Salmow 3
3
SALM 3.
Domine, quid multiplicati?
1A Arloedh, fatell yw ow eskerens ynkressys : lies yns i neb a sev er ow fynn.
2Lies yns i neb a lever a'm enev : ‘Nyns eus gweres ragdho yn Duw.’
3Mes ty, A Arloedh, yw skoes a-dro dhymm : ow glori, neb a dhrehav ow fenn.
4My a elwis war an Arloedh gans ow lev : hag ev a worthybis dhymm mes a'y venydh sans.
5My a wrowedhas ha koska : ha my a dhifunas, rag an Arloedh a'm skoedh.
6Ny borthav own a dhegow a vilyow a'n bobel : neb re omsettyas a-derdro er ow fynn.
7Sav, A Arloedh; salw vy, ow Duw : rag ty re weskis oll ow eskerens war an challa : ty re dorras dyns an debeles.
8Dhe'n Arloedh yma selwyans : yma dha vennath war dha bobel.
Valgt i Øjeblikket:
Salmow 3: ASK
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Kesva an Taves Kernewek 1997, 2019
© Cornish Language Board 1997, 2019