باشلادی.‏ 3شُل واقتدا دین عُلَمالار بیلِن فَریسی‌لِر زینادا توتولان بیر آیالی آلیپ گِلدیلِر.‏ آیالی هِمّه‌سینینگ اُوونده قُیدیلار.‏ 4اُنسُنگ اُلار عیسی یوزلِنیپ:‏ ‏«‏اُستاد، بو آیال زینادا توتولدی.‏ 5موسی تُورات‌دا بولار یالیلاری داشلاپ اُلدورمِگی تابشیریپدیر.‏ سِن مونگا نَمه دییِرسینگ؟»‏ دییّپ سُرادیلار.‏ 6اُلار مونی عیسانی ایمتِحان اوچین سُراپدیلار، سِبَبی اُنی عاییپلاماق اوچین دِلیل آغتاریاردیلار.‏ عیسی آشاق اُتوروپ، بارماغی بیلِن یِره بیر زاتلار یازماغا باشلادی.‏ 7اُندان سُراماغی دُوام اِدِنلِرینده، عیسی دیکِلیپ:‏ ‏«‏سیزینگ آرانگیزدا کیمینگ گونَه‌سی یُق بُلسا، بو آیالا داشی اَوَّل شُل آتسین»‏ دییدی.‏ 8اُل یِنه-ده آشاق اُتوروپ، یِره بیر زاتلار یازماغا دوردی.‏ 9مونی اِشیدیپ، یاشولیلاردان باشلاپ، هِمّه‌سی یِکه-یِکِدِن گیتمَگه باشلادی.‏ دینگه عیسی بیلِن اُنونگ اُوونده دوران آیال قالدی.‏ 10عیسی دیکِلِنده، آیالدان باشغا هیچ کیمه گُزی دوشمَنسُنگ، اُنگا:‏ ‏«‏اِی آیال، بِیلِکیلِر هانی؟ هیچ کیم سِنی مَحکوم اِتمِدیمی؟»‏ دییّپ سُرادی.‏ 11آیال:‏ ‏«‏یُق، آقام»‏ دییدی.‏ عیسی:‏ ‏«‏مِن هِم سِنی مَحکوم اِتمِیَرین.‏ بار، گیدیبِر، موندان بِیلَک گونَه ایش اِتمه»‏ دییدی.‏]‏

حاقیقی شاهاتلیق

12عیسی یِنه-ده خالقا یوزلِنیپ:‏ ‏«‏دونیَه‌نینگ نوری مِندیرین.‏ مِنینگ ایزیما دوشِن قارانگقیلیقدا گِزمِز، اُندا یاشاییش نوری بُلار»‏ دییدی.‏

13فَریسی‌لِر اُنگا:‏ ‏«‏سِن اُز-اُزونگه شاهاتلیق اِدیَرسینگ، سِنینگ شاهاتلیغینگ اِعتِبارسیز»‏ دییدیلِر.‏ 14عیسی اُلارا:‏ ‏«‏مِن اُز-اُزومه شاهاتلیق اِدیَن هِم بُلسام، مِنینگ شاهاتلیغیم اِعتِبارلیدیر.‏ سِبَبی مِن نیرِدِن گِلیپ، نیرَه باریانیمی بیلیَرین، یُنه مِنینگ نیرِدِن گِلِنیمی یا نیرَه باریانیمی سیز بیلمِیَرسینگیز.‏ 15سیز اینسان اُلچِگی بیلِن حُکوم چیقاریارسینگیز، مِن هیچ کیمینگ اوستوندِن حُکوم چیقارمایارین.‏ 16مِن حُکوم چیقارایسام-دا، حُکومیم حاقدیر، چونکی مِن یِکه دَل-ده، اُزومی ایبِرِن آتا بیلِندیرین.‏ 17شِریغاتینگیزدا ایکی آدامینگ شاهاتلیغی اِعتِبارلی دییلیپ یازیلاندیر.‏#قایتادان ۱۹‏:۱۵ 18مِن اُزوم حاقدا شاهاتلیق اِدیَرین، مِنی ایبِرِن آتا-دا مِن حاقدا شاهاتلیق اِدیَر»‏ دییّپ جُغاپ بِردی.‏ 19اُنسُنگ عیسادان:‏ ‏«‏سِنینگ آتانگ نیرِده؟»‏ دییّپ سُرادیلار.‏ عیسی اُلارا:‏ ‏«‏سیز نه مِنی تانییارسینگیز، نه-ده مِنینگ آتامی.‏ مِنی تانییان بُلسادینگیز، مِنینگ آتامی-دا تاناردینگیز»‏ دییدی.‏

20اُل بو سُزلِری عیباداتخانادا تَعلیم بِریَرکَه صاداقا صاندیقینینگ یانیندا آیتدی، یُنه هیچ کیم اُنی توتجاق بُلمادی، سِبَبی اُنونگ واقتی هِنیز دُلماندی.‏

21عیسی اُلارا یِنه:‏ ‏«‏مِن گیدیپ باریارین.‏ سیز مِنی گُزلَرسینگیز و گونَه‌نگیزینگ ایچینده اُلِرسینگیز.‏ سیز مِنینگ باریان یِریمه باریپ بیلمِرسینگیز»‏ دییدی.‏ 22یَهودیلِرینگ باشلیغلاری:‏ ‏«‏اُل اُزونی اُلدورجِکمیکَه؟ اُل شُنونگ اوچین مِنینگ باریان یِریمه باریپ بیلمِرسینگیز دییَّرمیکَه؟»‏ دییّشدیلِر.‏ 23عیسی اُلارا:‏ ‏«‏سیز آشاقدانسینگیز، مِن یُقارداندیرین.‏ سیز بو دونیَه‌دِنسینگیز، مِن بُلسا، بو دونیَه‌دِن دَلدیرین.‏ 24مونونگ اوچین مِن سیزه ‏”‏گونَه‌لِرینگیزینگ ایچینده اُلِرسینگیز“‏ دییدیم، چونکی مِنینگ باردیغیما ایمان گِتیرمِسِنگیز، گونَه‌لِرینگیزینگ ایچینده اُلِرسینگیز»‏ دییدی.‏ 25اُندان:‏ ‏«‏سِن کیمسینگ؟»‏ دییّپ سُرادیلار.‏ عیسی اُلارا:‏ ‏«‏اُزال-باشدان سیزه کیم دییّپ آیدان بُلسام، شُلدورین.‏ 26سیزی مَحکوم اِدیپ آیتجاق زاتلاریم کَن.‏ مِنی ایبِرِن حاقدیر، مِن اُندان اِشیدِنلِریمی دونیَه اَشکَر اِدیَرین»‏ دییّپ جُغاپ بِردی.‏ 27اُلار عیسانینگ اُز آتاسی بارادا آیدیاندیغینا دوشونمِدیلِر.‏ 28سُنگرا عیسی اُلارا:‏ ‏«‏اینسان اُغلونی صلیبده یُقاری گُتِرِن ماحالینگیز، مِنینگ شُلدوغیمی بیلِرسینگیز.‏ شِیله هِم مِنینگ اُزومدِن هیچ زات اِتمَندیگیمه، دینگه آتامینگ اُورِدِن زاتلارینی آیداندیغیما دوشونِرسینگیز.‏ 29مِنی ایبِرِن مِنینگ بیلِندیر، اُل مِنی یِکه قُیوپ گیتمِدی.‏ سِبَبی مِن هِمیشه اُنگا حالایان زاتلاری اِدیَرین»‏ دییدی.‏ 30بولاری آیداندا، اِنچِمه آداملار اُنگا ایمان گِتیردیلِر.‏

ابراهیمینگ فِرزِنتلِری

31اُنسُنگ عیسی اُزونه ایمان گِتیرِن یَهودیلِره:‏ ‏«‏مِنینگ سُزومی بِرجای اِتسِنگیز، حاقیقاتدان هِم، مِنینگ شَگیرتلِریم بُلارسینگیز.‏ 32سیز حاقیقاتی بیلِرسینگیز، حاقیقات-دا سیزی آزاد اِدِر»‏ دییدی.‏ 33اُلار عیسادان ‏«‏بیز ابراهیمینگ فِرزِنتلِریدیریس، هیچ واقت هیچ کیمه قول بُلان دَلدیریس.‏ اُنسُنگ نَدیپ سِن بیزه آزاد بُلارسینگیز دییّپ بیلیَرسینگ؟»‏ دییدیلِر.‏ 34عیسی اُلارا شِیله جُغاپ بِردی:‏ ‏«‏مِن سیزه دُغروسینی آیدیارین، گونَه اِدیَن کیشی گونَه‌نینگ قولودیر.‏ 35قول هیچ هاچان اُیونگ بیری بُلوپ بیلمِز، یُنه اُغول اُیونگ هِمیشه‌لیک بیریسیدیر.‏ 36شُنونگ اوچین هِم اُغول سیزی آزاد اِتسه، سیز، حاقیقاتدان هِم، آزاد بُلارسینگیز.‏

37‏«‏سیز ابراهیمینگ فِرزِنتلِریندِندیگینگیزی بیلیَرین، یُنه سیز جانیمینگ قاصدینا چیقدینگیز، سِبَبی سیز مِنینگ سُزومی اُز قالبینگیزدان یِر بِرِنگزُق.‏ 38مِن سیزه آتامینگ یانیندا گُرِنلِریمی آیدیارین، سیز هِم اُز آتانگیزدان اُورِنِنگیزی اِدیَرسینگیز.‏»‏ 39اُلار اُنگا:‏ ‏«‏بیزینگ آتامیز ابراهیمدیر»‏ دییدیلِر.‏ عیسی اُلارا:‏ ‏«‏سیز ابراهیمینگ فِرزِنتلِری بُلیان بُلسانگیز، ابراهیمینگ ایشلِرینی اِدِردینگیز.‏ 40اِمّا سیز مِنی، یَعنی خودایدان اِشیدِن حاقیقاتی آیدیان اینسانی اُلدورمِکچی بُلیارسینگیز.‏ ابراهیم بِیله ایش اِتمَندی.‏ 41سیز ابراهیمینگ دَل-ده، اُز آتانگیزینگ ایشلِرینی اِدیَرسینگیز»‏ دییدی.‏ اُلار اُنگا:‏ ‏«‏بیز زینادان دُغان دَل، بیزینگ یِکِجه بیر آتامیز بار، اُل خودایینگ اُزودیر»‏ دییدیلِر.‏ 42عیسی اُلارا شِیله دییدی:‏ ‏«‏اِگِر آتانگیز خودای بُلسا، اُندا مِنی سُیِردینگیز، سِبَبی مِن خودایدان گِلدیم، اُز-اُزومدِن گِلمِدیم، مِنی اُل ایبِردی.‏ 43نَمه اوچین مِنینگ آیدیانلاریما دوشونمِیَرسینگیز؟ سِبَبی سیز مِنینگ آیدیانلاریمی دینگلِمِگی باشارمایارسینگیز.‏ 44سیزینگ آتانگیز شِیطاندیر، سیز آتانگیزینگ ایسلِگینی بِرجای اِتمِک ایسلِیَرسینگیز.‏ اُل اَوَّلدِن قاتلدی، هیچ واقت حاقیقاتینگ طارافداری بُلماندی، سِبَبی اُندا حاقیقات یُق.‏ اُل یالان آیداندا، اُز ذاتیندان آیدیار، چونکی اُل یالانچی، یالانینگ آتاسیدیر.‏ 45اِمّا مِن حاقیقاتی آیدیاندیرین.‏ شُنونگ اوچینِم سیز مانگا ایمان گِتیرمِیَرسینگیز.‏ 46سیزینگ هایسینگیز مانگا گونَه یاپیپ بیلِرسینگیز؟ اِگِر مِن حاقیقاتی آیدیان بُلسام، اُندا نَمه اوچین سیز مانگا ایمان گِتیرمِیَرسینگیز؟ 47کیم خودایا دِگیشلی بُلسا، خودایینگ سُزلِرینی دینگلِیَندیر.‏ سیز دینگلِمِیَرسینگیز، سِبَبی سیز خودایا دِگیشلی دَلسینگیز.‏»‏

عیسانینگ بِییکلیگی

48یَهودیلِر اُنگا:‏ ‏«‏سانگا جین اوران سامِره‌لی دییّپ، بیز دُغری آیتماپدیریسمی نَمه!‏»‏ دییدیلِر.‏ 49عیسی اُلارا جُغاپ بِریپ:‏ ‏«‏مِنی جین اورانُق!‏ مِن دینگه آتامی حُرماتلایارین، اِمّا سیز مِنی حُرماتلامایارسینگیز.‏ 50مِن اُزومه بِییکلیک آغتارمایارین، اِمّا مونی آغتاریان و حُکوم چیقاریان بیری بار.‏ 51مِن سیزه دُغروسینی آیدیارین، مِنینگ سُزومی ساقلایان آدام آصلا اُلوم قاراسینی گُرمِز»‏ دییدی.‏ 52یَهودیلِر اُنگا:‏ ‏«‏سِنی جین اوراندیغینی ایندی آچیق بیلدیک.‏ ابراهیم و پیغامبارلار-دا اُلدی.‏ اِمّا سِن:‏ ‏”‏مِنینگ سُزومی ساقلایان آدام هیچ هاچان اُلمِز“‏ دییَّرسینگ.‏ 53اُندا سِن آتامیز ابراهیمدان هِم بِییکمی؟ اُل و پیغامبارلار-دا اُلدی.‏ سِن اُزونگی کیم دییّپ فیکر اِدیَرسینگ؟»‏ دییدیلِر.‏ 54عیسی اُلارا شِیله جُغاپ بِردی:‏ ‏«‏مِن اُزومی بِییکلِندیرسِم، اُندا بو بِییکلیک پوچ بُلار.‏ مِنی بِییکلِندیریَن اُز آتامدیر.‏ سیز اُنگا خوداییمیز دییَّرسینگیز.‏ 55یُنه سیز اُنی تانیمییارسینگیز، مِن اُنی تانییارین.‏ اِگِر اُنی تانیمییارین دییسِم، اُندا مِن هِم سیزینگ یالی یالانچی بُلارین.‏ اِمّا مِن اُنی تانییارین و اُنونگ سُزونی یِرینه یِتیریَرین.‏ 56آتانگیز ابراهیم مِنینگ گِلجِک گونومه قاراشیپ، شاتلانیاردی.‏ اُل شُل گونی گُروپ، خاص بِگِندی.‏»‏ 57یَهودیلِر اُندان:‏ ‏«‏هِنیز اِلّی یاشا-دا بارمادیق حالینگا سِن ابراهیمی گُردونگمی؟»‏ دییّپ سُرادیلار.‏ 58عیسی اُلارا:‏ ‏«‏سیزه دُغروسینی آیدیارین، ابراهیم دُغولمازیندان اُنگ مِن باردیرین»‏ دییدی.‏ 59شُندا عیسانی داشلاجاق بُلدولار، اِمّا اُل گوزگِنیپ، عیباداتخانادان چیقیپ گیتدی.‏

Valgt i Øjeblikket:

یوحنا 8: TUKIR

Markering

Del

Kopiér