یوحنا 2

عیسی سووی شِرابا اُووریَر

1شُندان ایکی گون گِچِنسُنگ، جلیل‌ینگ قانا شَهرینده طُوی بُلدی.‏ عیسانینگ اِنه‌سی-ده شُل یِردِدی.‏ 2عیسی بیلِن شَگیرتلِری هِم طُویا چاغیریلیپدی.‏ 3شِراب قوتاریبِرِنده، اِنه‌سی عیسی یوزلِنیپ:‏ ‏«‏اُلارینگ شِرابی قوتاردی»‏ دییدی.‏ 4عیسی اُنگا:‏ ‏«‏اِی آیال، مونونگ مانگا نَمه ایشی بار؟ مِنینگ واقتیم هِنیز گِلِنُق»‏ دییّپ جُغاپ بِردی.‏ 5اِنه‌سی خیدماتکَرلِره:‏ ‏«‏اُل سیزه نَمه دییسه، شُنی هِم اِدینگ»‏ دییدی.‏

6شُل یِرده یَهودیلِرینگ یوونوپ-پَکیزلِنمه سونِّتی اوچین اولی آلتی سانی کویزه#۲‏:۶ اولی… کویزه – یونانی دیلینده ‏«‏ایکی یا-دا اوچ مِترِتِس»‏ ۸۰ لیتردِن ۱۲۰ لیتر تُوِرِگیدیر.‏ باردی.‏ 7عیسی خیدماتکَرلِره:‏ ‏«‏کویزه‌لِری سودان دُلدورینگ»‏ دییدی.‏ اُلار کویزه‌لِری آغیزلارینا چِنلی دُلدوردیلار.‏ 8اُنسُنگ خیدماتکَرلِره:‏ ‏«‏ایندی شولاردان قویوپ، طُویونگ باشلیغینا اَکیدینگ»‏ دییدی.‏ اُلار اَکیتدیلِر.‏ 9طُویونگ باشلیغی شِرابا اُورولِن سووونگ نیرِدِن گِلِنینی بیلمِیَردی، مونی دینگه سووی قویان خیدماتکَرلِر بیلیَردی.‏ اُل بو شِرابدان دادیپ گُردی و اُیلِنیَن ییگیدی چاغیریپ، اُنگا:‏ 10‏«‏هِمّه‌لِر ساچاغا اَوَّل قاوی شِرابی قُییارلار.‏ میهمانلار ایچیپ دُیانلاریندان سُنگ، آرزان شِرابی بِریَرلِر.‏ سِن بُلسا قاوی شِرابی شو واقتا چِنلی ساقلاپ قُیوپسینگ!‏»‏ دییدی.‏

11بو عیسانینگ اَوَّلکی گُرکِزِن عالاماتیدی.‏ اُل مونی جلیل‌ینگ قانا شَهرینده گُرکِزیپ، اُز بِییکلیگینی اَشکَر اِتدی.‏ مونی گُرِن شَگیرتلِری اُنگا ایمان گِتیردیلِر.‏

12بو واقادان سُنگ عیسی اِنه‌سی، دُغانلاری و شَگیرتلِری بیلِن بیله کَفَرناحوما گیدیپ، اُل یِرده بیرنَچه گون قالدیلار.‏

عیسی آلیش-بِریش اِدیَنلِری عیباداتخانادان کُویار

مَتّیٰ ۲۱‏:۱۲‏-۱۳؛ مَرقُس ۱۱‏:۱۵‏-۱۷؛ لوقا ۱۹‏:۴۵‏-۴۶

13یَهودیلِرینگ پِسَح بایرامینینگ قُلایلاشیاندیغی اوچین عیسی اورشلیمه گیتدی.‏ 14اُل عیباداتخانانینگ حایاطیندا سیغیر، قُیون، کِپدِر ساتیانلاری، شِیله هِم، پول چالشیپ اُتورانلاری گُردی.‏ 15عیسی طاناپدان شالّاق بِجِریپ، مال-قارالاری بیلِن بیرلیکده هِمّه‌سینی قامچیلاپ، عیباداتخانادان کُووپ چیقاردی، پول چالیشیانلارینگ تاغچالارینی آغداریپ، پول‍لارینی یِره سِچیپ گُیبِردی.‏ 16اُل کِپدِری ساتیانلارا:‏ ‏«‏بولاری بو یِردِن داشاری چیقارینگ!‏ آتامینگ اُیونی بازارا اُوورمَنگ!‏»‏ دییدی.‏ 17شُندا اُنونگ شَگیرتلِری مُقادِّس یازغیلارداقی ‏«‏سِنینگ اُیونگه بُلان قایرات مِنی یاقدیرار»‏ دییلِن سُزلِری یادلادیلار.‏#زِبور ۶۹‏:۹

18اُنسُنگ یَهودی باشلیغلاری اُندان:‏ ‏«‏سِنینگ بِیتمَگه نَمه حاقینگ بار؟ اِگِر حاقینگ بار بُلسا، عالامات گُرکِزیپ، مونی بیزه تاصدیق اِت»‏ دییّپ طالاب اِتدیلِر.‏ 19عیسی اُلارا:‏ ‏«‏بو عیباداتخانانی ییقینگ، مِن اُنی اوچ گونده دیکِلدِرین»‏ دییّپ جُغاپ بِردی.‏ 20یُلباشچیلار:‏ ‏«‏بو عیباداتخانا قیرق آلتی ییلدا بِجِرِلدی، سِن بُلسا اُنی ایندی اوچ گونده دیکِلتجِکمی؟»‏ دییدیلِر.‏ 21اِمّا عیسی عیباداتخانا دییّپ، اُز بِدِنینه آیدیاردی.‏ 22عیسی اُلومدِن دیرِلِندِن سُنگ، شَگیرتلِری اُنونگ بو آیدانینی یادلادیلار.‏ شُندا اُلار مُقادِّس یازغیلارا و عیسانینگ سُزلِرینه ایمان گِتیردیلِر.‏

23عیسی اورشلیمده پِسَح بایرامیندا بُلاندا، کَن آداملار اُنونگ گُرکِزِن عالاماتلارینی گُروپ، اُنگا ایمان گِتیردیلِر.‏ 24اِمّا عیسی هِمّه آداملارینگ یورِگینی بیلِنسُنگ، اُزی هِم اُلارا اینانمایاردی.‏ 25اینسان باباتدا اُنگا هیچ کیمینگ شاهاتلیغی گِرِک دَلدی، سِبَبی اینسانینگ نییِتینی عیسانینگ اُزی بیلیَردی.‏

Valgt i Øjeblikket:

یوحنا 2: TUKIR

Markering

Del

Kopiér